Свет
Саша Андоновски бил маша за влечење милиони од државата
Саша Андоновски важи за еден од клучните играчи во уиграната екипа, кој со наплата на отштети и со денационализирање имот ја оштетил државата со милионски суми.
ШТО ПИШУВА ВО ОБВИНИТЕЛНИОТ АКТ ЗА „БАЧИЛО“
Саша Андоновски важи за еден од клучните играчи во уиграната екипа, кој со наплата на отштети и со денационализирање имот ја оштетил државата со милионски суми.
Андоновски, притворен поранешен претседател на владината комисија за денационализација, при истрагата тврдел дека не разбира зошто е обвинет и кој закон го прекршил. Но, пропеал неговиот соработник и член на комисијата, Радослав Смилчевски. Тој признал дека му помогнал да донесе незаконско решение за денационализација на имот, со што двајцата ја оштетиле државата за околу 30,5 милиони денари. Ова признание е дел од доказите врз кои се темели обвинението против 23 луѓе, од кои 13 се во притвор, вклучени во малверзации со досудување отштета од државата за случајот „Бачило“ и со незаконски денационализации.
Спорното решение за денационализација, според обвинението, го составил нотарот Никола Стојменовиќ, а потоа Андоновски и Смилчевски го подметнале за потпис пред другите членови на комисијата. Малверзацијата ја потврдил и друг сведок, како и форензичарската анализа на компјутерските системи одземени од нотарската канцеларија на Никола Стојменовиќ и од неговиот дом.
Во обвинението се посочува дека Андоновски ја направил злоупотребата при одлучување по жалба што ја поднела Ленче Дамчевска, исто така обвинета во случајот, која им била полномошник на барателите на денационализација. Тие се жалеле на првостепено решение на комисијата за денационализација на општините Карпош и Чаир со кое нивното барање било одбиено. Спротивно на Законот за денационализацијата, Андоновски им утврдил право на денационализација, иако имотот не можел да биде денационализиран бидејќи бил експроприран и за него бил исплатен надомест. Андоновски на барателите им дал државно земјиште во Орешани и во Моране со помош на обвинетиот Смилчевски. Тој, по барање на Андоновски, на 31 мај 2005 година го однел предметот во нотарската канцеларија на Стојменовиќ, кој подготвил решение со датум од 30 август 2005 година, со кое на барателите на денационализација им се дава државен имот. Потоа го пополнил записникот за овој предмет и им го проследил на потпис на другите членови на комисијата, како тој да го работел предметот и го донел решението.
(Н.Н.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.