Македонија
Уништени близу 200 кг дрога и 250 парчиња оружје
Запленета дрога во вкупна вредност од околу три милиони евра и поголема количина на запленето оружје уништени се денеска во погонот Челичарница на Макстил во Скопје.
Запленета дрога во вкупна вредност од околу три милиони евра и поголема количина на запленето оружје уништени се денеска во погонот Челичарница на Макстил во Скопје.Во рамки на акцијата беа уништени 167 килограми хероин, 1,7 килограми кокаин, 10,4 килограми суров опиум, 5 килограми марихуана и хашиш – дрога чија што севкупна вредност на нарко пазарот се проценува на околу 3 милиони евра, како и околу 250 парчиња оружје од најразличен тип.“Резултатите говорат дека ако ги споредиме последните четири години со претходните, расте ефикасноста на полицијата кога станува збор за борбата против нелегална трговија со дрога. Има 52 проценти повеќе кривични пријави против лица и 25 проценти зголемување на запленетата количина дрога“, рече министерката за внатрешни работи Гордана Јанкулоска Според статистичките показатели, во изминативе четири и пол години откриени се над 2.200 случаи, односно кривични дела од областа на недозволената трговија со дрога при што кривично беа пријавени 2.565 лица. Притоа во посочениот период запленети се околу два тони и 660 килограми разни видови наркотични дроги (1,6 тони марихуана, 493,8 килограми кокаин, 376 килограми хероин, околу 26 килограми опиум и друго во вредност на наркопазарот од над стотина милиони евра. Покрај ова во изминатите четири и пол години откриени се над 1.160 кривични дела од областа на недозволената трговија со оружје, а над 1330 лица беа кривично пријавени, додека пак запленети беа 4.209 парчиња разновидно оружје и поголемо количество муниција. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Резултатите се јасни, им честитам на победниците
Кандидатот за претседател, Стево Пендаровски на прес-конференција вечерва кажа дека резултатите се јасни и им честита на победниците.
„Резултатите се јасни и немам намера подетално да ги разлагам. Согласно резултатите досега им честитам на победниците, да им посакам успешна работа во следните четири, односно пет години. Мојот концепт за мултиетничка Македонија денеска не доби мнозинска поддршка од граѓаните. Јас сум уверен дека само таква Македонија може да биде просперитетна и демократска држава. Мојата совест е мирна, но не сум сигурен дека совеста им е мирна на оние кои тргнувајќи од тесно партиски и лични политички интереси, денеска ефективно спречија илјадници наши граѓани да го земат второто ливче и да гласаат и на претседателските избори“, рече Пендаровски.
Тој се заблагодари на сите учесници во изборниот процес и на медиумите за соработката изминатите пет години.
Македонија
ДУИ очекува над 20 пратеници: „Имаме повеќе од 30.000 гласови предност пред опозицијата“
Од 50 отсто изборјано гласачки ливчиња, имаме над 30.000 гласови разлика пред „Вреди“, изјави Шефот на Изборниот штаб на Европскиот фронт, Арбр Адеми.
„Речиси во сите општини сме во предност: Дебар 2:1, Струга повече од 2:1, Кичево 5:1, Врапчиште повеќе од 2:1. ВО предност сме и во Тетово, Гостивар, Куманово, Липково“, изјави Адеми.
Како што рече, се потврдува дека Европскиот фронт ќе стигне до над 20 пратеници.
Според резултатите објавени на страната на ДИК, од досега пребројаните гласови, Европскиот фронт на ДУИ освоил 90.151 или 16,59 отсто, додека Влен има 73.893 гласа или 13,60 проценти.
Македонија
(Видео) Левица: Имаше нерегуларности, бугарски воз, притисоци од сегашната власт и закани за отпуштање по изборите од опозицијата
Партијата Левица вечерва по затворањето на гласачите места обвини за низа нерегуларности за време на гласањето, но и покрај тоа очекува позитивен резултат од изборите. Портпаролот Амар Мециновиќ обвини за ситуации со бугарски воз, попречено гласање, притисоци од сегашната власт но и закани за отпуштања од работа по изборите од сегашната опозиција.
„Денеска видовме дека имаше многу недоследности и неправилности во текот на целиот ден. Лица што требаше да гласаат како болни и изнемоштени вчера не можеа да гласаат. Денеска имаше ситуации на бугарски возови, имаше ситуации во кои имаше изборен материјал до изборните места и имаше ситуации каде што гласањето беше попречено на моменти. Од друга страна во текот на денот забележавме и дека структури блиски до сегашната власт вршеа притисок на наши активисти и на наши истакнати членови, додека, од друга страна, и најголемата опозициска партија го вршеше овој притисок. Дури се одеше до таму да се заканува со отпуштања по изборите“, рече портпаролот Мециновиќ.
Тој потенцираше дека денес пратеници на ВМРО – ДПМНЕ еклатантно лажеле дека Левица повикува на бојкот.
„Левица веќе два дена повикуваше на одѕив. Медиумите блиски на ВМРО-ДПМНЕ констатираа дека Левица не излегла да гласа. Тоа е лага. Ние повикуваме на гласање. Ние сме најголем непријател на оваа власт која сега си заминува. Го поздравуваме одењето на власт и очекуваме позитивен резултат“, нагласи Мециновиќ.
Од нешто повеќе од половина обработени избирачи, според податоците на Државната изборна комисија, Левица добила 31.012 гласови или 6,44 отсто од досега пребројаните гласови.