Свет
Положани го уништува битолскиот Педагошки факултет за да го развие тетовски
Ако министерот за образование Азиз Положани и натаму ги игнорира барањата на Педагошкиот факултет во Битола да формира нови групи студии, од утре граѓаните на југозападна Македонија ќе го кренат гласот против самоволието на министерот.
ПО ТРИ ГОДИНИ МОЛК БИТОЛЧАНИ ГО КРЕВААТ ГЛАСОТ
Ако министерот за образование Азиз Положани и натаму ги игнорира барањата на Педагошкиот факултет во Битола да формира нови групи студии, од утре граѓаните на југозападна Македонија ќе го кренат гласот против самоволието на министерот. Меѓу незадоволните се граѓаните од Битола, Струга, Охрид, Ресен, Демир Хисар, Крушево, Прилеп, Кичево, Македонски Брод, Кавадарци, Неготино, Демир Капија, Струмица, Гевгелија, чии деца студираат на битолскиот универзитет.
– Не постои факт со кој некој ќе не убеди дека на Педагошкиот факултет во Битола нема услови да се образуваат наставници по историја и географија, а за тоа има услови само на Тетовскиот универзитет – се погласно реагира битолската научна и граѓанска јавност, која по три години молк го отвори стариот случај што министерот Азиз Положани го држи под ембарго.
Педагошкиот факултет во Битола уште во 2002 година од Одборот за акредитација побарал да се отворат студиски и предметни програми за дополнителни двопредметни студии за наставните групи историја-географија, македонски-германски, македонски-англиски и македонски и француски јазик. Барањето го усвоиле и одобриле сите органи и тела на универзитетот “Св. Климент Охридски” во Битола. Но, и по три години Одборот не одговара на ова барање иако, според законот, е должен во рок од 60 до 120 дена да го разгледа и да се произнесе.
Во меѓувреме, министерот за образование Положани, преку ноќ и набрзина успеал преку тој одбор да издејствува одобрување на двопредметни студии по историја и географија само на поранешниот малоречански, сега Тетовски универзитет. Според тоа, во земјава наставници и професори по историја и географија ќе се образуваат само на тој универзитет. На Тетовскиот универзитет предаваат двајца професори од Битола, кои патуваат до Тетово.
– Министерот Положани намерно го уништува битолскиот Педагошки факултет. Тој се одмаздува што битолчани не му дозволија да отвори албанска паралелка со “увезени” средношколци од западна Македонија надвор од позитивните законски прописи. Се повеќе се остварува намерата од 2007 година наставници и професори по историја и географија што ќе излезат од Тетовскиот универзитет да ги предаваат тие предмети во целата земја. Педагошкиот факултет во Битола се уништува за да се зајакне тетовскиот – реагира битолската јавност.
Битолчани денеска очекуваат Одборот за акредитација да го разгледа барањето за двопредметни студии.
– Ако не, од утре ќе бараме прием кај премиерот Владо Бучковски. Ние не реагиравме на неговата изјава во кампањата за локалните избори кога тој на Никола Груевски му рече дека “ако бил способен ќе завршел во Скопје, а не во Прилеп”, оти тоа повеќе беше политички инает и маркетинг. Знаеме дека премиерот и професор има високо мислење за оваа 26 години стара и докажана високошколска институција. Затоа ќе бараме и тој да се вклучи во расветлувањето на таа неправда. Во Битола учителствувале Мисирков и браќата Миладиновци, тука учителска школа завршиле барем половината македонски учители и наставници, писатели и научници. Затоа нема да дозволиме министерот Положани да го уништи битолскиот Педагошки факултет. Ако тој ги остави само насоките учители и воспитувачи, битолскиот универзитет за неколку години неминовно ќе се затвори и ќе згасне традицијата стара повеќе од еден век – велат битолчани.
Родителите од Гевгелија до Струга чии деца треба допрва да студираат се едногласни во своите мислења:
– Битола е поевтин, поблизок и поприфатлив универзитетски центар за нас од Скопје.
Менде Петковски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина ќе влезе во НАТО кога ќе ја победи Русија во војната
Претседателот на Украина, Володимир Зеленски, е убеден дека Украина ќе се приклучи на Северноатлантскиот договор по победата во војната со Русија.
Зеленски ова го изјави за време на заедничката средба со офицери кои минуваат курсеви за професионално воено образование според стандардите на НАТО, со учество на генералниот секретар на Алијансата, Јенс Столтенберг, пренесе Униан.
Според мое лично мислење, во НАТО ќе бидеме само кога ќе победиме“, нагласи Зеленски. Претседателот на Украина додаде дека одлуката за пристапување на Украина во Алијансата е донесена со едногласен консензус на сите земји членки на Алијансата.
„А мнозинството е политичко прашање, за да може Украина политички да биде прифатена во Алијансата, потребна е победа“, додаде Зеленски. Тој изјави дека една од причините за војната на Русија против Украина е фактот што Украина порано не била примена во НАТО.
„Пред многу години имаше и соодветен скептицизам кај некои членки, а Русија работеше многу напорно со нашите сегашни партнери, тие водеа дијалог. Таа направи се за да ја спречи Украина да биде примена не само во НАТО, туку и во Европската унија, така што Украина едноставно не се развиваше и не беше отсечена од влијанието на Руската Федерација. Затоа, за да се оттргне од ова влијание, неопходно е да се заштити нејзината независност со победа“, нагласи Зеленски.
Свет
(Видео) Момче почина по нападот во Лондон: Бесен манијак со меч сечел луѓе на улица, дете им подлегна на повредите
Тринаесетгодишно момче загина, а уште четворица се повредени по напад што се случи во североисточен Лондон во близина на метро станица.
Пет лица биле итно префрлени во болница по инцидентот кога маж прво удрил во куќа со возило, а потоа со меч ги повредил минувачите и полицајците кои се обиделе да го задржат.
„Повредените лица бараат лекарска интервенција, но веруваме дека нивните повреди не се опасни по живот“, соопштија од полицијата.
Според главниот надзорник Стјуарт Бел, 36-годишниот маж кој беше уапсен утринава бил приведен нешто пред 7 часот наутро, 22 минути откако полицијата го примила првиот повик.
Тој моментално е во притвор.
„Би сакал во овој момент да потврдам дека не веруваме дека постои закана за пошироката јавност и не бараме други поединци“, додаде Супт Бел.
„Се чини дека инцидентот не е поврзан со никаков терористички акт“, рече тој.
🚨🇬🇧BREAKING: STABBING INCIDENT IN LONDON.
In London, an individual wielding a sword has attacked homes, injuring two police officers and two residents.
Authorities have preliminarily stated that the incident does not seem to be a terrorist attack.
And of course since the… pic.twitter.com/GQXgHPTFbc
— Suppressed News. (@SuppressedNws) April 30, 2024
Пред нападот, маж во жолта качулка удрил со својот автомобил во куќа, а потоа излегол од возилото и почнал да мавта со самурајски меч.
На видеата направени од случајни минувачи, тој може да се види како шета од куќа до куќа.
Се се случило околу 7 часот утринава, а на терен се голем број полицајци.
Метро станицата Хаинолт беше веднаш затворена.
Свет
Почна европска истрага против Фејсбук и Инстаграм
Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.
„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.
Таа додаде дека борбата против дезинформациите е особено важна за време на изборната кампања.
Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ.