Економија
Македонија на седмо место според времето за чекање во ред
Со помош на тајни купувачи и остварени над 2000 анонимни посети, членките на Меѓународната Асоцијација за Тајно Купување (MSPA) и оваа година го спроведоа годинешното мерење за чекање во ред.
Со помош на тајни купувачи и остварени над 2000 анонимни посети, членките на Меѓународната Асоцијација за Тајно Купување (MSPA) и оваа година го спроведоа годинешното мерење за чекање во ред.
Македонија е на високото 7 место со просечно време на чекање од 4,1 минута. Македонските граѓани во просек среќаваат пред себе во ред 1,73 купувачи што претставува најмалку во однос на европскиот просек, а само 23 отсто од од нив мислат дека може да се преземе нешто за да се намали времето на чекање во ред.
Најмногу се чека во Русија и Белорусија, не е ништо подобро ни во Босна и Херцеговина, Италија и Турција, а најкратко се чека во Шведска.
Според тоа колку луѓето се незадоволни од чекањето во ред, нашата земја е на 11 место ( 71 отсто незадоволни граѓани) заедно со Шведска.
Кога македонските купувачи ќе дојдат на ред им се насмевнуваат само 37 проценти од вработените, што е многу низок резултат во споредба со параметрите воспоставени од страна на МСПА. Од друга страна, квалитетот на услугата – поздравување упатено со насмевка, воспоставен контакт со очи и настојување вработениот да им помогне – во Македонија изнесува скоро 71 отсто, што упатува на заклучокот дека постапките кои ги бараат сопствениците од вработените, задолжително да го поздрават купувачот и да му се насмевнат, сепак носат плод во работењето.
Може да се пофалиме дека во некои сегменти ги следиме европските трендови. И во Европа најдолго се чека во ред во поштите и во банките, во просек по 19,5 и 18,5 минути соодветно. Просечната должина на редот во поштите е 6,8 клиенти, а во банките 5,7.
Согласно на тоа, во овие објекти се забележува и најголемо незадоволство, односно кај 60% од клиентите во поштите и 49% од клиентите во банките видно го изразуваат своето незадоволство додека чекаат во ред. Ако се земе во предвид дека и квалитетот на услугата е на најниско ниво од останатите испитани индустрии (60%), може оправдано да се заклучи дека поштите се целосни губитници во ова истражување.
Редовите за чекање најмногу им сметаат на граѓаните во Босна и Херцеговина, каде повеќе од 90 отсто се незадоволни.
Во Европа ситуацијата е малку поинаква. На европските купувачи во 2009 година им требало повеќе од 10 минути да дојдат на ред, што е двојно повеќе отколку во 2008 година. Се поголем број на купувачи покажуваат незадоволство заради чекање во ред. Вработените, меѓу другото, не мислат дека чекањето во ред е нивни проблем, ниту дека треба поради тоа да им се извинуваат на купувачите.
Најинтересниот податок доаѓа од Бугарија, каде што еден таен купувач чекал во ред 6 часа, а пред себе имал 36 клиенти кои чекале во редот.
Во Шведска просечно во ред се чека само две минути, а меѓу првите десет земји во кои се чека најкратко се и Данска, Шпанија и Велика Британија – нивниот просек е 3 минути. Во Европа во ред се чека просечно двапати повеќе отколку пред две години.
Истражувањето е спроведено во јуни и ви него биле опфатени разни продажни и услужни објекти во 24 европски земји. За посетите во банките, супермаркетите, малите продажни места, стоковни куќи, аптеките, рестораните за брза храна, како и шалтерите за продажба на билети за автобуски и железнички линии, тајните купувачи чекаа во редови, па потоа ги информирале спроведувачите на анкетата за нивните искуства./крај/со/ит.Важни резултати за Македонија4,1 минути е просечното време на чекање во ред, 7 место во Европа1,73 клиенти е просечната должина на редот, најкратки редови во Европа23% од македонските купувачи изразуваат незадоволство од чекањето во ред71% е квалитетот на добиена услуга, 17 место во Европа37% од вработените ќе ви се насмевнат кога ќе дојдете на ред
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Германија тврди дека трговската војна би била штетна и за САД
Италијанската премиерка, Џорџа Мелони, предупреди на опасностите од трговската војна со Соединетите Американски Држави, а сега слично предупредување доаѓа и од Германија.
Германија, најголемата европска економија и трета по големина во светот според податоците на Светската банка, предупредува дека реципрочните тарифи ќе бидат штетни за сите инволвирани страни пред објавувањето на новите царини подоцна денеска од страна на Трамп.
„Трошоците за трговска војна не паѓаат само на едната страна, туку може да станат скапи за двете страни“, рече владиниот портпарол Штефен Хебестрајт.
Тој додаде дека Берлин е „подготвен да преговара на европско ниво со Соединетите Американски Држави“ за да не биде вовлечен во трговска војна.
Германската економија е многу зависна од извозот, особено од возилата и автоделовите. Според податоците на германската влада, минатата година биле извезени приближно 3,4 милиони нови автомобили, од кои околу 13 проценти биле увезени во САД.
Економија
„ Имотно-правните пречки ги кочат енергетските проекти“: Министерството за енергетика бара итни решенија
Министерката за енергетика, рударство и минерални суровини, Сања Божиновска, иницираше состанок со сите релевантни институции за надминување на административните пречки што го кочат спроведувањето на значајни енергетски проекти. На состанокот присуствуваа претставници од АД МЕПСО, Агенцијата за катастар на недвижности, Управата за имотно-правни работи и Министерството за транспорт и врски.
Главниот предизвик што го попречува развојот на овие проекти е долгото чекање на решенија за имотно-правни прашања и сложените процедури за упис на државниот имот во Катастарот. Оваа состојба директно го забавува напредокот на повеќе капитални инвестиции, меѓу кои и проектот Милетково, неопходен за стабилноста на електроенергетскиот систем во тој регион.
„Проектите од ваков обем не смеат да стојат во место поради долги и неефикасни административни процеси. Ова не е само техничко прашање – ова е прашање на енергетска сигурност и економски развој. Одговорноста на институциите е да обезбедат навремена и координирана работа, за државните инфраструктурни проекти да не чекаат непотребно“, нагласи министерката Божиновска.
На состанокот беше договорено засилено меѓуинституционално координирање и утврдување на јасни процедури за забрзување на процесите.
„Министерството за енергетика, во соработка со надлежните институции, ќе работи на конкретни решенија за да се спречат идни застои и да се обезбеди навремена реализација на сите стратешки енергетски проекти“, рекоа оттаму.
Економија
Перински: Сирера системот е основа за ефикасност во спроведувањето на политиката за рамномерен развој
Претставници на министерства, агенции и други институции учествуваат на дводневна работилница наменета за целта, функциите и улогата на СиРеРа електронскиот систем за координација на политиката за рамномерен регионален развој, во кој се внесуваат податоци од институции вклучени во нејзиното спроведување.
Министерот за локална самоуправа, Златко Перински, денеска на отворањето на дводневната работилница, информираше дека Министерството за локална самоуправа посветено работи на обезбедување навремено и системско пополнување на системот и веќе 20 државни институции внесуваат податоци во него, зголемувајќи ја транспарентноста и подобрувајќи ја координацијата на политиката за регионален развој.
„Нашата цел е да изградиме функционална база на податоци, која ќе овозможи подобра анализа и носење на информирани одлуки. Крајната цел на сите нас е еднаков развој на сите региони во државата, а тоа секако се постигнува со креирање на политики на база на сигурни податоци, што ни ги овозможува овој систем“, порача министерот Перински. Тој посочи дека планирано е во 2026 година, СиРеРа системот да се поврзе со ИФМИС системот, што ќе овозможи автоматско повлекување на податоци.
Овој систем, поддржан од Владата на Швајцарија, веќе е вклучен во скрининг процесот на Европската унија за напредокот на нашата држава во Поглавје 22. Со тоа, обврската за редовно пополнување на базата дополнително се зацврстува и станува важен сегмент во процесот на европската интеграција на нашата земја.
Трамп воведе царини за увоз од сите земји, за ЕУ царина од 20 отсто
Претседателот Доналд Трамп денеска објави царини од најмалку 10 отсто за практично сите стоки кои доаѓаат во Соединетите држави, плус...
Во телефонот на Кешишев, Палевски бил запишан „царот“: „Го видов Палчо со пиштол и се слушна тап истрел“
По барање на одбраната на Влатко Кешишев, обвинетиот Љупчо Палевски-Палчо беше отстранет од судницата оти му било страв да зборува...
Давкова благодарна до сите земји кои ни помогнаа по трагедијата, објави листа на државите кои пружија помош
Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави...
Мицкоски и Филипче утре ќе се сретнат во Владата
Премиерот Христијан Мицкоски и претседателот на СДСМ, Венко Филипче, утре ќе остварат средба во владината зграда. Претходно денес, Мицкоски изјави...
На седницата на улица ССМ изгласа функционерите да бидат на минималец, ако не ја почитуваат одлуката, можен е генерален штрајк
На ист начин како што Владата без работниците одлучи за покачување на минималната плата на 400 евра, место на 500,...
Тројца пациенти денеска се враќаат од Шведска и од Грција
Министерството за здравство информира дека тројца пациенти од повредените лица од пожарот во Кочани се враќаат во земјата, од кои...
Мицкоски за средба со Филипче: Стојам на располагање во секое време, јас сум сериозен човек
Подготвен сум да го примам на средба претседателот на СДСМ, Венко Филипче, но непристојно е за ова да се разговара...
Со едноминутен молк за жртвите во Кочани, ССМ на улица ја отвори првата јавна седница, бараат 500 евра минимална плата
Голем број членови на највисокото раководство на Сојузот на синдикатите на Македонија (ССМ), придружувани од работниците, точно во 12.05 часот...
(Видео) „Мора да ги ослободиме институциите од канџите на политиката и партијата“: Филипче предлага концепт за нов општествен и политички дијалог
После големата трагедија во Кочани, ја видовме реакцијата на граѓаните, револт на место и бес. Би рекол сосема оправдано, бидејќи...
Секој има право да протестира, но барањата за минимална плата синдикатите треба да ги кажат на седница на ЕСС, а не на улица, вели Дурмиши
Министерот за економија и труд, Бесар Дурмиши, ја потпишал минималната плата без согласност од Економско-социјалниот совет (ЕСС), што е законска...
Уапсени три лица од Кривопаланечко поради извршено кривично дело убиство
Вчера во 18.25 часот, полициски службеници од ОВР Крива Паланка ги лишиле од слобода 24-годишниот З.Ф., 19-годишниот С.Ф. и 44-годишниот С.Ф....
Водостоите на сите реки во земјата се доста високи и таа тенденција се очекува да продолжи и во текот на денот
Според утринските податоци од хидролошките станици низ земјава, водостоите на сите реки низ земјава се доста високи и таа тенденција...
Поплавени куќи, магацини и индустриски објекти во Студеничани, Батинци, Пинтија и во Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски, освен со фотографирање, со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир нормализиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржувањето на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност за населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
