Македонија
ВМРО-ДПМНЕ: Списоците на СДСМ се преполни со лица гонети за криминал
Списоците на СДСМ за 5-те најсилни се преполни со лица гонети за тежок криминал. Тоа денеска го потврдуваат и инстутциите, рече на прес-конференција портпаролот на ВМРО – ДПМНЕ, Александар Бичиклиски.
Списоците на СДСМ за 5-те најсилни се преполни со лица гонети за тежок криминал. Тоа денеска го потврдуваат и инстутциите, рече на прес-конференција портпаролот на ВМРО – ДПМНЕ, Александар Бичиклиски.
Тој истакна дека на списоците на СДСМ се наоѓаат лица кои имаат дебели криминални досиеја, лица чија единствена цел е заплашување на граѓаните и правење инциденти.
„Ова се и најсилни, ама всушност и најкриминалните членови на СДСМ, нагласи Бичиклиски. Со еден збор, на списоците на СДСМ се наоѓаат лица кои имаат дебели криминални досиеја, лица чија единствена цел е заплашување на граѓаните и правање инциденти. Денеска стана јасно дека постои многу поголемо обмислено сценарио за делегитимирање на самите избори“, истакна Бичиклиски.
Тој прашува до каде ќе оди ова.
„Претепан член на ВМРО-ДПМНЕ во Кочани, меѓусебна тепачка на раскарани телохранители на СДСМ во Охрид, вулгарен и крајно нечовечки обид за поткуп на гласачите во Шуто Оризари со расипаното месо, поткуп со кафе, монтажи за наводно искршени штабови, местенки. На што се’ друго сте подготвени?! Не може да поверуваме на кое дереџе падна СДСМ. Ова сценарио мора да престане. СДСМ мора да се соочи со својот пораз. Не се работи за иднината ниту на Црвенковски, ниту на Шекеринска. Се работи за иднината на граѓаните и за иднината на Македонија“, изјави потпаролот на ВМРО-ДПМНЕ.
Од СДСМ велат дека изјавата на МВР е координирана со ВМРО-ДПМНЕ.
„МВР стана филијала на ДПМНЕ, коишто ги доставија списоците до МВР. Наша внатрепартиска работа е кои се нашите чувари на победата или чувари на избирачките кутии. Такви луѓе, и членови на Избирачките одбори и набљудувачи ги има околу 10.000. Ова е повторно евтин обид да се отргне вниманието на јавноста за големиот скандал со списоците од јавната администрација“ , рече потпретседателот на СДСМ, Гордан Георгиев./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лашкоска: Обновувањето на шумскиот фонд е дел од приоритетите на локално и национално ниво
Заменик министерката за животна средина и просторно планирање, Ане Лашкоска, денес ја посети Гевгелија каде заедно со градоначалникот, Андон Сарамандов, се приклучија на акцијата за масовно пошумување и подигање на јавната свест „Да пуштиме корени во нашата Гевгелија“ во рамките на која на месноста Топлик, Гевгелија се засадуваа 6000 дрвни насади.
„Министерството за животна средина ги поддржува активностите за пошумување во државата бидејќи тие се значаен ресурс од повеќе аспекти – заштита на биодивезитетот, подобрување на квалитетот на воздухот, климатските промени, заштита од ерозија и свлечишта и се важен економски ресурс“ изјави Лашкоска на настанот потенцирајќи дека обновувањето на шумскиот фонд е дел од приоритетите на локално и национално ниво особено во услови кога сме соочени со многу високи летни температури и со сериозно опожарување на шумите на територијата на целата држава.
Таа упати честитки и благодарност до градоначалникот на Гевгелија, Андон Сарамандов и општина Гевгелија за одлично реализираната акција.
Во рамките на посетата на општина Гевгелија, заменик министерката Лашкоска и градоначлникот Сарамадов направија увид во реализацијата на проектот за намалување на загуби на вода со замена и инсталација на водомери заедно со инсталација и конфигурација на опрема со далечинско отчитување. Проектот го имплементира ЈКПД Комуналец Гевгелија, а е финансиски поддржан од страна на МЖСПП со средства во висина од 5 милиони денари.
Македонија
СДСМ утре на Конгрес ќе избира ново раководство
Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.
Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
ВМРО-ДПМНЕ контра Кузеска: Оваа Влада вложува во модернизација, претходната потроши 5 милиони евра на службени возила
За разлика од ВМРО-ДПМНЕ која што вложува во модернизација, професионализација и осовременување на условите за работа во македонските институции, СДС и ДУИ во своето владеење за службени возила потрошиле повеќе од пет милиони евра, реагира ВМРО-ДПМНЕ на прес-конференцијата на портпаролката од СДСМ, Богданка Кузеска.
„Очигледно на функционерите од СДС изминатите седум години на власт, најважна им била сопствената комоција, а не и реалните проблеми на обичните луѓе“, велат од ВМРО-ДПМНЕ.
Додаваат дека во буџетот за 2025 година предвидено е зголемување на средствата за модернизација на МВР, одбраната, здравството, земјоделието, односно предвидени се зголемени средства за набавка на опрема во сите институции.
Кузеска претходно денес на прес-конференција обвини дека власта ги одби амандманите за поголеми плати, а ќе троши на мебел и скапи автомобили за функционерите.