Македонија
Прв Европски појадок во организација на СЕП
Во организација на Секретаријатот на европски прашања (СЕП), денеска во Скопје се одржа прв Европски појадок, на кој присуствуваа бројни видни личности од јавниот и од политичкиот живот, дипломати, како и претставници на бизнис заедницата.
Во организација на Секретаријатот на европски прашања (СЕП), денеска во Скопје се одржа прв Европски појадок, на кој присуствуваа бројни видни личности од јавниот и од политичкиот живот, дипломати, како и претставници на бизнис заедницата. Целта на овој настан, како што истакнуваат од СЕП, беше на едно место да се соберат сите важни чинители во процесот на европска интеграција на Македонија. „Европската интеграција не е дневна политика и не е предизборна реторика. Европската интеграција е историски процес за нашата држава и за нашите граѓани“, рече Васко Наумовски, вицепремиер за европски прашања. Повикувајќи се на минатонеделната изјава на шефот на шпанската дипломатија, Мигуел Анхел Моратинос, новиот шпански амбасадор во земјава, Жозе Мануел Паз у Аугерас, повтори дека приоритет на претседателството на неговата земја со ЕУ е проширување кон земјите од регионот. „Шпанското претседателство е целосно посветено на заложбите за проширување на Европската Унија и интеграција на земјите од регионот“, изјави амбасадорот Аугерас. Евроамбасадорот Фуере повика на единство на сите делови од општеството при интеграција на земјава во унијата. „Патот до Европската Унија и преговорите мора да ги вклучи сите општествени чинители. Само на овој начин најдобро може да се изоди пристапниот пат до Европската Унија“, рече Фуере. Првиот европски појадок во Македонија се организираше во пресрет на 9-ти мај, ден на Европа. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.