Свет
Советот за безбедност воведе санкции за Еритреја
Советот за безбедност при Обедиентите нации во среда попладне воведе изгласа санкции за Еритреја поради помошта што ваа африканска држава и’ ја дава на исламистичките бунтовници во Сомалија
Со резолуцијата која доби поддршка од 13 членки од вкупно 15-те на Советот за безбедност, се воведува ембарго врз трговијата со оружје, се замрзнуваат средства и им се забрануваат патувања во странство на поединци и одредени еритрејски фирми, пренесе Reuters. Нивните имиња дополнително ќе ги одреди посебна комисија за спроведување на санкциите, соопштија вечерва од ОН.Меѓу опфатените со овие мерки ќе биде политичкото раководство на државата, дознава агенцијата. Против гласале Либија, која нема право на вето а воздржана била Кина која не го употребила своето право на вето на одлуките на Советот за безбедност.Насилствата во Сомалија растат пред планираната владина офанзива за разбивање на исламистичките бунтовници.Во понеделникот во две одделни експлозии на бомби, во престолнината Могадишу беа убиени осуммина Сомалијци. Едната потекнуваше од експлозивни направи поставени на патот најверојатно наменети за возило на владин службеник, кој во моментот на експлозијата не бил во автомобилот. Сепак, експлозијата што се случила во јужниот дел на Могадишу, го усмртила возачот на службеното возило и четири цивили кои во моментот се наоѓале во близина.На северот на градот беше нападната редакцијата на радио станицата Глас на Демократијата, и како што соопшти за новинските агенции Абшир Абди Ахмет, новинар кој работел во тој моменет во радиото, загинале сопругата на директорот на радиото и двајца цивили. Во бомбардирањето биле повредени уште 17 луѓе.Порано во ноември, исламистите во Сомалија пред публика од неколку стотини лица запалиле и до смрт каменувале млада жена обвинета за прељуба.Тоа беше втор случај на смртна казна што во истиот месец штоја а донесла исламистичката група Ал Шабаб, која зазема поголема територија на југот од Сомалија во која ги спроведува строгите шеријатски закони.Во јуни сомалиската влада прогласи вонредна состојба а претседателот на парламентот побара тогаш во драматичен апел побара помош од соседните држави за 24 часа да испратат воена помош за владата за да ги реши судирите во главниот град Могадишу. Тогаш беа убиени двајца сомaлиски пратеници, откако летово се заострија судирите меѓу владините сили и радикалните исламисти кои сакаат да ја урнат владата.Бунтовниците од организацијата Ал Шабаба уште во мај трганаа во офанзива против властите во Сомалија, кога го убија и министерот за безбедност и други 300 лица при еден самоубиствен напад.Тогаш се огласи етиопскиот министер за комуникации Беркет Симон кој рече дека Етипија нема да се вмеша во ситуацијата во Сомалија на страната на тамошната преодна влада без одлука на меѓународната заедница. Но тој побара нејзина итна интервенција.Во 2006 и 2007 г. Етиопија интервенираше во Сомалија за да ја поддржи преодната влада и ги симна од власт исламистите во Могадишу, со мандат на Меѓународната управа за развој (IGAD) која ја сочинуваат шест северноафрикански држави и со поддршка на Африканската унија.Исламистичките бунтовници ова лето ја засилија офанзивата против владата на претседателот шеикот Шариф Ахмер, кој е умерен исламист.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.