Свет
Случајот Дугард: за киднаперот 431 година затвор
Осудениот сексуален престапник и неговата сопруга денеска од судот во Плејсервил, Калифорнија, беа осудени на доживотни затворски казни поради силување и киднапирање на Џејси Дугард кога таа имала 11 години и која ја држеле во заробеништво цели 20 години
Осудениот сексуален престапник и неговата сопруга денеска од судот во Плејсервил, Калифорнија, беа осудени на доживотни затворски казни поради силување и киднапирање на Џејси Дугард кога таа имала 11 години и која ја држеле во заробеништво цели 20 годиниФилип Гаридо (60) е осуден на 431 година до доживотен затвор, откако пред судот се изјасни за виновен за киднапирање и сексуално злоупотребување. Обвинителот на округот Ел Дорадо, Верн Пирсон, Геридо го опиша како „сексуален грабливец кој и го украл детството и невиноста на 11-годишно девојче“. Сопругата на Гаридо, Ненси (55) , која исто така ја призна вината, доби казна затвор од 36 години.Пред на сопружниците да им ја соопшти казната, мајката на жртвата, Тери Пробин, ја прочита изјавата на сега 31-годишната Џејси, во која таа ја опишала својата речиси 20-годишна голгота со Гаридо.По киднапирањето во градот Саут Лејк Тахо во калифорнија во 1991 година, Дугард била затворена во скриен дворишен комплекс од шупи и шатори, кои подоцна ги делела со двете ќерки, на кој татко им бил Филип Гаридо. Во нејзиниот киднапирање учествувале и двајцата сопружници. Ненси Гаридо го грабнала девојчето улицата каде што живеело нејзиното семејство и ја присилила да влезе во автомобилот. Парот ја држел Дугард затворена во својата куќа во градот Антиохија. Дугард во 2010 година доби 20 милиони долари отштета во спогодбата со државата калифорнија, според која функционерите ги признаа грешките на агентите надлежни за надзор на условната казна на Гаридо. Калифорнија по овој случај го засили следењето на сексуалните престапници. Дугард и нејзините ќерки беа откриени во 2009 година. Нејзините мемоари ќе бидат објавени идниот месец. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Фон дер Лајен: ЕУ смета на Кина да изврши притисок врз Русија да ја прекине војната против Украина
Претседателката на Европската комисија, Урсула фон дер Лајен денеска изјави дека Европската унија смета на Кина да изврши притисок врз Русија да ја прекине војната против Украина.
„Сметаме на Кина да го искористи сето свое влијание врз Русија за да стави крај на руската агресивна војна против Украина“, рече фон дер Лајен по средбата со кинескиот претседател Кси Џингпинг и францускиот претседател Емануел Макрон во Елисејската палата, пренесе Ројтерс.
„Претседателот Си одигра важна улога во деескалирањето на неодговорните нуклеарни закани на Русија и уверена сум дека претседателот Кси ќе продолжи да го прави тоа во контекст на тековните нуклеарни закани на Русија“, додаде таа.
Фон дер Лајен рече дека Кина може да го ограничи „неодговорното ширење“ на ирански ракети и беспилотни летала и ги повтори повиците за прекин на огнот во конфликтот меѓу Израел и Хамас.
„Веруваме дека Кина може да одигра важна улога во ограничувањето на неодговорното ширење на балистички ракети и беспилотни летала од страна на Иран“, изјави таа за новинарите по средбата со Кси.
Фон дер Лајен нагласи дека ЕУ не може да го апсорбира прекумерното производство на кинески индустриски стоки што го преплавуваат нејзиниот пазар.
Таа додаде дека го повикала Кси да преземе чекори за решавање на проблемот со вишокот капацитет.
„Кина која игра фер е добра за сите нас“, истакна Фон дер Лејен.
Фон дер Лајен во Елисејската палата се сретна со кинескиот претседател Си Џинпинг и со францускиот претседател Емануел Макрон. Кси пристигна во Франција во неделата на своето прво патување во Европа од 2019 година.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.