Македонија
ОБСЕ повика на медиумска слобода
Организацијата за европска безбедност и соработка (ОБСЕ) искажа загриженост поради состојбата во трите печатени медиуми во сопственост на Плус продукција, кои се соочуваат со затворање за наводно затајување данок.
Организацијата за европска безбедност и соработка (ОБСЕ) искажа загриженост поради состојбата во трите печатени медиуми во сопственост на Плус продукција, кои се соочуваат со затворање за наводно затајување данок. Претставникот на ОБСЕ за Слобода на медиумите, Дуња Мијатовиќ ја повика Македонија да се придржува до владеењето на правните принципи во ракувањето со наведениот случај.“Весниците Време, Шпиц и Коха е Ре не беа испечатени вчера. Ова е многу вознемирувачки развој кој практично преку ноќ го елиминира плурализмот и опозиционите погледи во печатот. Покрај тоа, друг медиум, А1 телевизија, која, исто така, се соочува со даночни обврски, можеби ќе треба да престане со работа во наредните недели “, изјави Мијатовиќ. Истакнувајќи дека медиумите треба да ги следат правилата утврдени за сите бизниси, Мијатовиќ вели дека во овој случај се чини дека медиумите се директно таргетирани од властите. „Ја повикувам Управата за јавни приходи да покаже максимална транспарентност во пресметувањето на износот на даночниот долг за Плус продукција и да се овозможи разумен план за плаќање, кој нема да ја попречува работата на медиумите“, изјави Мијатовиќ. Во соопштението на ОБСЕ се истакнува дека А1 телевизија и трите дневни весници се под истрага за наводно даночно затајување и перење пари од крајот на 2010 година.Нивните банкарски сметки се замрзнати од 27 јануари 2011. Властите, исто така конфискуваа неколку возила за дистрибуција на весници. Беше наредено за данок да се плати вкупно над 10 милиони евра, но беше отфрлено барањето тој износ да се плати на рати, констатира ОБСЕ.Истовремено е искажана загриженост поради случувањата во единствениот преостанат опозициски настроен весник „Утрински весник“, кој најави намалување на бројот на вработени, што предизвика протест.Неколку новинари кои учествуваа во штрајкот ги загубија своите работни места, стои во соопштението објавено на веб страната на ОБСЕ.Мијатовиќ ги потсети надлежните органи дека медиумскиот плурализам е предуслов и во борбата против корупцијата и за поттикнување на процесот на демократизација на земјата. “Затворање на критички медиумите не води кон политичка и економска стабилизација, туку доведува до губење доверба во владата и политичарите“, рече Мијатовиќ. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити-Тигањ: Хрватска дава несебична поддршка на нашата држава во евроинтегративните процеси
Првиот заменик претседател на Владата и министер за животна средина и просторно планирање Изет Меџити денеска оствари средба со амбасадорката на Хрватска во Скопје, Нивес Тигањ.
Меџити искажа благодарност за поддршката што Хрватска несебично ѝ ја дава на нашата држава во евроинтегративните процеси, истакнувајќи дека Министерството за животна средина и просторно планирање и Владата се залагаат за исполнување на реформската агенда за пристапување кон Европската Унија и тоа е цврсто детерминирано во владините политики и закони, а во насока на фаворизирање на растот, инвестициите и вработувањето.
На средбата се истакна дека Министерството за животна средина и просторно планирање имплементира многу проекти поддржувани од ЕУ преку ИПА програмата, меѓу кои и големи инфраструктурни проекти, како и национални стратегии за кои е потребна здрава економија и дека во последниве години е постигнат значителен напредок во областа и покрај тоа што сеуште останува најдминување на многу предизвици.
Амбасадорката Тигањ му го честита назначувањето на Меџити на функцијата прв вицепремиер и министер за животна средина и просторно планирање и ја потврди подотвеноста да ѝ помогне на нашата држава со размена на искуства во програмските приоритети за остварување на соработката во рамки на Инструментот за предпристапна помош ИПА и во приближувањето и имплементацијата на националното законодавство во областа на животната средина со она на ЕУ.
Првиот вицепремиер и министер за животна средина и просторно планирање истакна дека постои стабилна коалиција и дека е посветен на промена на концептот на владеење кој што не треба да биде само симболика.
Двете страни се согласија дека заеднички интерс е обновувањето на Договорот за соработка меѓу двете држави потпишан во 2002 година.
Македонија
ВЛЕН и партнерите ВМРО-ЗНАМ не враќаат во времето кога албанските деца беа напаѓани во автобуси, враќањето на тепачките поради етнички мотиви е неприфатливо, велат од ДУИ
По официјалните информации за вчерашната тепачка, поточно физичкиот напад врз тројца малолетници Албанци во центарот на Скопје со употреба на тврди предмети, ДУИ изразува сериозна загриженост, уште повеќе кога се информиравме дека нападот врз малолетници се случил од етнички мотиви, велат од оваа партија.
„ДУИ оценува дека овој инцидент, кој не е без преседан, за жал е резултат на секојдневните неуспеси на Владата да негува добри меѓуетнички односи, имено како резултат на отворањето на многу меѓуетнички прашања, како и поттикнување на провокативен јазик кон етничките прашања.
ВЛЕН заедно со нивните партнери ВМРО-ЗНАМ не враќаат во времето кога албанските деца беа напаѓани во автобуси, на секој спортски натпревар албанците беа навредувани и дека ДУИ целосно го прекина таквиот дух по голема посветеност во континуитет“, се нагласува во нивната реакција.
Апелираат до Министерството за внатрешни работи да ги преземе сите соодветни чекори за расветлување на случајот, бараат казнување на сторителите и што поскоро преземање превентивни мерки за спречување на проширување на оваа појава.
ДУИ, додаваат од партијата на Ахмети, цврсто стои на нашата определба да придонесеме максимално за одржување на добри меѓуетнички односи во земјата.
Македонија
Сомнеж за труење со храна во основното училиште„Ѓорѓија Пулевски“во скопски Аеродром: затворена е кујната
Наредено е затворање на кујната, по добиено известување за сомнеж за труење со храна на 8 деца во основното училиште „Ѓорѓија Пулевски“ во скопската општина Аеродром, соопшти Агенцијата за храна и ветеринарство.
Инспекциски служби на агенцијата во соработка со тимови од ЈЗУ Центар за јавно здравје Скопје, Државниот здравствен и санитарен инспекторат и Институтот за јавно здравје – Скопје, спровеле вонреден инспекциски надзор во кујната во училиштето.
„Земени се 4 контролни оброци од храната која на учениците им била послужена минатиот ден, мостри од храна – салата од краставица, супа, мусака со мелено месо и компири и бомбици кои ќе бидат лабораториски испитани. Исто така за лабораториско тестирање земени се и 5 бриса од работни површини и од опрема, како и испироци од раце од вработените лица во кујната.
Изречени се мерки за темелно чистење на кујната, дезинсекција, дезинфекција и дератизација, спроведување на вонредни здравствени прегледи на вработените лица во кујната“, се истакнува во информацијата од агенцијата..
Од кујната како што се појаснува не се носеле оброци за други училишни кујни, се до добивање на резултатите од лабораториските тестирања со кои ќе се потврди безбедноста.