Македонија
Се формираат бази за докторски, магистерски и специјалистички трудови
Министерството за образование и наука ќе формира две нови бази – за доктроски студии и база за проверка на плагијати на магистерски, специјалистички стручни трудови и семинарски работи, соопшти во неделата минситерот Панче Кралев.
Создавањето на ваквата база е овозможено со последните измени на Законот за научно-истражувачка дејност усвоени јуни оваа година. Покрај ова, се обезбедува и широка достапност на научните области во кои се истражува во Република Македонија, споредливост на научно-истражувачката работа на меѓународно ниво. Овие бази исто така ќе придонесат и за планирање на развој на научните области во Република Македонија и нивно насочување за општиот стопански и демократски развој. Покрај ова се обезбедува и развој на етичноста во научното истражување.
Како што појаснија министерот за образование Панче Кралев и со ректорот на Универзитетот за информатички технологии и науки „Свети Апостол Павле“ во Охрид, проф д-р Нинослав Марина, првата база ќе се води на интернет порталот nauka.mon.gov.mk, а втората на порталот plagijati.mon.gov.mk, на кои ќе се содржат податоци за авторот на трудот, установата на која е запишан и за темата на трудот.
„Целта е да се обезбеди јавност во научната работа на научните и стручните кадри, како и квалитетни и научно докажани изворни докторски и магистерски трудови. Се обезбедува и широка достапност на научните области во кои се истражува во Република Македонија, споредливост на научно-истражувачката работа на меѓународно ниво. Овие бази ќе придонесат и за планирање на развој на научните области и нивно насочување за општиот стопански и демократски развој. Покрај ова, се обезбедува и развој на етичноста во научното истражување“, рече министерот Панче Кралев на прес-конференцијата во Министерството за образование и наука.
Двата портала веќе се ставени во функција, па на порталот nauka.mon.gov.mk се внесени 57 биографии со комплетни податоци за научници, 44 истражувачки и инженерски проекти и 114 библиографски единици, додека на рlagijati.mon.gov.mk, има 549 регистрирани корисници и таму се пријавени 226 документи од корисници.
Ректорот Марина, рече дека во институцијата што ја раководи ќе има многу истражувачка работа, а особено ќе се заложи да нема појава на плагијати и оти ќе биде нетолерантен во таков случај.
Идејата на Системот за евиденција на достигнувањата на академскиот кадар во високото образование (nauka.mon.gov.mk) е да се создаде веб апликација кој ќе претставува јавен регистар на научници во Република Македонија. Главните функционалности кои ги има системот овозможуваат соработка со истражувачите од високообразовните и научните установи кои имаат можност да ги презентираат резултатите од научно-истражувачката работа на научниците во Република Македонија, кои воедно ќе бидат достапни на домашната и на меѓународната научна јавност, но и на пошироката јавност.
Додека, електронскиот „Систем за анализа и пронаоѓање на плагијати во трудови“ овозможува лесно и ефикасно откривање на трудови кои во целост или во некој свој интегрален дел може претставуваат плагијати на веќе објавени, оценувани или презентирани трудови.
Во измените на Законот се предвидува рамка за објавување на наведените трудови во таа насока што Докторскиот труд задолжително мора да го внесe во базата за докторски трудов и менторот на докторскиот труд, најмалку 30 дена пред одбраната на докторскиот труд. Магистерскиот труд, односно специјалистичкиот стручен труд задолжително мора да го внесе во базата за проверка на плагијати менторот на магистерскиот, односно специјалистичкиот стручен труд, најмалку 30 дена пред одбраната на магистерскиот, односно специјалистичкиот стручен труд. Семинарската работа на студентот задолжително ја внесува во базата за проверка на плагијати наставникот по соодветниот наставен предмет, најмалку десет дена пред оценувањето на семинарската работа.
Начинот и формата на пополнување на овие дополнителни бази на податоци се предвидени со последната измена на Правилникот за начинот и постапката на водење бази на податоци за научно-истражувачката дејност.
Базата за докторски студии се води на порталот nauka.mon.gov.mk и содржи податоци за: податоци за авторот на докторскиот труд и каде работи, установата на која е запишан авторот на докторскиот труд и темата на докторскиот труд и научното подрачје.
Базата за проверка на плагијати на магистерски трудови, специјалистички стручни трудови и семинарски работи се води електронски на веб порталот plagijati.mon.gov.mk и се предвидува да содржи податоци за: податоци за авторот на трудот, односно семинарската работа, установата на која е запишан авторот на трудот, односно семинарската работа и темата на трудот, односно семинарската работа.
Воедно, со Меморандумот за соработка меѓу Министерство за образование и наука и Факултетот за информатички науки и компјутерско инжинерство е утврдена рамката во која се реализира соработката меѓу МОН и ФИНКИ за работи од заеднички интерес базирани на искористувањето на научно-стручните и професионалните услови насочени кон унапредувањето на едукативните, истражувачките и апликативните активности од областа на информатичките науки и компјутерското инжeнерство и како една од активностите се дефинира и изработката на отворен софтверски систем за пријавување на плагијати од страна на сите заинтересирани лица кои сметаат дека одредени трудови кои во целост или во некој свој интегрален дел може претставуваат плагијати на веќе објавени, оценувани или презентирани трудови да ги пријават во овој систем./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Манасиевски: Наместо свеж кадар и реформи, Филипче прибира негови лојални луѓе по насока на Заев
„Наместо свеж кадар, реформи и фокус на напредок, Филипче по насока на неговиот ментор Заев, го постави Александар Трајановски за потпретседател на партијата. Ова именување е уште една потврда дека Заев и натаму ги држи конците во СДС и ја води партијата од сенка“, кажа денеска на прес-конференција, Валентин Манасиевски, член на ЦК на ВМРО-ДПМНЕ.
„Филипче со ова покажува дека не му е важен напредокот на СДС. Тој избира кандидат кој ги загуби локалните избори, но истовремено е близок до него и до неговиот ментор Заев. Јавноста добро ги памети нивните летувања на скапите грчки плажи, уживајќи во ултра луксузната јахта на Заев. Со ова, се докажува дека ова трио не го интересира народот, туку луксузот. СДС со истите луѓе како Заев, Ковачевски и Филипче, продолжува да тоне во бездната. И наместо да се реформира и да се освежи, тие ставаат повторно кадри кои се продолжеток на Зоран Заев“, истакна Манасиевски.
Тој порача дека „реформите во СДС ќе дојдат само доколку Филипче си замине од партијата“.
Македонија
(Видео) Цветановски: Зошто за шокантниот скандал со операциите веднаш не се поднесени кривични пријави, кој дал индикација?
„Се случи еден од најголемите и најшокантни скандали во здравството, откриени се најмалку 10 непотребни операции на срце. Но се уште нема кривични пријави и нема целосни информации во јавноста. Како е можно за ваков скандал без преседан, министерот да го презентира случајот на ваков начин, без целосни информации и без никакви пријави?“, праша денеска на прес-конференција, Симона Цветановски, членка на Извршниот одбор на СДСМ.
„Министерот Алиу тврди дека комисија „утврдила“ непотребни операции, но во истата реченица вели дека извештајот не бил финален. Ако извештајот не е финален, како се утврдени шокантните факти? Ако е утврдено – зошто документот се крие? Зошто не се објавуваат имињата на клиниките и лекарите кои стојат зад тие интервенции? Зошто по ваков огромен скандал не се поднесени веднаш кривични пријави и тие да бидат процесирани на останатите органи да постапуваат? Што се чека? Дали некој треба да биде заштитен? Дали некој да добие време да се извлече, да избега, да се сокријат трагите? За ваков скандал никој нема право да молчи и да калкулира“, рече Цветановски.
Таа побара итно јавно објавување на целосниот извештај, во фазата во која се наоѓа, без преправки, без селекција и без дополнително „пеглање“.
„Објавување на сите приватни клиники и субјекти кои биле дел од процесот. Објавување на сите имиња на комисии, консилиуми, лекари и управители кои носеле одлуки. Инсистираме јавно да се соопшти, кој дал индикација, кој од докторите дал индикација дека треба да се направат, и тоа за сите интервенции. Веднаш поднесување кривични пријави – без чекање, без прикривање и без одлагање. Активирање на ЈО, ДКСК и Финансиска полиција, поради сериозните индиции за корупција, недозволено упатување пациенти и профитирање врз туѓа мака. Правна и психолошка поддршка за пациентите и семејствата кои се соочиле со траума и ризик по сопствениот живот“, истакна Цветановски.
Македонија
Сиљановска-Давкова прими претставници на Сојузот на здруженија на дијабетичари на Македонија
На Светскиот ден на дијабетесот, 14 Ноември, претседателката Гордана Сиљановска-Давкова прими претставници на Сојузот на здруженија на дијабетичари на Македонија – СЗДМ со кои разговараше за главните проблеми и предизвици со коишто се соочуваат.
Тие ја запознаа со личната карта на организацијата, којашто застапува 23 здруженија од земјава посветени на превенцијата од дијабетес, како и грижата и заложбите за унапредување на квалитетот на животот на дијабетичарите.
Имајќи предвид дека во државава се регистрирани 142 илјади пациенти, од кои 42 илјади се на инсулинска терапија, соговорниците се согласија дека е неопходно итно спроведување на современи превентивни, континуирани и квалитетни програми, со коишто не само што се штитат нивното здравје и живот, туку рапидно се намалуваат трошоците.
Претставниците на Сојузот ја запознаа претседателката со приоритетите во борбата со оваа опака болест како што се: потребата за добивање на сензори, oдносно CGM системи за секое лице со Тип1 дијабет. Тие ја посочија и нужноста од достапност на современата инсулинска и анти-дијабетна терапија, од превентивни прегледи низ државата, како и од создавање отворен пазар за медицинските помагала – ленти и гликомери, како предуслов за конкуренција и подобар квалитет, со оглед на досегашните тешки, а напати и ризични искуства.
Претседателката беше информирана и за соработката на СЗДМ со надлежните институции, како и за активностите во рамки на Меѓународната дијабетес федерација во којашто членуваат 251 национални организации од 158 земји во светот каде што се бележи растечки тренд на новодијагностицирани.
Укажувајќи на важноста од подигнување на свеста за здравствената закана што ја носи дијабетесот, Сиљановска-Давкова изрази целосна поддршка за напорите на Сојузот и ја истакна важноста да се изнајдат системски решенија што конкретно ќе придонесат во обезбедувањето на поквалитетен живот за лицата со дијабетес во државава.
(Видео) Манасиевски: Наместо свеж кадар и реформи, Филипче прибира негови лојални луѓе по насока на Заев
„Наместо свеж кадар, реформи и фокус на напредок, Филипче по насока на неговиот ментор Заев, го постави Александар Трајановски за...
(Видео) Цветановски: Зошто за шокантниот скандал со операциите веднаш не се поднесени кривични пријави, кој дал индикација?
„Се случи еден од најголемите и најшокантни скандали во здравството, откриени се најмалку 10 непотребни операции на срце. Но се...
Алиу: Специјализираната болница за геријатриска и палијативна медицина „13 Ноември“ е врвна установа
„Специјализираната болница за геријатриска и палијативна медицина „13 Ноември“ е врвна установа во нашата држава во оваа област. Со заеднички...
ССМ: Народните избраници со плата од над 2.000 евра ќе убедуваат дека работниците со 397 евра минимална плата живеат добро
Сојузот на синдикатите на Македонија (ССМ) повторно реагира дека минималната плата во земјава е најниска во регионот – 397 евра,...
Синоќа заседаваше Централниот Комитет на ВМРО-ДПМНЕ, донесени се неколку одлуки
Синоќа заседаваше Централниот Комитет на ВМРО-ДПМНЕ. Донесени биле повеќе одлуки во најголем дел активно поврзани со тековните подготовки за претстојниот...
Од денеска задолжителна зимска опрема за возилата
Од денеска стапува во сила обврската за задолжително користење на зимска опрема за возилата. Оваа обврска ќе трае до 15...
Времето денеска сончево, со температури до 19 степени
Времето денеска ќе биде сончево со мала до умерена локална облачност. Ќе дува слаб ветер претежно од југозападен правец. Минималните...
Кренар Лога се повлече од Алијансата за Албанците и од сите партиски функции
Поранешниот министер за правда, Кренар Лога, објави дека се повлекува од партискиот живот и од сите функции што ги извршувал...
Град Скопје го усвои ребалансот на Буџетот: предвидена набавка на 80 нови автобуси, реконструкција на улици, паркови
На денешната седница на Советот на Град Скопје беше усвоен ребалансот на Буџетот со еден глас против и еден воздржан....
(Видео) Кузеска: Итно да се објави целиот извештај за непотребните операции на срце
Се соочуваме со еден од најголемите скандали во здравството во историјата на државата. Министерот за здравство јавно соопшти дека се...
Осум дена притвор за насилникот кој претепа и му се закануваше со нож на дете во Скопје
Судот определи притвор од осум дена за насилникот кој нападна и му се закануваше со нож на 12-годишно дете во...
Гаши за барањата за датумот на одржување на изборите: Собранието постапува само врз основа на рокови
Во врска со сите барања и прашања што се однесуваат на одредувањето на датумот за изборите за градоначалник во Гостивар,...
Коцевски алармира: Недостигаат финансиски средства и кадар, вработените во обвинителствата работат со натчовечки напори
Јавниот обвинител Љупчо Коцевски, денеска, пред пратениците алармира за состојбата во која се наоѓаат обвинителствата. Тој укажа дека недостигаат финансиски...
Судиите со остра критика до Мицкоски: Вашите коментари ја преминаа границата на добро однесување
Судиите упатија остра критика до премиерот Христијан Мицкоски во врска со неговите изјави дека моралот не му дозволува да се...
Лекарите открија 10 непотребни операции на срце или неправилно упатени пациенти, засега велат дека не е етички да ги кажат болниците
Непотребно оперирани или неправилно упатени пациенти се пронајдени во десет од анализираните 19 случаи на кои работи домашната комисија формирана...
„Минималната плата оди на 26.400 денари, почнува новата економска ера“, велат од „Влен“
„По плебисцитната победа на локалните избори, каде што граѓаните албанци во секоја општина јасно ја искажаа својата доверба во ВЛЕН,...
„Скандалот со ИПАРД води до врвот на власта на Мицкоски“: СДСМ бара проширување на истрагата
„Корупцискиот скандал со ИПАРД фондовите не е изолиран случај, туку доказ за длабоко вкоренет, организиран систем на злоупотреби создаден и...
„Поранешни соработници му го свртија грбот на Филипче поради недоверба во него и влијанието на Заев“, велат од ВМРО-ДПМНЕ
„Расте незадоволството во СДС и потребата од итни реформи во врвот на СДС. СДС е во длабока криза која е...
(Фото) Турски пилот загина во Хрватска, а преживеа пад на авион пред 2,5 месеца
Авионот „Ер Трактор АТ-802“ се урна во близина на Сењ, додека беше на повратен лет помеѓу Риека и Загреб, соопшти...
Поранешен шеф на МИ6: Путин не е подготвен за договор со Украина
Поранешниот шеф на британската разузнавачка служба МИ6, Ричард Мур, изјави дека проценките на разузнавањето покажуваат дека рускиот претседател Владимир Путин...
