Македонија
СДСМ : Новата Влада на СДСМ ќе спроведе одговорни политики во здравството
Македонското здравство во 2010 година ги преживеа најтешките моменти досега во историјата под налетот на портокаловиот ураган, кој не водеше сметка за ништо пред себе на патот, рече Андреј Петров , генерален секретар на СДСМ.Тој додаде дека се намалени платите на здравствените работници, преку притисоците и заплашувањата што ги направила Владата на ВМРО -ДПМНЕ врз синдикатот.Петров меѓу другото рече дека од медицинската опрема којашто реално вреди 40 милиони евра, а власта ја набавила за 68 милиони евра, досега не е монтиран ниту еден компјутерски томограф или магнетна резонанца. „Оваа Влада е најлошата Влада во историјата на македонското здравство. Време е за одговорни политики во здравството, кои новата Влада на СДСМ ќе ги спроведе.“ рече Петров.„Министерството за здравство може да се согласи со ставовите и оценките на СДСМ, само доколку тие се однесуваат на состојбите во здравството пред 2006-та година.Токму немањето современа медицинска опрема, руинирани згради и огромното запуштање на здравствените објекти, намалените плати и долгите редици пред аптеките, го отсликуваат времето кога СДСМ беше владејачка партија и кога раководеше со здравствениот систем.“, се вели во реакцијата на Министерството за здравство. Оттаму додаваат дека 2010 не само што успешно се заокружила целокупната процедура за набавка на нова медицинска опрема, туку веќе се пристигнати 90 проценти од опремата, која јавното здравство во Македонија никогаш досега ја немало и таа се инсталира во сите јавни здравствени установи./крај/со/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.