Македонија
Цивил: Партиите нема да штедат средства за да дојдат до гласови
Состојбите во партиско – политичкиот амбиент во земјава во предизборието не ветуваат избори без насилство. Ова е гледиштето на невладината организација „Цивил“ пред претстојните парламентарни избори на 5 јуни.
Состојбите во партиско – политичкиот амбиент во земјава во предизборието не ветуваат избори без насилство. Ова е гледиштето на невладината организација „Цивил“ пред претстојните парламентарни избори на 5 јуни.
Отворените непријателства меѓу главните политички опоненти во земјава кои резултираат и со евидентна поделеност меѓу граѓаните, неколкуте инциденти пред самиот почеток пред изборната кампања, кршењето на изборни штабови на партиите се причините поради кои од „Цивил“ не се оптимисти дека Македонија ќе има избори без насилство.
„Намерата на партиите е да се победи по секоја цена од двете страни. Затоа се подгрева тензијата, се загреваат сопствените кампуси да направат се што е можно, а тука се плашиме дека во се што е можно има и не само ненасилни и цивилизирани методи“ вели Илир Ајдини од „Цивил“.
„За овие избори влогот е огромен, да не кажам капитален, ова се избори после кои можеби ќе снема одредени политички субјекти, односно ќе бидат подмолно маргинализирани и затоа мислам дека по секоја цена политичките партии, барем оние кои претендираат на повисок број места во парламентот, а се разбира да формираат влада се обидуваат да земат повеќе гласови. Мислам дека нема да штедат на средства, на инструменти и на злоупотреби да дојдат до што е можно повеќе гласови. Се разбира тоа нема воопшто да биде добар капитал за понатамошно менаџирање со земјата бидејќи кога ќе дојдете на власт по пат на нерегуларни избори, секако дека не можете да ја регулирате земјата потоа да работи чесно и во ваша корист“ вели Џабир Дерала, претседател на Цивил.
За таа цел, за превенирање на насилството на изборите, центарот за слобода „Цивил“ спроведува проект за спречување на насилството за претстојните избори што ќе се одржат на 5 јуни. Кампањата ќе опфати продукција на аудио и видео спотови кои ќе се емитуваат на националните и локалните електронски медиуми, со пораки против насилството и оруженото насилство.
Освен ова, кампањата опфаќа и теренски активности за превенција од насилство во над 20 општини во Македонија, Чаир Сарај, Шуто Оризари, Центар, Аеродром.
„Ќе бидеме достапни 24 часа да се пријави насилство, а од наша страна веднаш ќе биде реагирано така што ќе се излезе на лице место да се утврди“ вели Дерала./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: 1.764 повици на бројот за итни случаи 112 во последното деноноќие
Центарот за управување со кризи (ЦУК) информира дека имало вкупно 1 764 повици на Единствениот повикувачки број за итни случаи 112 во ЦУК во последното деноноќие, од коишто „реални“ повици биле 52,44%, а 47,56% биле за други потреби на граѓаните што не биле итни. Кон Полиција биле упатени 62,93%, кон Итната медицинска помош 33,59%, а кон пожарникарите 2,32% од реалните повици кон 112 во ЦУК. Инаку, имало 842 повика за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (1,16%) и на тие што се именувани како „неитни повици“(47,56%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).
Во последното деноноќие немаше евидентирани пожари на отворен простор. Имало само урбани.
Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи.
Македонија
СДСМ: 27 април е крвав потсетник на режимот на ДПМНЕ
27 април е најцрниот датум во историјата на македонската демократија, 27 април е крвав потсетник на режимот на ДПМНЕ, велат од СДСМ.
„Вооружени насилници на 27 април 2017 година, поттикнати од ДПМНЕ, упаднаа во Собранието обидувајќи се да убијат пратеници, да повредат новинари и вработени во парламентот, да го загрозат уставниот поредок, ја доведоа државата пред амбис, на раб на граѓанска војна. Сеќавањата на крвавите лица на пратениците, нападнати со шипки и столици, влечењето за коса, дивеењето на насилниците, кои кршеа и уништуваа се пред себе во храмот на демократијата, се свежи и по седум години. Насилниците поддршка имаа и од Христијан Мицкоски, кој тој ден беше пред македонското собрание. Наместо извинување и осуда, Мицкоски стои во одбрана на осудените насилници за крвавиот четврток“, пишуваат од партијата.
„Ништо не е сменето во ДПМНЕ. Тоа е истата партија која сака одново да гази врз слободата, врз демократијата, да се пресметува со неистомисленици, да шири омраза и поделба меѓу граѓаните. СДСМ, заедно со граѓаните нема да дозволи да се заборави 27 април, нема да дозволи никогаш да се повтори. Со глас за СДСМ и Коалицијата на 8 мај граѓаните гласаат за слобода, демократија и европски вредности“, се вели во соопштението на СДСМ.
Сервисни информации
Сончево со мала до умерена облачност, од пладневните часови со услови за локална нестабилност со краткотраен пороен дожд
Времето денеска, ќе биде сончево со мала до умерена облачност. Од пладневните часови ќе има услови за локална нестабилност со краткотраен пороен дожд и појава на грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 17 до 23 степени.
Во Скопје сончево со мала до умерена облачност и во делови од регионот со услови за краткотарен пороен дожд. Минималната температура ќе се спушти до 6, а максималната ќе достигне до 22 степен.
Од недела следува период на стабилно и топло време, а дневните температури ќе бидат повисоки за 3 до 5 степени.