Македонија
Бошкоски реши да се брани со молчење

Претседателот на Обединети за Македонија Љубе Бошкоски, кој денеска седна во судница, реши да се брани со молчење.
Претседателот на Обединети за Македонија Љубе Бошкоски, кој денеска седна во судница, реши да се брани со молчење.„Јас подолг период сум во здравствена состојба од која навистина не можам денеска и сега да се бранам.Го користам моето законско право да се бранам со молчење“, рече пред судот Бошкоски.Неговиот адвокат Дончо Наков го праша судот дали до него стигнало известување од затворскиот лекар за да се утврди дали Бошкоски е способен да го следи судењето, бидејќи се наоѓал во депресивна состојба.По добивањето на сознанијата за здравствената состојба на Бошкоски Судот добил известување од психијатар дека обвинетиот е во можност да го следи судењето.Пред судот се појави и сведокот Никола Поп Илиев, кој што бил шеф и организатор на изборната кампања и потписник на сметката на партијата.Тој го потврди исказот даден пред истражниот судија дека бил потписник на сметката, но никогаш не повлекол пари од неа во готово и не вршел плаќање и не договарал рекламирање на партијата во електронски и печатени медиуми.Според него, во партијата имало сметка за донации што ја водел тој, но немало никакви сомнителни донации.Судиката го одложи судскиот процес бидејќи во судницата не беше присутен претставник од партијата Обединети за Македонија. Процесот ќе продолжи на 29 септември.Група членови и симпатизери на Обединети за Македонија(ОМ) денеска се собраа пред Основниот суд Скопје 1, во знак на поддршка на нивниот лидер Љубе Бошковски. Бошкоски се товари за нелегално финансирање на изборната кампања на неговата партија во јунските предвремени парламентарни избори и за злоупотреба на службената положба. Осомничен е дека во неколку наврати од донатор примил пари за изборната кампања што не ги пријавил. Полицијата го уапси Бошкоски на 6-ти јуни, ден по одржувањето на предвремените парламентарни избори. Тогаш во неговото возило беа пронајдени 100.000 евра. Оттогаш Бошкоски, веќе три месеци се наоѓа во притвор во Шуто Оризари. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Во тек е реновирање на градинката „13 Ноември“, подобрени условите во сите градинки

Општина Центар информира дека во матичниот објект на ЈОУДГ „13 Ноември“ во тек е реновирање на „Новиот дел“ кој ги опфаќа просторот јасли и долниот кат. Во моментов, се врши молерисување на ѕидовите, а веќе е завршено стругањето и лакирањето на паркетот во занималните и ходниците.
„Молерисувањето ги опфаќа и скалите, влезот, канцелариите, тријажниот простор и чајната кујна. По завршување на оваа фаза, ќе продолжи стругањето и лакирањето и на „стариот дел“ од објектот, каде молерисувањето беше изведено во претходната година. Условите во градинките мора да бидат одраз на грижата што ја имаме кон најмладите. Затоа, вложуваме континуирано во безбедна, функционална и топла средина каде што децата растат среќни, а вработените имаат подобри услови за работа”, потенцира градоначалникот Горан Герасимовски.
Дополнително, реализирана е набавка на нов мебел за занималните во Матичниот објект, како и набавка на три нови клима-уреди кои ќе бидат монтирани во просториите каде што е најнеопходно.
Во главната кујна на Матичниот објект инсталирана е нова конвекциска печка (со шест нивоа), со што се овозможува побрза и поефикасна подготовка на храна, известува Општината.
Герасимовски, истакнува и дека со цел да се поддржи воспитно-образовниот процес, набавени се наставно-образовни и дидактички материјали според Монтесори програмата, како и игровен материјал за децата од групата јасли.
Овие активности се дел од посветеноста на Општина Центар за континуирано унапредување на условите во детските градинки, се додава во соопштението на Општината.
Македонија
Метеж на Табановце и Богородица, се чека околу 40 минути

Сообраќајот на државните патишта се одвива по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез и ГП Богородица за излез од државата се бележи зголемена фреквенција на возила, времето на чекање е околу 30-40 минути. На останатите гранични премини од македонска страна, нема подолги задржувања за влез и излез од државата, извести АМСМ.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Гази Баба и Студеничани денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска:
· поради промена на шибер ф 100 мм на улицата Карл Либкнехт бр.84, прекинато водоснабдување ќе имаат корисниците од улицата Карл Либкнехт, Анри Барбис, Темко Попов и дел од Карл Хрон од 09:00 часот до завршување, Гази Баба;
· поради санација на усисна цевка во ПС Моране (викенд населба), можно е да има мал прекин на водоснабдување во село Моране, во периодот од 08:00 па се до завршување на работите, општина Студеничани.