Македонија
Наркозависноста во Македонија е криминализирана
Употребата на дрога е силен извор на стигма и дискриминација, која што многу често е повеќеслојна, а корисниците на дрога во Македонија се третираат
Употребата на дрога е силен извор на стигма и дискриминација, која што многу често е повеќеслојна, а корисниците на дрога во Македонија се третираат како криминалци.
Ова беше истакнато во рамки на денешната трибина посветена на прашањето за статусот на корисниците на дрога во Македонија, во организацијата на невладината организација ХОПС.
Стигмата и дискриминацијата на корисниците на дрога се особено истакнати доколку корисниците на дрога се ХИВ позитивни, кога се заболени од хепатитис Ц, доколку се од друга раса или имаат поинаква сексуална ориентација.
„Покрај тоа што корисниците на дрога се дискриминирани, нивната социјална и економска моќ е намалена и тие се втурнуваат во еден малцински статус и маргинализирана група“, рече правниот советник во ХОПС, Наташа Бошкова.
Според неа исклучително висок е процентот на македонски граѓани кои имаат дискриминирачки однос кон лицата кои користат дрога. Поради дискриминацијата, на лицата кои користат дрога многу често им се ускратува правото за социјална заштита и социјални услуги, а најголема нетолеранција покажале здравствените работници.
МВР го води единствениот регистар за корисниците на дрога во Македонија, и со тоа уште повеќе се потврдува предрасудата кон оние кои користат дрога.
Законот за контрола на дроги, според Бошкова, ги стигматизира лицата кои користат дрога бидејќи истите според овој закон треба да се сузбијат, како тие лица да се криминалци.
Бошкова истакна дека во македонските затвори се повеќе расте бројот на корисници на дрога, затоа што тие лица најчесто завршуваат во затвор за многу мало количество на дрога кое што им било за лична употреба, а не за препродавање.
Извршниот директор на ХОПС, Влатко Деков истакна дека е катастрофална состојбата во Македонија со центрите за лекување од наркозависности, поради тоа што наркозависниците не можат да си го остварат правото за здравствена заштита.
Според националната стратегија за дроги во Република Македонија кај нас има меѓу 6.000 и 8.000 илјади главно опијатни зависници кои што имаат сериозни здравствени и социјални проблеми.
Во овој момент на лекување има околу 1.200 луѓе кои се ставени на супституциски третман, вклучително и во затворот Идризово и некаде уште околу стотина лица кои се лекуваат во приватни клиники и во двете тераписки заедници.
Според Деков во Македонија постои голем проблем поради неможноста да се отворат нови центри поради дискриминаричкиот однос на политичката елита, општините, но и од самите граѓани.
Според пресметките на ХОПС, многу поефикасно и поевтино е лекувањето на наркозависниците кое што би чинело околу 54.700 евра за една година за сите корисници или околу 783 евра по клиент под услов установата да не плаќа кирија.
Од друга страна еден не третиран корисник на дрога државата ја чини од 2.560 до 4.021 евра каде се вклучени трошоци за суд, притвор, затвор и сл./крај/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
МВР: Во Чашка приведени две лица поради сомнеж за изборен поткуп – фатени се со пиштоли, списоци и пари
Денеска во 15.20 часот полициски службеници од Одделението за криминалистичка полиција при СВР Велес го приведоа И.И.(52) од село Мелница, општина Чашка.
При претрес во неговиот дом, извршен со наредба од Основен суд Велес поради основи на сомнение за кривично дело ” поткуп при избори и гласање” по член 162 од КЗ биле пронајдени и одземени еден пиштол „Застава” со две рамки, 58 куршуми и 4 зрна-испукани проектили кои ги поседувал без дозвола, како и копија од преглед на гласачи за изборно место во Чашка.
И.И. бил приведен во полициска станица, известен бил јавен обвинител и по документирање на случајот против него ќе биде поднесена соодветна пријава.
Исто така денеска, во 17.00 часот, полициски службеници од Одделението за криминалистичка полиција при СВР Велес го лишиле од слобода А.Ч.(50) од село Мелница, општина Чашка.
При претрес во неговиот дом извршен со наредба од Основен суд Велес поради основи на сомнение за кривично дело “поткуп при избори и гласање” по член 162 од КЗ биле пронајдени и одземени еден пиштол ,,Валтер” со една рамка, еден пиштол „Црвена застава”, еден пиштол „Бул” со една рамка, 139 куршуми, мобилен телефон, 986 670 денари во разни апоени и 2 325 евра во разни апоени.
А.Ч. бил задржан во полициска станица, известен бил јавен обвинител и по документирање на случајот против него ќе биде поднесена соодветна пријава.
Македонија
Ковачевски: Ние сме вистинските социјалдемократи, ЗНАМ се лажни и измислени во Белата палата
Со испраќање на порака за здружување на силите на патот кон Европската Унија, Социјалдемократскиот Сојуз на Македонија вечерва го одржа завршниот митинг во Скопје, непосредно пред изборите закажани за среда.
Претседателот на СДСМ, Димитар Ковачевски, на присутните граѓани им порача дека двојните избори на 8-ми се последниот повик за Европа и од тоа, нема да се откажат.
„Исто како што не се откажавме изминативе седум години кога се соочивме со многу предизвици. Кога се боревме со сите кризи, со пандемијата, со инфлацијата, со енергетските проблеми! Знаете и самите дека имавме многу подеми и многу падови. Но, во ниту еден момент, ниту се откажавме, ниту се предадовме, ниту се повлековме. Бевме рамо до рамо со граѓаните“, изјави на митингот претседателот Ковачевски.
Ковачевски додава дека во време на СДСМ платите се золемиле за 120 отсто, а пензиите за 55 отсто, со антикризни мерки во висина од над 2,6 милијарди евра и 2,5 повеќе странски директни инвестиции со подобри платени работни места.
„И ова, не е мала работа. Многу поголеми и поразвиени земји од Македонија едвај излегуваа на крај со кризите, а ние единствени од цела Источна европа успеавме да го зголемиме животниот стандард на граѓаните. Тоа го потврди и реномиран виенски економски институт. И горди да бидете сите на тоа, затоа што сите вие дававте поддршка на тие политики кои ги водеше СДСМ, и коалиционите партнери од коалицијата з аевропска иднина. И бидете горди што покажавме на дело дека социјалдемократијата и СДСМ, беа оние кои ги заштитија граѓаните, кои буквално ја спасија земјата од колапс“, посочи Ковачевски на вечерашниот митинг.
Солидарноста, заедништвото, социјалната држава и правдата, потенцира претседателот Ковачевски, се оние кои помогнаа да се извлечеме од хаосот кои го носеа кризите, но и ни овозможија да одиме напред и да постигнеме одлични резултати.
„Бидете горди што покажавме јасно дека социјалдемократијата не е само идеологија на хартија, туку е единствен начин како општеството и државата да се подобрат и да обезбедат прогрес и просперитет.
И денес имам уште една можност да порачам дека вистинските социјалдемократи се овде, тука на овој плоштад. Во моментов се и на плоштадот во Битола, не се вистински социјалдемократи оние лажните кои се ујдисаа со наследниците на Ванчо Михајлов и кои заедно со него планираат да им зададат удар на вистинските социјалдемократи. Ама овие социјалдемократи се направени и настанале 1943 година, а оние социјалдемократи оние кои лажно се претставуваат дека знаат што е социјалдемократија па затоа се крстиле веројтно и ЗНАМ тоа се лажни и измислени 2021 година, во Белата палата на 200 метри од тука. Бидете горди затоа и што СДСМ е единствената социјалдемократска опција, граѓанска партија, партија со традиција, партија која е длабоко вкоренета во историјата на Македонија.
Бидете горди и затоа што ние никогаш не сме се откажале кога требало да се донесат тешки одлуки за државата да оди напред. “, им порача Ковачевски на скопјани.
Тој ги наведе зачленувањето во Обединетите Нации, добивањето на кандидатски статус на Македонија за влез во Европската Унија и зачленувањето во НАТО како тешки, но исправни одлуки што се донесени во време кога СДСМ била на власт и порача дека исто така СДСМ заедно со граѓаните, ќе ја внесе земјата и во ЕУ.
Македонија
Пендаровски: Граѓаните да размислат кому ќе ја дадат довербата в среда, ако ВМРО-ДПМНЕ се дограба до власт последиците може да се непоправливи
Кандидатот за претседател Стево Пендаровски вечерва во Скопје го одржа завршниот митинг во рамки на претседателската кампања и притоа истакна дека е сигурен дека на 8 мај, ќе се извојува двојна победа, како што рече: „не за нас, за сите вас“.
Тој ги повика скопјани, но и сите граѓани на Македонија да размислат кому ќе ја дадат довербата в среда бидејќи ако се дограба ВМРО-ДПМНЕ до власт, последиците можат да бидат непоправливи и на среден и на долг рок, бидејќи според него тоа се луѓе без искуство, без политичко искуство да водат држава, да водат град или општина.
„Кога ќе ги прашате што ќе правиме со нашето членство во НАТО, кое самите во својата програма го ставија како најголема вредност и најголема контрибуција за безбедноста на Македонија, тие велат ќе го почитуваме Преспанскиот одговор, но никогаш нема да изговориме Северна. Да го кажува ова дете од претшколска возраст па и ќе се насмеете. Кога го кажува возрасен човек, професор на факултет, кандидат за највисоката политичка функција, а тоа го повтори и денеска на последниот дуел кој го имавме, единствено ви останува да ја жалите госпоѓата“, додаде Пендаровски.
Тие, продолжи Пендаровски, немаат ниту еден конкретен одговор за нашите најголеми стратешки проблеми и дилеми.
„Велат немало да ја менуваат Европската преговарачка рамка, таа ќе останела како што е. Меѓутоа ќе барале за возврат од Бугарија да исполнува одлуки на судот во Стразбур. Кога ќе и предочите на госпоѓата дека не е можно од 1957 кога е направена ЕУ, до ден денешен земја која е кандидат, која не е членка, да условува земја која е членка на ЕУ, што е азбука во сите меѓународни организации и кога ќе и кажете дека солидарноста меѓу земјите членки е примарна, не кон оние кои не се членки, таа само превртува со очи и буквално ништо не ви одговара“, рече Пендаровски.
Осврнувајќи се на изјавите на неговата противкандидатка дека Рамковниот договор го надминал времето, Пендаровски истакна дека Македонија ќе опстои исклучиво како заедница на потполно рамноправни граѓани.
„Кога имате работа со луѓе кои за, а сите знаеме колку мртви колку повредени, колку инвалиди, колку деструкција имавме во таа 2001 и дека тие рани ден денеска не можеме да ги залечиме, тоа значи дек тие луѓе немаат осет во каква држава живеат, каква е популационата структура. Ако можело да функционира 23 години, не гледам причини да одиме по овие забегани теории, заговори и личности кои тврдат дека имале подобри решенија“, подвлече тој.
Истакнувајќи дека граѓаните на Центар имаат голем креативен, демократски потенцијал, тој ги повика на 8 мај масовно да се мобилизираат и да покажат дека знаат да се грижат за себе и за иднината на своите деца.
„За да ја зацементираме иднината на Македонија на магистралата која води кон Европа и развиениот свет, со заокружување на бројот 1, во масовна бројка да им покажеме на ова кои ја замислуваат Македонија само како нивна, приватна држава дека нема да успеат. Нема да успеат! За број 1, на 8 мај, на двата избора“, заклучи Пендаровски.