Македонија
ЗНМ започнува медиумска кампања две недели пред изборното собрание
Здружението на новинари (ЗНМ) започнува нова медиумска кампања која треба да придонесе за поактивно членство на новинарите во ова здружение, неколку недели пред изборното собрание
Газменд Аидими, Генерален секретар на ЗНМ рече дека кампањата “Скрши го гипсот – Зачлени се во ЗНМ“, треба да ја подигне свеста кај новинарите за поактивно делување во ЗНМ но има и цел да обезбеди учество на изборното собрание кое ќе се одржи на 20 ноември во Скопскиот Саем. „Поради ова ќе се обидеме во текот на наредните 20-тина дена и тие новинари кои мислеа или се уште мислат дека здружението не може да им ги реши проблемите односно дека зачленувањето во здружението или продолжувањето на членството не значи ништо, ќе се обидеме да ги убедиме дека само заеднички може да ги решиме проблемите“, рече Газменд Аидими. Од ЗНМ најавија дека медиумската кампања, во која тие ќе се обидат да ги промовираат и објаснат промените во новиот статут, ќе се одвива преку весниците и електронските медиуми, но и преку таканаречените нови медиуми како Фејсбук, Твитер итн. Новиот статут на ЗНМ веќе е донесен, а започнати се и други активности за реформирање на здружението од формално правен аспект. Една од најважните промени е тоа што со новиот статут ќе му се овозможи на секој член на ЗНМ да гласа на изборните собранија, и директно да влијае во избирањето на претседател на ова здружение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.