Свет
Египет ја призна независноста на Јужен Судан
Египетските власти во саботата соопштија признавање на Јужен Судан, јави Reuters повикувајќи се на изјава на египетскиот министер за надворешни работи, Мухамед ал-Араби.
Египетските власти во саботата соопштија признавање на Јужен Судан, јави Reuters повикувајќи се на изјава на египетскиот министер за надворешни работи, Мухамед ал-Араби.Египет внимателно ја набљудуваше поделбата на Судан, во голема мера, бидејќи во многу животот на луѓето во земјата зависи од ситуациите по течението на реката Нил, а прогласувањето на новата држава може да придонесе за ревизија на квотите за употреба на водите на реката.Претходно во петокот навечер независноста на новата држава ја призна Судан, а неколку часови подоцна, на полноќ, Јужен Судан и официјално стана независна држава.Официјалната прогласувањето на независноста на Јужен Судан се одвива во саботата, во главниот град, Џуба. Јужен Судан стана 54 држава во Африка, а 196-та во светот и се очекува наскоро да стане 193-та членка на Обединетите нации. Со прогласувањето на независноста на Јужен Судан, се става крај на преодниот период предвиден со Сеопфатниот мировен договор потпишан во 2005 година меѓу суданската влада и бунтовниците од Југот – Ослободителното движење на Судан со што беше завршена 21-годишната граѓанска војна.Со звукот на камбаните од црквите, топотот на тапаните и гласните извици на жителите на Џуба, каде започна да слави независноста беше дочекано утрото и соопштението дека Јужен Судан и официјално е прогласен за независна држава – Република Јужен Судан. Јужњаците се собираат во црквите и на плоштадите, палат свеќи и се молат во чест на раѓањето на новата нација./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.