Македонија
Јануш Бугајски: исходот од Лисабон е очекуван
На Самитот на НАТО во Лисабон беше потврден ставот од Букурешт дека Македонија ќе стане членка ќе го реши проблемот со името. Ниту една членка на Алијансата не сака да биде вовлечена во решавањето на билатералниот спор со Грција, вели аналитичарот Бугајски
Јануш Бугајски од Центарот за стратешки и меѓународни студии во Вашингтон за ваквиот исход коментира: „Како и што се очекуваше. Сите знаеја дека нема да има формална покана за членство на Македонија се додека не се најде решение за спорот со Грција. Мислам дека ниту една членка на НАТО не сака да интервенира, затоа што тоа е билатерално прашање за изнаоѓање решение. Но доколку САД и која и да е друга членка на НАТО може да дадат помош, сигурен сум дека со задоволство ќе помогнат. Се надевам дека до наредниот самит на НАТО за две години, Скопје официјално ќе добие покана за членство“.Во интервју за Гласот на Америка, Бугајски анализира зошто постои надеж за брза завршница на повеќедеценискиот спор иако веќе минаа двеипол години од самитот во Букурешт.„Не би рекол брза, затоа што нема да се реши преку ноќ. Мислам дека Грција има свои внатрешни проблеми со кои се справува, и во рамки на ЕУ. Македонија има различни прашања што самата треба да ги реши. Се додека биде направен некаков напредок, некаков основен договор што може да се ратификува, тоа би можело да и помогне на земјата да добие некаков вид на покана за членство“, коментира аналитичарот од Центарот за стратешки и меѓународни студии во Вашингтон.НАТО, и како други меѓународни организации, се води од принципот на консензус, што е неопходен и за членство, потсетува аналитичарот Бугајски.„Владата во Македонија треба да има на ум дека не само што треба да има добри односи со Грција, туку и такви во кои ќе има компромис, за да на неа се гледа како на добар партнер во НАТО.Не се работи само за членството, туку земјата треба да егзистира до соседот. Мислам дека е подобро да се почне на здрава нога, кога ќе биде постигнат договор, вели Бугајски“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на магистралниот пат Струмица – Дабиле
Од 04:20 часот сообраќајот на магистралниот пат Струмица – село Дабиле е нормализиран, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Министерката Јаневска ќе учествува на „Глобалниот конгрес за популација, здравје и човечки развој“ во Каиро
Министерката за образование и наука проф. д-р Весна Јаневска од 12 до 15 ноември ќе учествува на „Глобален конгрес за популација, здравје и човечки развој“ што по трет пат се одржува во Каиро, под покровителство на Претседателот на Египет, Абдел Фатах Ел – Сиси.
Предвидено е учество на министерката Јаневска на повеќе панел дискусии посветени на човечкиот развој, развој и примена на иновации со фокус на вештачката интелигенција, а ќе биде и воведен говорник на сесија посветена на неформалното образование како концепт на доживотно учење.
За време на конгресот, Јаневска ќе оствари билатерална средба со египетскиот министер за високо образование и научни истражувања, Мохамед Ајман Ашур.
Македонија
Неколку улици во Скопје денеска без вода
Од ЈП Водовод и Канализација известуваат дека денеска поради промена на затворач ф-125мм на крстосницата Индира Ганди/Гвадалахара, прекинато водоснабдување ќе имаат следниве улици; Гвадалахара, Индира Ганди, Метохиска, Јован Хаџи Шишко и Гарсија Лорка, општина Шуто Оризари.
Водоснабдувањето ќе биде прекинато од 09:00 часот до завршување со работните активности.
Од ЈП Водовод и Канализација исто така информираат дека денеска поради уличен дефект од ф 1” на улицата Прашка бр.50, со прекинато водоснабдување ќе бидат дел од корисниците од улицата Прашка од 09:00 часот до завршување на санацијата на дефектот.

