Свет
Тимошенко повторно на сослушување пред државниот обвинител
Украинскиот опозициски лидер, поранешната премиерка Јулија Тимошенко, денеска повторно се јави на сослушување во државното обвинителство на Украина, јавува РИА Новости.Распитот на поранешната украинска премиерка по кривичен случај за злоупотреба на средствата добиени од продажбата на квотите за емисија на гасови коишто го предизвикуваат ефектот на стаклената градина, вчера траеше повеќе од 11 часа. По завршувањето Тимошенко изјави дека канцеларијата на државното обвинителстово ја завршило преткривичната истрага против неа и го предала материјалот од кривичниот предмет, што е неопходна постапка пред случајот да биде препратен во судот.Пред да влезе во зградата на Држaвното обвинителство, Јулија Тимошенко за новинарите изјавила дека не знае зошто овојпат е повикана од страна на иследникот.Според Тимошенко, денешното испитување, најверојатно, исто така ќе биде долго.„Мислам дека Нова година ќе ја дочекаме овде сите заедно“, изјавила Тимошенко, обраќајќи им се на своите овојпат не многубројни поддржувачи кои се собрале со цел да и изразат поддршка на својата лидерка, во близина на Централниот оддел за истраги.Поранешната украинска премиерка смета дека истрагата ќе се обиде што е можно побрзо да формира кривичен предмет кој ќе го предаде во судот.„Се надевам дека судот ќе донесе непристрасна одлука. Во нашата држава не останаа ни чесни судови, ниту фер правосуден систем“, изјавила Тимошенко./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: Според демократските принципи, резолуцијата за Сребреница пропадна
Претседателот на Република Српска Милорад Додик изјави дека, што се однесува до демократскиот свет и она што нè учат, резолуцијата за Сребреница денеска не доби мнозинство во Генералното собрание на ОН и таа пропадна.
„На гласањето видовме дека за резолуцијата гласаа 84 земји, што не е ниту огромно мнозинство“, нагласи Додик.
Повтори дека Владата на Република Српска го покренала прашањето за мирно одвојување од Федерацијата Босна и Херцеговина, бидејќи, како што истакна, нема причина после ова да останат и да живеат заедно во Босна и Херцеговина.
Регион
Вучиќ: Резолуцијата ќе донесе поделби не само во нашиот регион туку и во ОН
Српскиот претседател Александар Вучиќ на Генералното собрание на ОН во Њујорк изјави дека усвоената резолуција за Сребреница ќе предизвика поделби не само во регионот, туку и во Обединетите нации.
„Никогаш не се случило во Генералното собрание на ОН гласањето за прашањето за геноцидот да не се изгласа едногласно, ова се случува за прв пат затоа што некои луѓе сакаа да ја искористат својата голема политичка моќ и да ја политизираат оваа важна тема и тоа го направија. не е важно колку долго предупредувавме дека целиот процес треба да биде транспарентен и инклузивен, но тие не не послушаа“, рече Вучиќ.
Тој посочи дека за резолуцијата гласале 84 земји, додека останатите присутни не гласале за резолуцијата и дека таков чин нема да успее во ниту еден национален парламент.
„Ова е единственото место во светот каде што е усвоен ваков документ. Луѓето од некои земји ја истакнаа важноста на амандманот како нивен значаен придонес, но тоа беше само значаен придонес за поголема конфузија. Тие го направија тоа само за да го спасат образот“, рече Вучиќ.
Свет
Алжир и Оман беа воздржани за време на гласањето за резолуцијата за Сребреница
Алжир и Оман беа воздржани за резолуцијата за Сребреница, а по гласањето на седницата на Генералното собрание на ОН, претставникот на Алжир рече дека земјата е убедена дека политичките актери во Босна и Херцеговина и во регионот воопшто би морале да ги надминат нивните спорови и несогласувања и дека тоа може да се постигне преку мирен соживот, помирување, дијалог и меѓусебно почитување.
„Се воздржавме од гласањето. Жалиме што нацрт-резолуцијата не беше усвоена со консензус со цел да им се оддаде почит на жртвите. Прво, Алжир ја повторува својата доследна поддршка за почитување на сите повелби на ОН за меѓународното право, вклучувајќи го меѓународното хуманитарно право и меѓународното право за човекови права Откако Алжир пристапи кон Конвенцијата за спречување и казнување на криминалот на геноцидот, Алжир силно го осудува секој геноцид, сите злосторства против човештвото, вклучувајќи го и геноцидот во Сребреница во 1995 година. интегритетот на Босна и Херцеговина.
Претставникот на Оман рече дека земјата го поддржува залагањето сторителите на злосторствата да одговараат во согласност со меѓународното право.