Македонија
Трибина: „Македонија ја губи битката со кодошите“
Со одлуките на Уставниот суд, Македонија ја губи битката со кодошите, беше оценето на денешната трибина на тема „Лустрацијата во Република Македонија.“
Со одлуките на Уставниот суд, Македонија ја губи битката со кодошите, беше оценето на денешната трибина на тема „Лустрацијата во Република Македонија.“Експерти кои земаа збор на дебатата беа: Александар Дамовски – новинар; Зоран Петрески – пратеник на ВМРО ДПМНЕ; Стојан Андов – пратеник на ЛП на Македонија; Зоран Тодоровски-историчар и директор на Државниот архив на Р.Македонија, Силвана Бонева- пратеничка на ВМРО ДПМНЕ; Проф. Звонимир Јанкуловски – експерт за човекови права и Илија Максимовски – новинар.Стојан Андов, предлагачот на Законот за лустрација, истакна дека е незадоволен од одлуката на Уставниот суд на Р.Македонија да се лустрира до ноември 1991 година, кога е донесен новиот Устав на Република Македонија, а не до 2008 година како што предвидува законот, и додаде дека за да се создадат нормални политички услови во државата, мора комплетно да се расчисти со лустрацијата, односно и’ со периодот по 1991 година.„Уставниот суд поаѓа од една претстава дека со донесувањето на Уставот, државата треба да престане да делува и со магично стапче ќе ги реши сите проблеми,“ рече Андов и истакна дека во моментот постои политички спор помеѓу Уставниот суд на Р. Македонија и Собранието на Р. Македонија.Александар Дамовски вели дека целата ситуација покажува колку всушност на Македонија и е потребно расчистување со лустрацијата. Професорот и експерт за човекови права, Звонимир Јанкуловски, смета дека Уставниот суд испраќа порака до граѓаните дека „одредени луѓе не’ се исти со останатите“. Според Јанкуловски, земјата имала најмолчаливо општество во процесот на декомунизација и истакна дека ако процесот на лустрација не заврши, Македонија нема да оди напред. „Ова ќе ја зацементира состојбата во делот на човековите права, и Македонија ќе остане во статус кво позиција,“ рече тој.Пратеничката Силвана Бонева изјави дека постојат многу докази за „шпионажата“ од страна на одредени структури кои се дел од „испреплетената пајаковата мрежа“ во општеството, и тие продолжиле со својата активна „работа“ и по осамостојувањето на Македонија и затоа лустрацијата мора да се спроведе и во периодот по 1991 година.Дебатата на тема „Лустрацијата во Република Македонија“ беше во организација на Институтот „Павел Шатев“. /крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Се запали бутик во зграда во Карпош, огнот се прошири кон уште еден стан и два автомобили
Пожар избувна доцн синоќа во бутик во Карпош, на улицата Разловечко востание.
Бутикот кој е во сопственост на И.М.(54) од Скопје бил лоциран на приземјето од станбена зграда. Повредени лица нема.
Од пожарот била зафатена фасада од зградата, делумно зафатен стан кој се наоѓал над бутикот, клима уред и дел од прозори на уште еден стан.
Исто така, изгореле две патнички возила кои биле паркирани во непосредна близина.
Од Бригадата за противпожарна заштита пожарот бил локализиран. Извршен е увид и се преземаат мерки за расчистување на случајот.
Македонија
(Видео) Честитка на Филипче за Водици: Во духот на солидарноста да го унапредуваме општеството
Во име на Социјалдемократскиот сојуз на Македонија и во мое лично име на сите православни верници им го честитам денешниот христијански празник Богојавление – Водици, порача претседателот на опозициската партија, Венко Филипче.
„Му честитам на момчето Мартин Гоџовски, од населбата Варош ,којшто денеска го фати крстот.
Посакувам здравје, среќа, успех оваа година. Исто така и на сите коишто денеска скокнаа во ладните води на Охридското езеро по крстот. Тоа е знак дека имаат многу голема ментална и физичка сила.
Овие празници секогаш треба да не потсетуваат да во име на солидарноста, работиме заедно, го унапредуваме општеството и создаваме подобри, еднакви можности за сите без дискриминација на ниту еден човек“, порача Филипче.
Македонија
Илија Мелоски го фати Светиот крст во Кисела Вода
Илија Мелоски беше најсреќниот меѓу 50-те верници кои денес се обидоа да го фатат Светиот Крст во водите на базенот “Расадник”, кои претходно беа осветени. Од градоначалникот Орце Ѓорѓиевски тој доби икона и парична награда, а од повеќе општествено одговорни компании и повеќе други награди. Возобновената манифестација по повод празникот Богојавление- Водици од страна на градоначалникот Орце Ѓорѓиевски, која од година во година станува се попосетена, и годинава започна со литија од храмот Св. Ѓорѓи, предводена од свештенството од храмовите во општина Кисела Вода, збогатена со песните од КУД “Китка”. Најсреќниот учесник што го извади Богојавленскиот Крст од водите, Илија Мелоски за себе и за најблиските посака здравје и среќа, а наградите одлучи да ги донира.
-Бог се јави браќа и сестри! За мене и за сите православни верници ова е многу значаен и величествен ден, кога го славиме крштевањето како една од Светите тајни на Христијанството, го чествуваме зачетокот на човековото живеење во верата и прочистување на неговата душа. За мене посебен, бидејќи денес е мојот именден.Масовноста и сплотеноста на мојот народ која денес ја гледаме е само потврда за исправноста на одлуката што ја донесовме – да ја возобновиме традицијата во Кисела Вода за положување на Крстот во осветената вода.
Ги поздравувам и им се заблагодарувам на сите кои денес најпрво беа дел од литијата што започна од храмот Св. Ѓорѓи, се заблагодарувам на свештенството кое го предводеше овој убав настан во духот на нашата вера и традиција и на КУД “Китка” кои со својата песна овозможија настанот да има уште потрадиционална и посвечена нота, им честитам на сите кои имаа храброст и се обидоа да го извадат Светиот Крст од водите. Посебна честитка до најсреќниот Илија Мелоски кој го фати Светиот Крст, му посакувам добро здравје, среќа и радост и од Бога благословена година за него и за неговото семејство, а ние заедно со неколку општествено одговорни компании се потрудивме да го запамети овој ден и по повеќе награди.
Му благодарам и за големиот гест на овој исто така голем ден, наградите да ги донира на оние кои имаат вистинска потреба. Да сте ми здрави и живи, а следната година повесели и помасовни-изјави градоначалникот Орце Ѓорѓиевски.