Свет
Новите пасоши лесни за фалсификување
Новите пасоши што треба да ги произведе германската фирма “Гисеке и Девриент”, која победи на тендерот на МВР, ќе бидат лесни за фалсификување, па Владата многу брзо ќе мора да распише нов тендер, тврдат фирмите што конкурираа на последниот конкурс.
КОНКУРЕНТИТЕ НА “ГИЗЕКЕ” ПРЕДУПРЕДУВААТ
Новите пасоши што треба да ги произведе германската фирма “Гисеке и Девриент”, која победи на тендерот на МВР, ќе бидат лесни за фалсификување, па Владата многу брзо ќе мора да распише нов тендер, тврдат фирмите што конкурираа на последниот конкурс.
Наши извори велат дека во понудата на “Гисеке”, за материјалот, пишувало “поликарбонат или полиестер”. Според нив, ако пасошите бидат изработени од двата материјала, ќе бидат подложни на фалсификат.
– Со таков проблем се соочува Полска. Нивните пасоши се изработени слично на принципот што го нуди “Гисеке” – велат тие.
Во тендерот беше посочено дека податоците за носителот на исправата во новите лични документи ќе се внесуваат на поликарбонатска основа со технологија на ласерско енгравирање.
Чипот што треба да биде вграден во пасошот ќе содржи отпечатоци од сопственикот, негова фотографија, дигитален потпис и бојата на ирисот на окото. За изработка на македонските пасоши, покрај “Гисеке”, конкурираа и “Обертур” од Франција, австриски “Сименс”, италијанската “Полиграфико” и “Канадиен бенкноут компани”.
Тие веќе поднесле жалби до владината комисија. Нивна заедничка забелешка е непочитување на правилникот, кој налага една фирма да понуди еден материјал, од кој ќе ги изработува пасошите.
Комисија од фирмите што изгубија на тендерот ги пресметала сите ставки од финансиската документација на Германците и утврдила дека добиената сума се разликува за 2.138.650 евра од тендерската понуда на “Гисеке”.
“Гисеке” беше избран за најповолен понудувач откако доби најмногу збирни бодови по сите критериуми – технички квалитет, цена, начин на плаќање и сервис.
“?Гисеке’ има 150-годишно искуство во изработка на документи за идентификација, а изминативе 10 години е стручна фирма за изработка на радиофреквенциска технологија за вградување биометриски податоци во патните исправи. Во Летонија се користат патни исправи изработени од оваа фирма”. Вака беше претставена германската фирма на денот на објавувањето на победникот на тендерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.
Свет
Трамп: Ако загубам во ноември, Евреите ќе изгубат многу
Поранешниот американски претседател и републикански кандидат на претстојните претседателски избори, Доналд Трамп, на настан во Вашингтон, чија цел е борба против антисемитизмот, изјави дека ако загуби во ноември, „Евреите ќе изгубат многу“.
„Нема смисла“, рече Трамп за Евреите кои гласаа за потпретседателката на САД и демократска кандидатка Камала Харис, објави Политико.
Трамп рече дека секој Евреин што гласа за неа треба да ја прегледа главата.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.