Црна хроника
Четворица обвинети за насилство врз сведоци
Четири млади лица, од кои тројца жители од скопското село Глумово, се обвинети поради сомневање дека сториле кривични дела насилство и незаконско влијание врз сведоци за случај од март годинава кога на автобуска постојка физички бил нападна средношколец кому подоцна му се заканувале да ја повеќе изјавата дадена за инцидентот.
Од СВР Скопје – Единица за насилен криминал во неделата информираа дека до Основно јавно обвинителство Скопје е поднесена кривична пријава против 19-годишниот С.О. од Скопје поради постоење основи на сомнение за сторено едно кривично дело „насилство“ и против О.И.(25), Б.J. (22) и В.Ј.(21) сите од селото Глумово поради постоење основи на сомнение за сторени две кривични дела „Насилство“и „Незаконито влијание врз сведоци“.
Имено, на 31-ви март годинава околу 11 часот на улицата „Џон Кенеди“ во скопската населба Чаир на автобуска постојка, додека оштетениот кој е ученик во СГУС „Цветан Димов“ чекал автобус заедно со неговата девојка и уште двајца другари, во еден момент од спротивната страна на улицата застанало возило од кое излегле сега пријавените, при што највозрасниот му се приближил и му рекол дека првопријавениот 19-годишникот сакал да разговара со него.
Откако се сретнал со првопријавениот кој бил заедно со другите двајца пријавени, средношколецот бил физички нападнат, при што добил тупаница во пределот на главата, а веднаш потоа и другите пријавени почнале да го удираат со клоци и гумена палка во пределот на главата и телото, по што го напуштиле местото на настанот, а оштетениот се здобил со телесни повреди.
Подоцна, на 16-ти парил, пред средното училиште „Цветан Димов“ дошле второ, трето и четврто пријавениот и му се заканувале на оштетениот дека доколку не ја повлече дадената пријава против нив, ќе нападнат врз неговиот живот, а истите закани подоцна ги упатиле и кон неговата мајка. Оштетените потоа случајот повторно го пријавиле во полиција./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.
Црна хроника
Пожар во Дом за стари лица во струмичко Банско, нема повредени
Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).
Според Регионалниот центар за управување со кризи – Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.
– Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.
Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи – 112 во ЦУК.
Црна хроника
Притвор за осомничен за спречување на полициски службеници да фатат побегнат затвореник
Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.
На 2 мај, во куќа на улицата “Димката А. Габерот” во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.
Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.
Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.