Свет
„Полиграфико“, „МАТ“ и „Кјуби“ ги загубија споровите со државата
„Скопски пазар“, „ЗУС“, италијанската фирма
„Полиграфико“, „Македонски авиотранспорт“ и „Кјуби“ се дел од фирмите што
минатите 6 месеци ги загубија тужбите против државата, со што државата избегна
да плаќа високи суми за отштета, велат во Јавното правобранителство.
ЈАВНОТО
ПРАВОБРАНИТЕЛСТВО ГО СПАСУВА БУЏЕТОТ
„Скопски пазар“, „ЗУС“, италијанската фирма
„Полиграфико“, „Македонски авиотранспорт“ и „Кјуби“ се дел од фирмите што
минатите 6 месеци ги загубија тужбите против државата, со што државата избегна
да плаќа високи суми за отштета, велат во Јавното правобранителство.
Правобранителството во периодот од јануари до јуни успеало да добие 37 предмети
во спорови со поголеми фирми.
– Тоа се покарактеристични предмети, поврзани со големи суми пари што би можеле
да се одлеат од државниот буџет. Надвор од нив се споровите во кои граѓани ја
тужат државата по разни основи – вели јавната правобранителка Оливера Китанова.
Од прекршочни и кривични такси за минатите три месеци се наплатени 4 милиони денари.
Правобранителството очекува во следната половина година да наплати уште 538
милиони денари од предмети што ги има добиено во корист на државата.
– Откако почна да се применува законот за извршување има големо позитивно
поместување во соработката меѓу нас, нотарите и судството. За тоа веројатно
придонесе и случајот „Бачило“, каде што се открија спрегите по кои некој влечел
пари од државата – вели Китанова.
Италијанската фирма „Полиграфико“ го тужеше Министерството за внатрешни работи
за тендерот за пасоши. „Полиграфико“ тврдеше дека тендерот е наместен и бараше
од МВР отштета од 5 милиони евра. Правобранителството го доби спорот.
„Полиграфико“ треба да уплати 36.000 денари за трошоци во судската постапка.
АД „Скопски пазар“ го тужеше Министерството за одбрана за сопственост на три
деловни простории од 940 квадратни метри на улицата 11 Октомври во Скопје.
Судот пресуди во корист на Министерството за одбрана. „Скопски пазар“ треба да
плати околу 100 илјади денари за трошоци во постапката.
МАТ во судска постапка бараше Министерството за транспорт и врски и Управата за
цивилна и воздушна пловидба да му платат 45 милиони долари на име загубена
добивка, со образложение дека државата го прекршила договорот за редовен
авиопревозник. Судската пресуда е во корист на државата. МАТ беше задолжен да
плати околу 90 илјади денари за трошоците направени во текот на постапката.
„АДОР Кјуби Македонија“ го загуби спорот со Основниот суд Скопје 2, од кој
бараше околу 253 илјади денари за неплатена премија за осигурување. АД „ЗУС“ го
загуби спорот со Управата за јавни приходи, од која бараше наплата на долг од
околу 2 милиони денари. Минатиот месец судот пресуди дека таков долг не постои
и го задолжи „ЗУС“ да плати 46 илјади денари за судски трошоци.
С.С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.