Свет
ОН ја евакуираат мисијата од Триполи
Персоналот на мисијата на ОН во Либија се подготвува да го напушти главниот град на земјатаТриполи поради извештаите за напади врз амбасадите на неколку земји, вклучувајќи ги Велика Британија и Италија, јави Reuters повикувајќи се официјален претставник на ОН, Стефани Бункер
„Обединетите нации се подготвуваат да го напуштат Триполи. Веројатно, во Триполи има безредија и тие се решија да го напуштат градот“, изјави претставникот на светската органзиајција, Стефани Бункер. Во неделата имаше извештаи за напади и акти на вандализам насочени против амбасадите на неколку земји, меѓу кои на Велика Британија и Италија. Британскиот Форин Офис соопшти дека добил информации за уништувањето на резиденцијата на амбасадорот на Обединетото Кралство во Триполи. Италијанското министерство за надворешни работи соопшти дека амбасадата на земјата и резиденцијата на италијанскиот амбасадор биле уништени и ограбени. Како што известува Reuters повикувајќи се на сведоци, облаци од чад се издигнувале над италијанската амбасада во Триполи. Поголемиот дел од западните земји ги евакуираат вработените во нивните допломатски мисии уште на почетокот на воздушната кампања на НАТО против Либија во март. Британија дипломатски е пресутна и во најголемиот град во источниот дел на Либија, Бенгази контролиран од страна на бунтовниците. Британските власти донесоа одлука за протерување на либискиот амбасадор по информациите за нападот врз британската амбасада во Триполи, се вели во соопштението на министерот за надворешни работи, Вилијам Хејг. „Виенската конвенција бара режимот на Гадафи да ги заштити дипломатските мисии во Триполи Без тоа, режимот уште еднаш ги прекрши своите меѓународни обврски и заложби … па решивме да го протера либискиот амбасадор“, изјави министерот Хејг кој додаде дека либискиот амбасадор има 24 часа да ја напушти Велика Британија.Според агенциските извештаи, овие напади врз странските диплоамтски мисии се должат на загинувањето на најмладиот син на либискиот водач Гадафи, Саиф ал-Араб во ноќта кон неделата. Според официјалниот претставник на либиските власти, Муса Ибрахим, во време на нападот на авионите на НАТО, Гадафи и неговата сопруга се наоѓале во домот на нивнито 29-годишне син Саиф ал-Араб, куќатa била погодена со најмалку еден проектил при што загинале и три внуци на либискиот водач и повеќе нивни роднини и соседи. Претходно во саботата, за време на утринското телевизиско обраќање на Гадафи кој повика на примирје со услов да престант бомбардирањата на Алијансата, воздухопловните сили на НАТО ја бомбардираа областа во близина на зградата на либиската телевизија во Триполи. Веднаш по завршувањето на емитувањето на обраќањето на либискиот лидер, либиската државна телевизија објави дека во текот на емитувањето во напад на воздухопловните сили на НАТО била уништена една зграда во близина на либиската телевизија што беше коментирано како „обид за атентат врз лидерот на револуцијата.“.Либиската влада во вторникот ја обвини НАТО алијансата дека се обидела да го убие Гадафи, кога силите на западната коалиција истрелаа два проектила врз комплексот згради во Триполи во кои тој престојува. Од НАТО нападот од понеделникот го опишаа како прецизен удар врз штабот за комуникации, од кои е вршена координација за нападите врз цивили.Премиерот на Велика Британија, Дејвид Камерон, изјави дека НАТО при извршување на воената операција во Либија не си поставила за цел уништување на „конкретни личности. „Политиката на НАТО во однос на селектирањето цели е апсолутно јасна. Таа соодветствува со резолуцијата на Обединетите нации – 1973, за одвраќање од гинење на цивилите, за што се наенсуваат удари врз воената машинерија на Гадафи, односно што е очигледно врз тенковите, ракетните системи, но исто така и врз командно-контролните центри“, изјави вританскиот премиер. Претходно во неделата со идентична изјава се огласи и генерал-потполковникот Шарл Бушар, кој командува со операцијата на Алијансата во Либија под име „Обединет заштитник“Администрацијата на американскиот претседател Барак Обама негираше дека нападот од саботата бил насочен кон Гадафи. Во вторникот изминатава седмица во данската престолнина Копенхген, рускиот премиер Владимир Путин остро ја критикуваше западната коалиција, која ја контролира зоната на абранета за прелети над Либија и рече дека никој нема мандат да го убие полковникот Моамер ел-Гадафи.Во неделатар министерството за надворешни работи на Руската Федерација издаде соопштение во кое Русија го обвини НАТО за „непропорционална“ употреба на сила во Либија и изрази сомнеж дека либискиот лидер Моамер Гадафи е мета на воздушните удари на Алијансата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсени две млади момчиња: планирале напад со нож на верници во синагога во Германија
Германските власти денеска соопштија дека уапсиле двајца мажи осомничени дека планирале напад со нож врз верници во синагога во Хајделберг, на југозападот на земјата.
Осомничените, на возраст од 24 и 18 години, беа приведени за време на одделни полициски операции во покраината Баден-Виртемберг на почетокот на овој месец, соопштија државните обвинители и полицијата, пренесе АП.
Тие разговарале за убиство на еден или повеќе верници во напад на синагогата, по што ќе следуваше нивна „маченичка смрт“, а сакаа полицијата да ги убие, се вели во заедничкото соопштение на германските власти.
Осомничените се соочуваат со обвиненија за заговор за убиство.
Полицијата го открила заговорот со претрес на домот на повозрасниот осомничен на 3 мај.
При претресот, полицаецот пукал и ранил еден од осомничените откако се фатил за нож.
Доказите запленети за време на претресот вклучуваат размена на онлајн пораки меѓу двајцата осомничени во април, во кои тие разговарале за можен напад на синагогата, соопштија властите.
На 18 мај полицијата го приведе помладиот осомничен и изврши претрес во неговиот стан.
Двајцата осомничени се германски државјани, а 18-годишникот има и турско државјанство, соопштија властите.
Нивните имиња не се објавени.
Германските лидери предупредија на ризиците од напади врз Евреите и го осудија порастот на антисемитизмот по избувнувањето на војната меѓу Израел и Хамас.
Регион
Шефот на хрватската дипломатија: Реакцијата на раководството на Србија покажува дека се далеку од соочување со минатото
Хрватскиот министер за надворешни и европски работи Гордан Грлиќ Радман денеска оцени дека реакцијата на српското раководство на резолуцијата за Сребреница покажува дека земјата е далеку од соочување со своето минато, пренесуваат медиумите во регионот.
Тој посочи дека резолуцијата не прогласува ниту една нација за геноцидна, освен дека ОН се обврзаа да го одбележат тој настан, пренесе агенцијата „Хина“.
„Оваа резолуција се стреми да придонесе за да се осигури дека злосторството геноцид никогаш никаде нема да се повтори“, рече Грлиќ Радман.
Тој додаде дека меѓународните судови утврдиле дека во Сребреница се случил геноцид и дека Србија не го спречила тоа злосторство да се случи ниту ги казнила неговите извршители.
Европа
Филипинка се породила на крузер и го сокрила бебето: тоа починало
Истражен судија во Гросето, Италија го отфрли обвинението за убиство против Чан Џенсел Пиа Салахид, 28-годишна Филипинка која се породила на бродот за крстарење „Сребрен шепот“ на 17 мај, а потоа беше уапсена за смртта на детето.
Истражниот судија го потврдил приведувањето, а младата жена останала во затвор, но под обвинение за напуштање дете со смрт. Нејзините двајца колеги, кои ја делеле кабината со неа и кои исто така биле уапсени поради смртта на бебето, биле ослободени.
Тие и помогнале да се породи и биле соучесници во прикривањето.
Како што пишува „Rai News“, по добивањето на резултатите од обдукцијата, судот ги отфрли обвиненијата за убиство. Засега не се знае за што точно ќе биде обвинета жената освен за напуштање на детето.
А, таа цело време пред истражителите, според италијанските медиуми, тврдела дека не сакала да го убие својот син, кого го нарекла Тејлор.
Само се плашела дека ќе остане без работа, па го сокрила. Секогаш кога можела, доаѓала да го дои, според исказите. Бебето го оставала во плакарот со подотворена врата за да не падне од креветче и никој да не го види или слушне неговиот плач.