Македонија
Снежна лавина и кај манастирот Св. Јован Бигорски
Во саботата по 10 часот е затворен патниот правец Р-409 Маврово – Жировница за сообраќај на сите видови на возила поради снежни лавини. Затворена е, исто така, и делницата Жировница – Дебар за сите видови возила поради голема снежна лавина кај манастирот Св. Јован Бигорски.
Во саботата по 10 часот е затворен патниот правец Р-409 Маврово – Жировница за сообраќај на сите видови на возила поради снежни лавини. Затворена е, исто така, и делницата Жировница – Дебар за сите видови возила поради голема снежна лавина кај манастирот Св. Јован Бигорски.
Од 13 часот патниот правец Р-409 крак Маврово – Жировница – Дебар е комплетно затворен за сообраќај за сите видови возила поради интензивни врнежи од снег и снежни лавини. Како што информираат од АМСМ, се очекува расчистувањето на овие патни правци да трае во следните неколку часа. На регионалниот патен правец Маврово – Дебар, на потегот од селото Жировница кон месноста Сенечки Мост, претпладнево падна лавина која зафатила три патнички возила. Во лавината немаше повредени и сите патници со помош на припадниците на полицијата се извлечени и згрижени.Надлежните служби препорачуваат во саботата и во наредните два дена, доколку немаат потреба да се воздржат од патување, особено кон патните правци Гостивар-Кичево.
Исклучително отежнат сообраќај е забележан до скијачкиот центар Маврово, каде што има интензивни врнежи од снег кои го отежнуваат движењето на возилата, поради што не се препорачува патување кон Маврово без поголема потреба.Забрана за сообраќај на тешки товарни возила има на планинските превои Стража, Пресека и Буково, како и на патните правци Дебар – Струга и Струга – граничен премин Ќафасан.Поради поинтензивни врнежи од снег и силен ветар, има појава на помали лавини на планинскиот превој Стража преку кој не се препорачува патување без некоја поголема потреба.Забраната за сообраќај на тешки товарни возила преку Ѓавато е укината.На патниот правец Битола – Нижеполе – Молика (Р506) задолжителна е употреба на зимска опрема за сите видови на возила.Посебна внимателност е потребна на патниот правец Дебар – Струга, поради можна појава на одрони.
Снегот кој од петокот интензивно паѓа и формира нови 30 до 40 центиметри снежна покривка со што го парализира сообраќајот во мавровскиот регион.
Механизацијата на „Македонија пат“, не може да се справи со наврнатите количини снег, и побарана е помош во опрема и специјални возила.
Најверојатно заради лавините по долината Радика, оштетен е и далновод, па без струја се долнореканските села Ростуше, Битуше, Требиште и Велебрдо./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
За Велигден претежно сончево и потопло време
Во недела и понеделник времето во земјава за најголемиот хртистикански празник Велигден ќе биде претежно сончево и потопло, соопшти Управата за хидро – метеоролошки работи.
Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.
Утре времето ќе биде променливо облачно, наместа со повремени врнежи од дожд. Ќе дува умерен, повремено засилен ветер од северен правец. Утринската температурата ќе се движи од 1 до 11 степени Целзиусови, а максималната дневна од 9 до 21 степени. Во Скопје слично време со температура до 19 степени.
Македонија
Посебен сообраќаен режим во Скопје
Министерството за внатрешни работи информира дека денеска поради одржување на манифестација по повод годишнината од смртта на Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена ул.„Самоилова“ на потегот од ул.„Иљо Војвода“ (виадукт Самоилова) до крстосницата со ул.„Прохор Пчински“.
Исто така попладне поради одбележување на верскиот празник Велигден ќе биде воведен посебен сообраќаен режим на одредени сообраќајници во централното градско подрачје на Град Скопје, како и во општините Ѓорче Петров и Аеродром по повод верскиот празник Велигден.
– Во периодот од 18 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”, се наведува во соопштението.
Во спротивна насока автобусите ќе ги користат истите сообраќајници.
Во општина Ѓорче Петров, по потреба, за сообраќај ќе се затвори ул.„Македонска војска“ пред црквата „Свети Петар и Павле“ на потегот од крстосницата со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон с.Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти.
-Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните, наведуваат од МВР.
Сервисни информации
Променливо облачно, наместа со повремени врнежи од дожд
Времето денеска ќе биде променливо облачно, наместа со повремени врнежи од дожд. Ќе дува умерен, а долж Повардарието и во источните делови повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.
Во Скопје ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне 19 степени.
Во недела и понеделник времето ќе биде претежно сончево и потопло. Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.