Регион
Коциас: Грција ќе отвори мостови кон светот
Новиот грчки министер за надворешни работи, Никос Коциас порача дека Грција ќе биде активна и „ќе отвори мостови кон целиот свет“, напоменувајќи дека грчките власти не сметаат дека своите односи со новите светски сили се и против европскиот курс на Атина.
Новиот грчки министер за надворешни работи, Никос Коциас порача дека Грција ќе биде активна и „ќе отвори мостови кон целиот свет“, напоменувајќи дека грчките власти не сметаат дека своите односи со новите светски сили се и против европскиот курс на Атина.
Преземајќи ја должноста од досегашниот шеф на грчката дипломатија, Евангелос Венизелос, Коциас изјави дека тој и неговите заменици Никос Шунтис и Еуклид Цакалотос „се Европејци“, но истакна дека новите власти „се радуваат на мостовите со новите светски сили“, соопшти грчкото министерство за надворешни работи.
„Ние не сметаме дека нашите односи во контекст на европскиот курс на Грција им противречи на нашите односи со новите сили“, порача Коциас.
Говорејќи за вонредниот состанок на Советот на министрите на ЕУ, на кој се разгледуваше за можност околу воведување на нов пакет на санкции кон Русија, грчкиот министер рече дека некои грчки партнери ги прекршиле прописите на ЕУ.
„Тие се обидоа да не стават пред свршен чин дури и пред новата влада за положи заклетва. Од почетокот јасно ставивме до знаење дека тоа нема да биде прифатено“, истакнал новиот шеф на грчката дипломатија. Тој додаде дека сите оние кои мислат дека Грција ќе се откаже од својот суверенитет и активниот придонес во европската политика поради својот долг, грешат.
„Ние сакаме да бидеме Грци, патриоти. Сакаме да бидеме Европејци. Пред сé, сакаме министерство кое мисли, кои не осудува кога некој мисли поинаку, кое ќе сврти нова страница и ќе им служи на општите интереси на нашиот народ“, порача Коциас.
Според него „Грција е суверена кога учествува во меѓународните организации, мултилатераните преговорите и во самата Европска унија, преку грчката надворешна политика.
Грчкиот министер порача и дека „новите транзициски односи како мост меѓу Грција и ЕУ, и новите пазари предизвикуваат развој на капацитетите и потенцијалите на земјата“.
Тој објасни дека „во свет кој се буди, Грција мора да ја развие својата способност на посредување, да придонесе за решавањето на споровите и да ги развива своите преговарачки способности не само поради самата себе, туку и меѓу останатите држави кои се наоѓаат во кризните региони“.
Коциас особено се осврна на „катализаторската улога“ која неговата земја може да ја има како фактор на стабилноста.
„Грција се наоѓа во триаголник на нестабилноста и претставува светилник на стабилноста“, укажа додавајќи дека „каков и да е недостаток на неопходната стабилност во регионот ќе значи и голема неповолност за грчкиот народ, како и за ЕУ во целина“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Семејство на милионерка од Велика Британија тврди дека таксист во Белград ја измамил и ѝ земал имот вреден над 900 илјади евра
Семејството на жена од Бирмигем по име Милка Шормаз (92) тврди дека изгубила 800.000 фунти (934 илјади евра) во имотна измама што наводно се случила во Белград и е подготвено да го поднесе случајот до Европскиот суд за човекови права. Бараат правда за нивната тетка Милка Шормаз откако, како што велат, биле измамени, пишува српски Телеграф.
Милка Шормаз се преселила во Бирмингем во 1958 година кога од поранешна Југославија дошла во Велика Британија. Таа често патувала во Србија и останала таму кога започнала пандемијата.
Нејзиното семејство тврди дека се спријателила со таксист и неговата сопруга во Белград. Тие велат дека таа станала „лесен плен“ бидејќи била многу стара и покажувала знаци на деменција.
Само неколку месеци по средбата со парот, Милка наводно била принудена да потпише сложени правни документи. Нејзиното семејство тврди дека документите во суштина и ја одземале сопственоста на нејзиниот недвижен имот. Исто така, се тврди дека нејзиниот тестамент е променет, а главен наследник е таксистот, вклучително и куќа за гости во Бирмингем. Братучедите на Милка тврдат дека таа останала „сама, ранлива, немоќна“ и дека боледувала од симптоми на Ковид.
Милка, која немала деца, никогаш не се вратила во Бирмингем и за жал починала во октомври 2021 година. Нејзиното семејство откри дека станот со три спални соби, четири продавници и три гаражи, вклучително и мерцедесот, кој таа го поседувала во Белград, бил продаден во 2018 година по цена од околу 20 отсто од нивната вредност. Исто така, се тврди дека парите биле подигнати од нејзината банкарска сметка.
Нејзината братучетка Дубравка Арсеновиќ (46) го покренала случајот до јавните обвинители во Србија, но тврди дека нема напредок. Адвокатот на Дубравка поднесе жалба до Уставниот суд, но тие рекоа дека чекаат една година да се донесе одлука дали има предмет за разгледување. Најблиските на Милка велат дека се подготвени случајот да го однесат пред Европскиот суд за човекови права.
„Имаме огромен список на докази кои го поддржуваат нашиот случај и докажуваат дека нашата тетка – која беше многу стара и ранлива – беше жртва на огромна неправда. Имаме мал избор освен да побараме помош и да го исправиме ова преку европските судови, доколку Уставниот суд на Србија го отфрла нашето основно човеково право да презентираме докази“, изјави Дубравка за „Бирмингем лајв“.
„Во Белград недвижниот имот вреди околу 500.000 фунти. Пензијата во Бирмингем е околу 300.000 фунти, значи вкупната сума е 800.000 фунти. Најважно за семејството не се парите, туку принципот на надминување на неправдата.
Семеен пријател изјавил дека Милка го продала станот за многу помала сума и дека се се случило многу брзо.
„Милка имаше стан со три спални соби, три гаражи и четири продавници во Белград. Имаше и пансион овде во Бирмингем. Недвижностите во Белград ќе бидат предмет на оставинска казна, таа има семејство, како и двајца братучеди во Велика Британија и двајцата внуци го продала нејзиниот стан неколку месеци откако го запознала човекот сметката, но истата беше повлечена истиот ден предметот го однесе до јавниот обвинител во Белград, но случајот беше отфрлен.
Тој вели дека семејството на Милка морало да се бори да го врати нејзиното тело во Велика Британија.
„Милка почина во болница, а на семејството му беше забранет пристапот до станот на нивната тетка од таксист и неговата сопруга за да и земат некој од личните работи, на пример облека, фотографии и пасош. Британската амбасада во Белград помогна и управуваше да ги средат сите документи за да може нивната покојна тетка да биде префрлена во ОК каде што припаѓала Ниту еден од нејзините други лични работи не бил предаден на семејството бидејќи тие тврделе дека сите работи сега им припаѓаат ним (таксистот и неговиот сопруг. Нејзината потврда за смртта пишуваше дека има деменција, а Милка беше погребана до нејзиниот сопруг на гробиштата Брендвуд Енд во Кингс Хит“, заклучува пријателката.
Регион
Србија се соочува со сериозен недостиг на работници во автосервисите
Србија се соочува со сериозен дефицит на квалификувани работници во автосервисите, а според проценките недостасуваат меѓу 30.000 и 40.000 занаетчии од сите профили. Овој проблем не е специфичен само за нашите соседи, туку е присутен и во цела Европа, каде автомеханичарите и каросериските работници се едни од најдефицитарните професии.
Побарувачка за механичари и машинисти
Една од најбараните групи занимања се механичарите и машинистите, каде што работодавачите бараат речиси 300 мајстори од овој профил во канцеларијата за труд. Интересно е што многу работодавци се подготвени да ги вработат овие работници и без претходно искуство, а понудените плати се движат од 70.000 до над 150.000 динари. Овој податок укажува на голема побарувачка за овој профил на работници и можности за добро платена работа дури и за оние без искуство.
Проблеми со незаконската работа
Еден од проблемите со кои се соочува оваа индустрија е незаконското вршење на сервисирање возила. Неофицијално, се проценува дека околу половина од автосервисите се диви, што создава сериозни проблеми и од аспект на фер конкуренција и од еколошки аспект. Имено, сервисерите на автомобили имаат обврски во однос на отстранувањето на опасниот отпад, како што е моторното масло, а незаконското извршување на овие работи може да има штетни последици за животната средина.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.