Свет
Антикорупциска бара смена на Черепналковски од директор на МЕПСО

Првиот човек на МЕПСО во државна сопственост истовремено држи две неспојливи функции, а тоа е класичен конфликт на интереси, оцениле антикорупционерите: Трајче Черепналковски
Законот забранува двојни функции и управување со две компании
Првиот човек на МЕПСО во државна сопственост истовремено држи две неспојливи функции, а тоа е класичен конфликт на интереси, оцениле антикорупционерите: Трајче Черепналковски
Државната комисија за спречување на корупцијата побара од Владата да го смени Трајче Черепналковски од директорското место во МЕПСО, бидејќи тој членува и во Одборот на директори на "Неоком". Првиот човек на преносниот оператор во државна сопственост истовремено држи две неспојливи функции, а тоа е класичен конфликт на интереси, оцениле антикорупционерите на последната седница. Тие се повикуваат на Законот за спречување на корупцијата, во делот на вршењето јавни овластувања каде што се забрануваат двојни функции и управување со две компании. Имено, член 22 вели дека избран или именуван функционер, службено лице и одговорно лице во јавно претпријатие не може да врши функција член на управен одбор или на друг орган на управување во трговско друштво или правно лице што се занимава со дејност со која се остварува профит.
"Застапувајќи го МЕПСО како генерален директор, Черепналковски потпишал неколку договори со’Неоком’, каде што е член на Надзорниот одбор. Значи тој склучувал договори сам со себе. Тоа е недозволиво", изјави вчера претседателот на Антикорупциската комисија, Михајло Маневски, прашувајќи каде е тука личниот, а каде е општиот интерес. Притоа, појасни дека судирот е очигледен затоа што "Неоком" е фирма која често соработува со МЕПСО, дел од старото ,,Електростопанство" што, пак, е во државна сопственост. "Черепналковски, директор на МЕПСО од 1 јануари 2005, во ‘Неоком’ како еден од основачите и член на Одборот на директори од 1990 има 830 акции или 5,5 проценти од вкупниот капитал", вели Маневски.
(К.Ч.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Украина и Русија разменија заробеници

Украина и Русија денес одржаа нова размена на воени затвореници според јунскиот договор, без да го откријат нивниот број.
Двете земји неколку пати разменија воени затвореници во последните недели, што е единствената област на соработка меѓу двете завојувани страни кои не постигнуваат напредок во мировните преговори, според медиумите.
„На 4 јули, нова група руски војници се врати од територијата контролирана од режимот во Киев“, соопшти руското Министерство за одбрана.
Објави видео на кое се прикажани околу петнаесет војници опкружени со знамиња и извикуваат „Русија“ во автобус.
Украинскиот претседател Володимир Зеленски, исто така, ја потврди размената, велејќи дека повеќето од затворениците биле во руско заробеништво од 2022 година, вклучувајќи и цивили.
„Размените мора да продолжат. Целта на Украина е да ги ослободи сите наши сонародници притворени во Русија“, напиша Зеленски на апликацијата Телеграм.
На 2 јуни, Киев и Москва се согласија да ги ослободат сите воени заробеници под 25 години и тешко ранетите, како и да ги вратат останките на паднатите борци, што беше единствениот позитивен исход од разговорите во Истанбул.
Двете страни неодамна престанаа да откриваат информации за ослободените затвореници.
Свет
(Видео) Трамп на митинг: Демократите ме мразат, но и јас ги мразам, не можам да ги поднесам

Претседателот на САД, Доналд Трамп, повторно предизвика бран реакции со шокантна изјава, пишуваат светските медиуми.
„Тие ме мразат, но и јас ги мразам“.
Зборувајќи на митинг во Ајова, Трамп коментираше за фактот дека демократите не го поддржаа неговиот закон, кој го нарекува „одличен, прекрасен закон“. Во таа пригода, тој рече: „Тие го мразат Трамп, но и јас ги мразам, знаете? Навистина не можам да ги поднесам. Бидејќи верувам дека ја мразат нашата земја“.
BREAKING: In a shocking moment, Trump declares that he is unable to be a President to ALL Americans, as he hates Democrats. "They hate Trump, but I hate them too. I really do, I hate them. I can’t stand them."
What a small, hateful man. pic.twitter.com/hUKIGMs9g5
— Really American 🇺🇸 (@ReallyAmerican1) July 4, 2025
Изјавата веднаш предизвика остри реакции, особено од демократската страна. Ова не е прв пат Трамп да користи слична реторика кон политичките противници. Така, неодамна го нарече демократскиот кандидат за градоначалник на Њујорк, Мамдани, „луд комунист“, според написите во медиумите.
Конгресот вчера го одобри законот на Трамп, кој демократите го нарекоа „одвратна гнасотија“. Трамп тврди дека ќе ја зајакне Америка со даночна реформа и инвестиции во војската и безбедноста, додека демократите предупредуваат на укинување на бројни социјални мерки, даночни олеснувања за најбогатите и дополнително зголемување на огромниот американски јавен долг.
Свет
Зеленски се договорил со Трамп за зајакнување на заштитата на украинското небо

Претседателот на Украина, Володимир Зеленски, изјави дека за време на телефонскиот разговор со неговиот американски колега, Доналд Трамп, се согласил да „ја зајакне заштитата“ на украинскиот воздушен простор по новиот масовен напад од страна на руски беспилотни летала и ракети.
„Разговаравме за опциите за противвоздушна одбрана и се согласивме да работиме заедно за зајакнување на заштитата на воздушниот простор“, рече Зеленски на Телеграм и додаде дека разговорот бил значаен.
Шефот на кабинетот на Зеленски, Андриј Јермак, изјави претходно денес дека телефонскиот разговор меѓу Зеленски и Трамп „бил многу важен и богат“.
Трамп претходно разговараше по телефон со рускиот претседател Владимир Путин, но немаше напредок кон прекинување на руската војна во Украина, пренесуваат светските агенции.