За Основното јавно обвинителство на Скопје ослободителната пресуда, во петокот, за “случајот Раштански Лозјааи од страна на Кривичниот судски совет во Основниот суд Скопје 2 не е конечна.

По ослободителната пресуда на Основниот суд Скопје 2 во судскиот процес “Раштански Лозја”

Случајот “Раштански” не е конечен, сигурно ќе има жалба

Коста ПОПОВСКИ

За Основното јавно обвинителство на Скопје ослободителната пресуда, во петокот, за “случајот Раштански Лозјааи од страна на Кривичниот судски совет во Основниот суд Скопје 2 не е конечна. “Обвинителството ќе чека судската пресуда да биде доставена и до Обвинителството, во законскиот рок предвиден во Кривичниот закон, а потоа ќе поднесе жалба до Апелациониот суд во Скопје во врска со пресудата. Моментално не е упатно да се тврди на што ќе се жали Обвинителството сў додека стручни лица не ја разгледаат пресудата детаљно и законски точка по точка, по што ќе се комплетира жалбатааи ни беше речено вчера во Основното јавно обвинителство. Во Обвинителството тврдеа дека ослободителната пресуда, во петокот, претседателката на Кривичниот совет, Славица Попчевска, невообичаено во судската практика, ја објавила без образложение и затоа не може да се даде никакво предвидливо објаснување на што ќе се жалат во Обвинителството.

Во Основниот суд Скопје 2 вчера ја побаравме судијката Славица Попчевска да ни ја даде или евентуално усно да ја детализира пресудата во смисла на тоа поради кои законски околности Судскиот совет ја донесе ослободителната пресуда. Судијката од вчера е на одмор и не дознавме колку ќе трае. Образложението е дека таа била психички и физички исцрпена. Неофицијално, од судот бевме информирани дека при објавувањето на пресудата во петокот немало услови да бидат образложувани детали за ослободителната пресуда и оти тоа ќе биде наведено во писмената правосилна пресуда. Дознавме дека судечката судијка во никој случај не би образложувала за јавноста од кои причини било одлучено да се донесе таква пресуда, а писмената пресуда не би можела да ја даде бидејќи таа, практично, допрва треба да се пишува пред да се достави до странките.

Во петокот при објавувањето на ослободителната пресуда од страна на Славица Попчевска во судницата настана одушевување од страна на ослободените од обвинението, нивните родителите и блиските роднини на четворицата обвинети, па така беше принудена да ја отстрани публиката од судницата. Зад затворени врати, наводно, само објавила дека обвинетите се ослободуваат од обвинението и притоа само дообјаснила дека во писмената судска одлука ќе биде дадено детаљно образложение.

Бранител на еден од обвинетите вчера ни објасни дека судот донел правична пресуда и оти одбраната, по доставувањето на писменото образложение на пресудата, ќе има простор да се повика на пресудата кога, во друга, граѓанска постапка, евентуално ќе побара материјална отштета за нивните штитеници за времето кога биле во притвор.

По над петмесечно траење на судскиот процес, со над дваесет продолженија, против Александар Цветков, Горан Стојков, Бобан Утковски и Митко Кикереков, кои според обвинителниот акт се товареа за убиство со умисла на седум странски државјани, во петокот тие беа ослободени од обвинението и истиот ден, два часа по пресудата, беа пуштени од затворот Скопјеи каде што беа во притвор една година. Ослободителната пресуда не беше образложена, како што нагласивме, поради немање услови во судницата и по отстранувањето на јавноста од неа.