Свет
Прв случај на смртоносниот грип во Германија
Германските власти потврдија случај во Баварија на новиот тип смртоносен грип H1N1, од кој досега во епицентарот на епидемијата во Мексико починаа
Германските власти потврдија случај во Баварија на новиот тип смртоносен грип H1N1, од кој досега во епицентарот на епидемијата во Мексико починаа 159 лица.
„Институтот Роберт Кох (федерална Агенција за инфективни болести) потврди свински грип во еден сомнителен случај во Баварија. Откриен е кај пациент од областа Рагенсбург“, соопшти баварското Министерство за здравство.
Новиот тип на грип H1N1, што почна да се шири од Мексико, во оваа латиноамериканска држава досега однесе 159 животи, соопштија денеска официјални извори.
Состојбата со смртоносниот грип драматично се влоши во САД.
Властите синоќа објавија дека се разболеле стотина ученици во училиште во Њујорк, а федералната епидемиолошка служба предупреди дека очекува ширење на болеста и смртни случаи.
„Очекуваме дека ќе видиме смртни случаи од оваа зараза“, изјави директорот на Центарот за превенција и контрола на болести (CDC) Ричард Бесер.
Центарот потврди 64 случаи на заболени во пет американски сојузни држави, најмногу во Њујорк – 45.
Американскиот претседател Барак Обама побара од Конгресот 1,5 милијарди долари за итно финансирање на националната борба со епидемијата.
Потврдени случаи на заболени од грипот има и во Нов Зеланд, Канада, Израел, Велика Британија и Шпанија.
Министерството за здравство на Јужна Кореја соопшти дека се разгледуваат нови девет сомнителни случаи, со што вкупниот број во оваа азиска земја се искачи на 12.
Куба во вторникот ги забрани летови кон Мексико, како прва земја што воведе таква мерка кон епицентарот на епидемијата./крај/х/бгнес/риа/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.
Свет
Потврдено е дека во Мексико се пронајдени телата на исчезнатите туристи
Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви откако нивните тела ги идентификувале нивните родители.
Јавниот обвинител Елена Андраде им кажа на родителите и дипломатските службеници дека мексиканските власти целосно ќе се посветат на истрагата за да ги изведат одговорните за злосторството пред лицето на правдата, пренесува Ројтерс.
Телата на браќата Калум (33) и Џејк (30) Робинсон од Австралија и американецот Картер Роуд (30) беа пронајдени на дното на бунар во мексиканската држава Долна Калифорнија минатата недела, по повеќедневна потрага.
Свет
Белоруски министер за надворешни работи: Украина се обидува да пренесе оружје на територијата на Белорусија за напад
Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви на белоруска територија, што може да се користи за терористички акти во Русија.
Алејник за РИА Новости изјави дека во текот на оваа и минатата година биле запрени 40 канали за транспорт на оружје и експлозиви од Украина на територијата на Белорусија и оценил дека тоа е загрижувачка информација.
Тој додаде дека Комитетот за безбедност на Белорусија неутрализирал 20 и притворил околу 30 диверзанти кои преминале од Украина во Белорусија и подготвувале терористички акти.