Македонија
Желев:Грција води срамна политика кон Македонија
Првиот демократски избран претседател на Бугарија Жељу Желев ја оцени како срамна политиката на Грција кон соседна Македонија.
Првиот демократски избран претседател на Бугарија Жељу Желев ја оцени како срамна политиката на Грција кон соседна Македонија. „Западниот сосед треба да си остане со името Република Македонија, како што се нарекувала во југословенската федерација во континуитет половина век. Зошто тогаш, во времето на Тито, Грција не го поставила прашањето за името? Затоа што им беше страв. Тоа е срамно што сега си играат со оваа земја на неубав начин, тоа е еден начин на покажување на мускули без да има причина“, рече Желев во интервјуто за бугарската агенција Бгнес. Желев се осврна и на годините пред признавањето на Македонија од страна на Бугарија. „Решивме да се обратиме кон сите балкански земји-соседи на Југославија, а посебно на Македонија, да се откажат од секакво учество во југословенските војни. Втора работа, побаравме од сите соседи на Македонија да ја признаат како самостојна и независна држава, односно да го признаат нејзиниот државен суверенитет и територијална целост. Во принцип, сите се согласија, но не се случи тоа што го баравме“, продолжува поранешниот бугарски претседател. Желев понатаму го спомна и формирањето на Бадинтеровата комисија, која процени дека само Македонија и Словенија тогаш ги исполнија условите да бидат признаени како независни држави. „Независно од препораката на „Бадентер“, Македонија отпадна како кандидат за самостојна држава, бидејќи Грците, користејќи задолжителен консензус во такви случаи, рекоа дека не се согласни со нејзиното признавање. Тоа беше неправедно кон Македонија…Тогаш решивме Бугарија да биде првата земја што ќе ја признае Македонија, заедно со Босна и Херцеговина, Словенија и Хрватска“, изјави Желев. Тој додава дека 15 дена подоцна на економскиот форум во Давос го убедил и турскиот премиер Сулејман Демирел Турција да ја признае Македонија. „Демирел ги ислуша внимателно моите аргументи, се загледа во аголот на собата во која се водеше разговорот и рече: За една недела турската влада ќе ја признае Македонија“, подвлекува Желев. Според него, во неколку наврати го убедувал и рускиот претседател Борис Елцин Русија да ја признае Македонија. „Во еден момент му реков на рускиот претседател дека уште не го гледам указот за признавање на Македонија…Елцин се сепна за време на прошетките во резиденцијата „Бојана“ и го повика шефот на дипломатијата Козирев и му нареди да го напише указот. Се сеќавам дека во тој момент Козирев почна да ги крши прстите, појаснувајќи дека Грците многу ќе им се лутат за тој акт. Елцин пресече – ’мене Грците не ме интересираат, бугарската позиција е исправна и напиши го указот’. Козирев речиси беспомошно рече дека тоа е невозможно од технички причини, бидејќи печатот останал во авионот на аеродромот. Елцин од своја страна изјави дека на прес конференција ќе соопшти дека Руската Федерација ќе ја признае независноста на Македонија, а 10 минути по летнувањето од Софија, Елцин преку радио соопшти дека Русија ја признала Македонија“, додава Желев во интервјуто за Бгнес. Поранешниот бугарски претседател во петок ќе биде одликуван од македонскиот претседател Ѓорге Иванов со орденот „8 Септември“ – највисокото македонско државно одликување. /крај/бгнес/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим во Скопје
Министерството за внатрешни работи информира дека денеска поради одржување на манифестација по повод годишнината од смртта на Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена ул.„Самоилова“ на потегот од ул.„Иљо Војвода“ (виадукт Самоилова) до крстосницата со ул.„Прохор Пчински“.
Исто така попладне поради одбележување на верскиот празник Велигден ќе биде воведен посебен сообраќаен режим на одредени сообраќајници во централното градско подрачје на Град Скопје, како и во општините Ѓорче Петров и Аеродром по повод верскиот празник Велигден.
– Во периодот од 18 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”, се наведува во соопштението.
Во спротивна насока автобусите ќе ги користат истите сообраќајници.
Во општина Ѓорче Петров, по потреба, за сообраќај ќе се затвори ул.„Македонска војска“ пред црквата „Свети Петар и Павле“ на потегот од крстосницата со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон с.Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти.
-Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните, наведуваат од МВР.
Сервисни информации
Променливо облачно, наместа со повремени врнежи од дожд
Времето денеска ќе биде променливо облачно, наместа со повремени врнежи од дожд. Ќе дува умерен, а долж Повардарието и во источните делови повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.
Во Скопје ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне 19 степени.
Во недела и понеделник времето ќе биде претежно сончево и потопло. Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.
Македонија
Џафери: Северна Македонија, европска земја со европски вредности и стандарди за сите граѓани
Претседателот на Владата на Република Северна Македонија, денеска присуствуваше и се обрати на гала настанот со кој се одбележува отворањето на новата музичка сцена во Тетово, односно, основањето на најновата институција на Албанците, Националната установа Музички ансамбл на Република Северна Македонија – Тетово.
Основањето на оваа установа претставува реализација на долгогодишното барање на кадрите кои откако ќе завршеа факултет по музика, немаа каде да го продолжат својот професионален пат. Сега, во рамките на оваа установа во која ќе се негува и развива вокалната и инструменталната сериозна музика, како и популарната и џез музика, ќе можат да го негуваат и усовршуваат својот талент и својата пасија сите љубители на овој жанр, соопшти Владата.
Премиерот Џафери имаше свое поздравно обраќање на настанот и притоа, истакна дека „оваа национална културна институција ќе го збогати културниот живот во Тетово, меѓутоа и во земјата“.
Меѓу другото, пЏафери информираше за одлуката на владината седница на предлог на Министерството за култура со која на оваа установа и се доделуваат на трајно користење простории кои се сега во државна сопственост, и додаде дека – „со основањето на Музичкиот ансамбл, придонесуваме кон подобрувањето на демократската рамноправност во нашата заедничка држава, Република Северна Македонија и во оваа област од општествениот живот“.