Македонија
Сервер: Самитот во Чикаго можност да се исправи неправдата кон Македонија од Букурешт
Престојниот самит на НАТО во Чикаго е можност да се исправи неправдата што и беше нанесена на Македонија на самитот на Алијансата во Букурешт,
Престојниот самит на НАТО во Чикаго е можност да се исправи неправдата што и беше нанесена на Македонија на самитот на Алијансата во Букурешт, оценува угледниот професор и член на Советот за трансатлантски односи Даниел Сервер во коментарот објавен на неговиот блог peacefare.net, пренесува ТВ Сител.Као што пишува Сервер, грчко-македонскиот спор за името е еден од најнеинтересните проблеми што произлегоа од распадот на поранешна Југославија. Тој во коментарот дава осврт на историјатот со проблемот по осамостојувањето на земјата во 1991 година.„Атина и Скопје потпишаа Времена спогодба во 1995 година, која требаше да помогне за регулирање на прашањето. Грција тврдеше дека Македонија ја прекршила спогодбата, наспроти одлуката на Меѓународниот суд на правдата од минатиот декември дека грчката страна е таа која дефинитивно ја прекршила со блокирањето на членството на ПЈРМ во НАТО на Самитот во Букурешт во 2008 година. Можност да се исправи оваа неправда дава самитот на НАТО што треба да се одржи во месец мај, во Чикаго“, пишува натаму Сервер. Тој укажува на напорите за решавање на прашањето кои се одвиваат од почетокот на 1990-те години преку разговори под покровителство на Светската организација водени од медијаторот Метју Нимиц, адвокат од Њујорк. Според него, Македонија веќе постигна многу на планот за името, но спорот и натаму останува отворен и пречка за напредокот на земјата во евроатланстките интеграции. „Речиси сите и се обраќаат на земјата под името кое Скопје го преферира, а многу земји вклучувајќи ги и САД формално ја признаа земјата под името „Република Македонија“. Грција не го стори тоа, но зошто некој би се грижел за тоа? Несреќниот одговор е дека Атина може да го блокира членството на Скопје во НАТО како и секој прогрес кон членство во ЕУ. Македонија веќе е кандидат за членство во ЕУ, но нема добиено датум за почеток на преговорите, што е важен чекор кој Атина го држи во заложништво. Членството во НАТО е исто така важно за Македонија, која се смета за дел од Западот и има распоредено свои трупи во Авганистан под команда на Алијансата“, вели Сервер. Според него, проблем за Македонија е ветото, а не името. Се додека постои волја за продолжување на напорите за решавање на проблемот со името, тој порачува оти би било мудро од Скопје да престане да тропа на вратата на Нимиц оваа пролет за решавање на проблемот што го има Атина, а не Скопје, туку директно да ми се обрати на Атина и да вложи сериозни напори да ги убеди властите во таа земја да и дозволат прием во НАТО под референцата ПЈРМ согласно Времената спогодба. Тоа е она што се бара и со одлуката на МСП, оценува Сервер. Тој сугерира и дека власта во Скопје, исто така, треба да открие што е тоа што на Атина и’ е потребно, а што Македонија може да го обезбеди.„Ако Владата не сака да зборува за прашањето за членство во НАТО, тогаш Македонија би требало да најде ’тинтенк’ организации и академици во Грција кои би го сториле тоа“, посочува угледниот американски аналитичар кој сугерира и обезбедување поддршка од заедниците на Македонците и Албанците во САД.„Грција е ранлива во моментов поради нејзината тешка финансиска ситуација, но никој во Брисел, ниту во Вашингтон не сака да „клоца“ по земјата кога е понижена. Заедницата на грчките американци е добро организирана и претставува значајно гласачко тело. Македонија поседува средство кое не може да го употреби, но треба да изнајде некој друг начин за да изврши притисок, кој е доволно атрактивен за Атина да ги отвори вратите на НАТО. Потоа можат да се вратат на нерешавање на спорот за името во ОН во следните 15 или повеќе години, време во кое сите ќе заборат зошто спорот бил важен“, вели Сервер во коментарот за блогот peacefare.net. кој се фокусира на анализи, политики, институции и искуства кои треба да помогнат за одржување на светскиот мир, односно за превенција и решавање на насилни меѓународни конфликти, пренесува телевизијата Сител./крај/сител.мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
За Бојмацалиев, полицијата е модерна и европска, Тошковски, пак, шокиран од недостоинствените услови во кои работат
Со свеченост во паркот кај авионот во скопско Ново Лисиче денес беше одбележан Денот на полицијата, 7 Мај. Техничкиот министер за внатрешни работи, Панче Тошковски, и дополнителниот заменик-министер, Митко Бојмацалиев, во говорите уште еднаш покажаа дека поинаку гледаат на состојбите во македонската полиција. Бојмацалиев, кој говореше прв, а го слушаа само првите неколку редови гости и полицајци оти голем дел од столчињата беа празни, смета дека полицијата е модерна и европска. За разлика од него, техничкиот министер Тошковски го шокирале условите во кои работат полицајците.
„Овој празничен момент не е време да држиме долги политички говори, туку да се осврнеме на клучното во полициската професија, а тоа се нашите колеги, полициските службеници, кои секојдневно посветено и неуморно ги извршуваат своите службени задачи. Им оддавам признание на колегите што не се со нас, вечна им слава. Северна Македонија е прогласена за најбезбедна земја на Западен Балкан од страна на глобалниот индекс за мир бидејќи вложувавме во развојот на модерна и европска полиција. Вложивме 17 милиони евра во подобри услови и изградба на полициски објекти, 14 милиони евра за нови униформи и опрема, ја покачивме платата 35 отсто и ги исплативме сите бонус плати. Единствено, жалам што немавме кога да издадеме уште една монографија за периодот 2022 – 2024 година бидејќи во тој период се реализираа многубројни достигнувања за државата и полицијата. Благодарам од срце за сите убави моменти од 2017 до денеска. Со гордост можам да кажам дека успеавме МВР да го направиме МВР за граѓаните. Уверен сум дека создадовме одлични услови за полицијата да остане непоколеблив бедем за заштита“, рече Бојмацалиев.
Веднаш по него, техничкиот министер Тошковски, заблагодарувајќи им на полицајците, кажа дека работат во недостоинстевни услови.
„Утре навршуваат 100 дена од моето раководење со оваа значајна институција, 100 дена макотрпна работа, во кои го дадовме најдоброто од себе за да им служиме на граѓаните. Кога ја добив честа да бидам назначен на оваа позиција во рамките на техничката Влада, знаев дека ме очекува напорна задача и знаев дека сум исправен пред тежок и сериозен предизвик, но ни најмалку не очекував дека ќе се соочам со толку недостоинствени услови за работа на припадниците на полицијата, а истовремено и дека ќе сведочам на толку неизмерна желба меѓу нив за професионално и чесно да си ја вршат својата должност и да им помагаат на оние на кои тоа им е најпотребно. Краток период, би рекол, но сметам дека е и повеќе од доволен за да увидам одблиску дека во полициските редови сѐ уште има чесни луѓе, луѓе што си ја сакаат татковината и луѓе што работат за нејзино добро“, рече Тошковски.
Тој е задоволен што под негово водство полицијата успеала да обезбеди фер и демократски избори. Најави нова ера во Министерството, каде што унапредувањето ќе се врши исклучиво врз основа на мерит-систем, а платите ќе го одразуваат непроценливиот придонес што го даваат полицајците за општеството.
„На истекот на овие 100 дена научив една многу важна лекција, која се надевам дека ќе одекне меѓу сите вас што сте тука денес. Можеби хероите во филмовите носат наметки, но хероите од нашата реалност носат полициски униформи“, рече техничкиот министер за внатрешни работи, Тошковски.
Тој им врачи благодарници и плакети на најдобрите полицајци, а присутните проследија и прелет на три полициски хеликоптери.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.