Македонија
Антикорупциска ги затвори предметите за Мијалков, Канчевска и Тодоровски
Антикорупциската комисија ги затвори предметите, за директорот на Управата за безбедност и контраразузнавање, Сашо Мијалков, за министерката за култура Елизабета Канческа-Милевска и директорот за Јавна безбедност Љупчо Тодоровски
Во сите три случаи антикорупционерите утврдиле дека нема елементи за понатамошно постапување и дека сите тројца се чисти.По добиените документи од политичката партија Обединети за Македонија за утврдување на имотната состојба на Сашо Мијалков, ДКСК ги доставила документите кои беа напишани на чешки јазик до судски преведувач, извршила увид во комерцијалниот регистер на Чешка за трговското друштво „Сервице Поинт ММ“, како и во анкетниот лист на неговиот имот и имотот на неговото семејство.Поради значителната разлика на износот на финансиските средства од документите добиени од Обединети за Македонија и анкетните листови доставени од Мијалков, ДКСК побарала од Мијалков да даде информација зошто истата сума била наведена и во делот на побарувањата и во делот на други приходи.„Како содружник кој поседувал 50 отсто од трговското друштво ’Сервице Поинт ММ’ одлучил да го продаде својот удел во фирмата, по што било донесено решение неговиот дел како содружник во друштвото да се раздели на два дела и истите да се пренесат на другите двајца содружници. Склучил два поединечни договори со двајцата содружници за пренос на трговскиот дел на друштвото, со кои тие се обврзале да му платат секој по 500.000,00 евра. Едниот содружник му ја исплатил договорената сума од 500.000,00 евра, поради што во анкетниот лист е даден тој податок во делот други приходи, додека вториот содружник сè уште не му ја исплатил договорената сума од 500.000,00 евра, поради што во анкетниот лист е даден тој податок во делот побарувања“ образложил Мијалков.Во врска со предметот на министерката Елизабета Канческа – Милевска околу нејзиното членување и работа во стручни комисии на Министерството за култура со паричен надомест, Комисијата констатирала дека Милевска по изборот за министер доставила писмена изјава за враќање на сите парични средства земени по основ на членување во комисии.„Како израз на лична определба е пристапено кон враќање на средствата добиени на законска основа и тоа е сторено на начин, со документ Каса прими, што не е спорно од законски аспект. Со оглед на тоа што изјавата е самоволно преземена обврска, со враќањето на средствата во касата на Министерството за култура истата е исполнета. Враќањето на овие средства значи приход на Буџетот на РМ“ констатирала Комисијата.Според антикорупционерите нема корупција и во случајот со Љупчо Тодорвски, кој според некои информации не ја пријавил во анкетниот лист, хациендата во Горно Нерези.„На посоченото земјиште се наоѓаат три незавршени објекти, и тоа: еден приземен објект со површина од 150 м2, монтажен објект од 30 м2 и Параклис Свети Кузман и Дамјан со големина од 12 м2. Значи не станува збор за хациенда од 1900 м2 како што беше објавено. Градбата на овие објекти е започната во 1994 година, а прекината во 2005 година, а постапката за обезбедување на услови за градба била во тек поради што, Љупчо Тодоровски за нив не поседувал имотен лист со кој би ги пријавил во анкетниот лист и би докажал дека ги поседува. Поради тоа во анкетниот лист навел дека тоа земјиште има пазарна вредност од 6.000.000,00 денари бидејќи во тоа ги вклучил и наведените градежни промени врз земјиштето“ рече претседателот на ДКСК, Илми Селами.ДКСК побара преиспитување на работата на заменик министерот за култура Драган Недељковиќ по информациите дека ја користи својата положба за вршење влијание на нему блиско здружение граѓани, да бидат одделени средства од неговото министерство.Побараа и разрешување на Јордан Ангеловски, директор на Работнички Универзитет „Кочо Рацин“ во Скопје. Според нив, Државниот инспектор за труд во текот на 2009 година, извршил надзор и констатирани биле недостатоци и неправилности во врска со работниот однос на директорот Ангеловски, кој иако имал наполнети 64 години возраст и над 15 години пензиски стаж, сè уште бил директор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Првиот вицепремиер Изет Меџити учествуваше на Самитот на иднината во Обединетите нации
Првиот вицепремиер и Министер за животна средина и просторно планирање Изет Меџити, денеска учествуваше на Самитот на иднината во Обединетите нации. Овој самит собра повеќе од 150 лидери на држави и влади од целиот свет за да разговараат за предизвиците и можностите поврзани со иднината на човештвото.
„Како прв потпретседател на Владата на Република Северна Македонија, учествував на Самитот на Иднината во Обединетите нации, каде заедно со високата државна делегација, вклучително и претседателката Гордана Силјановска Давкова и министерот за надворешни работи Тимчо Муцунски, ја претставувавме нашата земја во овој голем глобален настан. Овој самит собра повеќе од 150 лидери на држави и влади од целиот свет за да разговараат за предизвиците и можностите поврзани со иднината на човештвото“, рече Меџити.
Меџити понатаму додаде дека на отворањето на самитот, каде што бил присутен, главниот фокус бил ставен на Пактот за иднината, амбициозен документ кој има за цел да изгради нова рамка за меѓународна соработка и одржлив развој.
„Во овој контекст, ги слушнавме инспиративните говори на генералниот секретар на ОН, Антонио Гутереш и на германскиот канцелар, Олаф Шолц, кои ја истакнаа важноста на глобалната соработка за соочување со најголемите предизвици на нашето време“, додаде Првиот вицепремиер.
Пактот за иднината е сеопфатен документ кој се однесува на широк опсег на критични прашања. Вклучува поглавја за човекови права, родова еднаквост, одржлив развој, наука, технологија и иновации, како и дигиталната соработка. Меѓу другото, се истакнува важноста од ангажирање на младите и зачувување на интересите на идните генерации кои се во центарот на трансформацијата на глобалното владеење.
Покрај учеството на овој форум на високо ниво, агендата на Меџити во Њујорк вклучува и серија состаноци со американски сенатори и други политички и економски лидери. „Овие средби ќе се фокусираат на продлабочување на соработката меѓу Северна Македонија и САД во клучните области како зелената енергија, технологијата и одржливиот развој, како и да се разговара за перспективите на нашата земја во меѓународните процеси“, појасни Меџити.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.