Свет
Њујоршката полиција ги ранила минувачите пред Емпајер Стејт Билдинг
Њујоршката полиција е виновна за ранувањето на девет минувачи во пукотницата пред Емпајер Стејт Билдинг, а не 53 годишниот Џефри Џонсон, кој претходно го застрелал поранешниот колега од работа.
Ова во недела наутро го потврди полицијата, која соопшти дека двајцата полицајци, кои го застрелале Џонсон, морале брзо да реагираат за да спречат евентуални нови жртви. Тоа што раниле деветмина минувачи може да се смета како колатерална штета.
Среќа во несреќа е што полицајците користеле таканаречени „шупливи куршуми“. Нив њујоршката полиција почна да ги користи пред 14 години, токму за да ја намали можноста од убивање на недолжни граѓани, иако во овој случај се покажа спротивен ефект, јавува Ројтерс.
Имено, „класичните куршуми“ по правило минуваат низ телото, односно имаат излезни рани. Во случајот на шупливите куршуми, зрното се распрскува откако ќе ја погоди метата, што предизвикува сериозни повреди, но ретко и излезни рани. Лошата карактеристика на овие куршуми е тоа што се склони на фрагментирање, односно на одбивање на тврди мети, како бетонски ѕид.
Тоа во овој случај се покажа посебно погубно, бидејќи шест минувачи настрадаа од шрапнели на куршумите што го промашиле Џонсон. Тројца минувачи, пак, директно биле погодени од полицајците.
Полицајците кои го убија Џонсон и ги ртанија минувачите исто се во болница, заради психолошките трауми што ги доживеале.
Истрагата утврди дека Џонсон во автомобил ја чекал својата жртва, 41 годишниот Стивен Ерколин, потпретседател на компанијата Хазан Импортс. Џонсон добил отказ минатата година, кога компанијата го намалувала бројот на вработени. Џонсон му пришол од грб на својот поранешен колега и пукал во него пет пати. Потоа мирно си заминал, а кога му се доближиле полицајците го извлекол пиштолот. Тие побрзо реагирале и го убиле Џонсон, но биле и доста непрецизни, што предизвикало ранување на минувачите. /крај/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.