Македонија
Кас Грање: Од Хаг зависи продлабочувањето на односите со Македонија
Очекуваме пресудата на Меѓународниот суд на правдата во Хаг да биде во насока на продлабочување на односите меѓу Европската унија и Македонија, смета Александра Кас Грање, директор во Директоратот за проширување на Европската комисија.
Очекуваме пресудата на Меѓународниот суд на правдата во Хаг да биде во насока на продлабочување на односите меѓу Европската унија и Македонија, смета Александра Кас Грање, директор во Директоратот за проширување на Европската комисија.
Кас Грање вели дека исходот од пресудата со нетрпение се очекува во Брисел, без да прогнозира за евентуалниот исход.
„Ништо точно не знаеме. Ќе видиме што ќе каже судот во понеделник. Со нетрпение ги чекаме резултатите од судот и мислам дека и вие, исто така, го чекате тоа. Се надеваме дека со тоа ќе има разрешување на проблемот. Тоа е важно за нас, што ќе каже судот, за да има разрешување на проблемот со името и да ги продлабочиме односите со оваа земја. Тоа го сакаме, на тоа целиме и се надевам дека одлуката на судот ќе биде кон тоа“, вели Кас Грање.
Таа семта дека одредувањето на датум за старт на преговори исклучиво е во раце на Советот на Европската унија.
Кас Грање денеска, заедно со вицепремиерот за европски прашања, Теута Арифи, ја потпишаа Спогодба за финансирање на Националната праграма за компонентната помош во транзиција и институционална надградба во рамките на ИПА за 2010 година. Со неа се предвидува финансирање на проекти во вкупна вредност од 36,9 милиони евра.
„Со денешниот чин потврдуваме дека Република Македонија има полн капацитет да ги мобилизира средствата од претпристапните фондови и да ги достапни за широк опфат на институции и корисници“, изјави Арифи.
Средствата ќе бидат искоритени за реформи на судството, ревитализација на објекти од културното наследнство, поддршка на граѓанското општество, борба против корупцијата, градење на капацитетите за дефинирање на индустриска политика, заштита на потрпшувачи и други проекти. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Прекинато водоснабдување на дел од улицата Максим Горки во Скопје
Од ЈП Водовод и Канализација известуваaт дека во вторник поради изведување на водоводен приклучок од Ф 80 мм на ул.Мито Хаџивасилев Јасмин бр.22 прекинато водоснабдување ќе имаат дел од корисниците на ул.Максим Горки од 09:00 часот до завршување.
Македонија
Бесплатен летен спортско едукативен камп за ученици од Кисела Вода
Бесплатен летен спортско едукативен камп за спортските таленти од основните училишта и учениците од социјално ранливите семејства, обезбеди Општина Кисела Вода. Оваа иницијатива, која е плод на посветеноста за промовирање на спортот и здравиот начин на живот, ги промовира и еднаквите можности за учество и развој на сите деца без разлика на нивната финансиска состојба.
На јавниот повик кој е достапен на општинската веб страница https://opstinakiselavoda.gov.mk/wp-content/uploads/2024/05/oglas5.pdf , можат да аплицираат децата кои постигнале резултати во олимписки и неолимписки спортови, во поединечна и екипна конуренција, согласно класификацијата на Агенцијата за млади и спорт.
За спортските таленти, Комисијата ќе ги вреднува постигнатите прво, второ и трето место.
Kандидатите задолжително треба да ги достават, дипломите и признанијата за освоени места или учество на официјални државни, меѓународни и регионални натпревари, како и дипломите и признанијата за освоено место или учество на пријателски натпревари во сите категории. Основците пак, кои припаѓаат на социјално ранлива категорија согласно Закон за социјална заштита, за истото треба да достават соодветна документација како доказ за исполнетост на условите. На повикот можат да се пријават и ученици од семејства со еден вработен, примател на минимална плата, како и ученици од семејства чиј вкупен приход не надминува 35.000,00 денари месечно.
-Овој бесплатен седумдневен камп на брегот на Охридското Езеро ќе биде повеќе од обично дружење. Тој претставува можност за нашите ученици да се социјализираат, да создадат нови пријателства и да ги развиваат своите спортски таленти. Верувам дека преку вакви активности, децата ќе можат да ги зајакнат своите спортски вештини, но и да научат важни животни лекции за тимска работа, дисциплина и посветеност. Нашата поддршка за младите спортисти не завршува тука. Оваа иницијатива е само дел од нашата континуирана стратегија за поттикнување на спортските активности и здравиот начин на живот кај младите. Овие спортски кампови се стимул за спортистите да продолжат да се натпреваруваат и да ги постигнуваат своите цели, но исто така претставуваат и обид да се избегне маргинализацијата на децата од социјално загрозените семејства. Сите деца, без разлика на нивната социјална позадина, треба да имаат еднаква шанса за успех и развој. Од тука, ги поттикнувам сите кои се опфатени со зададените критериуми да аплицираат на јавниот повик. Од своја страна, како градоначалник, можам да кажам дека Општина Кисела Вода ќе продолжи да инвестира во вакви проекти, кои го поддржуваат личниот и спортскиот развој на талентираните и водат кон избегнување на маргинализацијата на децата од социјално загрозените семејства-изјави градоначалникот Орце Ѓорѓиевски,
Барањата и изјавите со потребната документација треба да се доставуваат до 05 јуни, по пошта на адреса Општина Кисела Вода ул. “Петар Дeљан” бр.17, или во архивата на општината со назнака – “За избор на ученици од општинските основни училишта од Општина Кисела Вода кои ќе посетуваат бесплатен летен спортско едукативен камп” – Комисија за спроведување на постапката за избор на ученици од општинските основни училишта од Општина Кисела Вода кои ќе посетуваат бесплатен летен спортско едукативен камп.
Македонија
Сиљановска Давкова со францускиот амбасадор Бомгартнер: изразена надеж дека историските прашања, стари и по сто години, нема да го преземат приматот на реформите
Претседателката Гордана Сиљановска Давкова денеска го прими амбасадорот на Француската Република, Сирил Бомгартнер.
На средбата беа разменети мислења за севкупните билатерални односи меѓу двете држави, што се карактеризираат со традиционално пријателство, отворен и конструктивен дијалог и континуирано унапредување на соработката во мноштво сфери од заемен интерес.
На средбата се разговараше за македонските аспирации за членство во Европската Унија, како стратешки приоритет на државата. Во тој контекст Сиљановска Давкова истакна дека поддршката од страна на нашите пријатели и партнери во ЕУ, вклучувајќи ја и Франција, за нас е високо ценета и значајна.
Сиљановска Давкова изрази очекување за продолжување на пристапниот процес во ЕУ, преку враќање на вербата во мериторниот процес на интеграција, со фокус на исполнување на копенхагенските критериуми.
Сиљановска Давкова изрази надеж дека историските прашања, стари и по сто години, нема да го преземат приматот на реформите кои се главен национален приоритет и воедно изрази очекување за подлабока соработка со Француската петта република за примена на француските искуства во развојот на демократијата.
Во контекст на владеење на правото како прв и најважен критериум од Копенхаген, таа ги посочи актуелните внатрешни предизвици врзани за нарушениот уставен принцип на поделба на власта без која нема парламентарна демократија.