Македонија
Судење Сопот : Преживеаната преведувачка слушала крици од војниците
Во Основниот суд 1 во Скопје денеска сведочеше Поликсена Филиповска, преведувачката која преживеа 2003 година експлозија на мина под џип на КФОР. Тогаш загинаа двајца полски војници и еден цивил.
Во Основниот суд 1 во Скопје денеска сведочеше Поликсена Филиповска, преведувачката која преживеа 2003 година експлозија на мина под џип на КФОР. Тогаш загинаа двајца полски војници и еден цивил. По неколкуте постапки против повеќемина обвинети од селото Сопот кои одговараа за подметнување на мината, процесот е вратен на почеток и сите предмети се споени во еден. Преведувачката пред судот во детали раскажуваше како КФОР ги вршело патролите во кумановскиот реон по конфликтот од 2001 годна. „дента ни дадоа нов џип и тргнавме во патрола. Но овојпат невообичаено војниците ја сменија рутата и на неколку места се задржаа за да се консултираат од каде ќе се враќаме кон базата. Ги зедовме и сопружниците Кипријановски. По патот видовме маж со бела коса и со волчјак кој не’ загледуваше. Откако го заминавме се случи екслозијата. Тој маж сум го видела неколкупати во таа област, но не знам кој е”, сведочеше Филиповска. Потоа повторно со неверојатни сеќавања од настанот Филиповска раскажуваше што се’ случило по екплозијата. „Кога се освестив ,почувствував силна болка во цело тело. Околку мене ги слушав лелеците и криците на војниците. Еден од нив викаше по радиоврска за помош. Потоа дојдоа мажи кои зборуваа на албански и се вртеа околу нас. Два часа лежевме и чекавме лекарска екипа”, раскажуваше Филиповска. Според нејзиното кажување, требало да ги спасува хеликоптер на КФОР, но поради безбедноси услови се’ додека не дошла полиција да го обезбеди теренот помош не пристигнала. По два часа со амбулантни возила повредените биле однесени во болница. Таа пред судот ги кажа бројните повреди кои ги здобила од екслозијата. Имала потрес на мозокот, пукнати коски низ целото тело, пукната карлица, повреда на левото рамо и нагмечување на нерв од што сега е траен инвалид со левата дланка. Поднела тужба против државата, но досега не добила никакво обештетување. Сега Македонија ќе ја тужи во судот во Стразбур. Филиповска на прашања на адвокатите кажа дека и’ оставило впечаток дека за разлика од другите села, во Сопот жителите биле нерасположени кон КФОР и се иднесувале со одбојност. Од обвинетите во судницата никого не препозна и побара судот и државата да ги најде и подметнувачите и нарачателите на терористичкиот напад. За следното рочиште во судот треба да се појави единствениот сведок кој според собраниската комисија дал лажен исказ под полициска тортура. Тој прво ги идентификувал сега обвинетите, но потоа вели дека тие не се сторителите/. крај.км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Колони возила на Богородица, се чека и по еден час
Според информациите на граничниот премин Богородица за излез од Македонија се чека и по еден час за возила кои се упатиле кој Грција.
Од АМСМ информираат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден.
Македонија
Се препорачува прилагодена брзина на движење поради можна појава на одрони
Сообраќајот на државните патишта се одвива непречено, по суви коловози, информираат утрово од АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.
Македонија
Апасиев за ЗНАМ и Максим Димитриевски: „Максо глуми АСНОМ, а гласаше АСНОМ да биде избришан“
,Сме си ја ставиле главата во торба кога се спротиставивме на УЧКИ, ДУИ, рекетари, мафијаши. Но ние трчаме маратон, нашата борба е долга. Нашите баби ги даваа своите деца, бидејќи немаа пари. Ги пуштаа да бидат партизани и така изградиле држава. Нема да дозволиме УЧК-ите да ни ја земат”, порача Димитар Апасиев од митинг во Охрид.
,,Нашиот народ е борбен народ. Левицата е борбена. Ќе влеземе внатре и тоа ќе го осетат и Таљат, и Таче, и Мицко и сите останати. Со 7, 8, 10 пратеници, ние ќе сме силата што ќе го пасокизира СДС. Вака како што тргнало, со Таче, под 20 ќе паднат”, рече Апасиев.
За ЗНАМ и Максим Димитриевски, Апасиев истакна дека „Максо глуми АСНОМ, а гласаше АСНОМ да биде избришан“!
На митингот во Охрид се обрати и Јована Мојсоска, носител на листа на ИЕ 5 која истакна дека влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали.
,,Мене ми е малце дегутантно кога слушам дека некој ќе го праќал ДУИ во опозиција. Тие имаа можност да ги пратат ДУИ во опозиција тука во советите, но сите бевме сведоци како се продаваше Мауцер и како локалниот шериф Нефи Усеини гради дивоградби, а градоначалникот молчи. Дури и ја сруши плочата на АСНОМ за која градоначалникот, исто, мудро молчи. Со Левица на власт ќе ја срушиме дивоградбата на Нефи и ќе ја вратиме плочата на АСНОМ”, истакна Мојсоска.
Мојсоска истакна и тоа дека Левица како единствена работничка партија е противтежа на анационалната олигархија која беше креирана во 90 – тите.
,,Нашата борба во Собранието е единствената причина зошто денес немаме Бугари во устав. Да не беше Левица, ние ќе гледавме фашистички клубови во секој град во државата. Ние ниту сме во спрега со моќниците кои се поврзани со секоја власт, ниту сме уценети и затоа нашите политички непријатели знаат дека со нас не се преговара за непринципиелни работи“, истакна Мојсоска.
Додека ја обвинуваат Левица дека е во коалиција со СДС и ДУИ, само против Талат Џафери Левица има поднесено девет тужби кои, како што истакна Мојсоска, се чуваат во фиока.
,,Само ќе спомнам против кои звучни имиња Левица поднела кривична пријава: Шкодране Дардишта, Бенито Јошевски, Артан Груби, Сали Мурати, Оливер Спасовски, Беким Максути и многу други. И Левица ќе биде факторот против бугаризацијата на Уставот додека одродените социјал-демократи ќе завршат на буништето на историјата”, рече Мојсоска.
,,Иако имаше обид од страна на бугарски структури да го воскреснат неофашизмот кај нас со отворање на клубови со фашистички наративи, ние не паднавме во духот. Напротив кога ги отвораа клубовите ,Ванчо Михајлов’ и ,Цар Борис’ се собравме и на бугарофилите им кажавме дека местото не им е тука. Особено, не по диктат на буржоазијата која купува национален идентитет и историја за ситни пари кои носат крупни гревови. Секогаш сме биле на вистинската страна, секогаш со нашето присуство, каде и да се појавиме, часовите им се избројани”, рече Горан Велевски, кандидат за пратеник во ИЕ5.