Еден пилот загина, а вториот е повреден во уривање на американскиот разузнавачи авион за големи височини од типот „U-2“ во вторникот во Северна Калифорнија, пренесуваат медиумите повикувајќи се на службени извори.

Авионот кој лета на извонредно големи височини се урнал во текот на обука наскоро по полетувањето од воздухопловната база „Бел ер“, пишува агенцијата Associated Press.

Пред овој, последен инцидент со уривање на авион „U-2“ беше регистриран во базата Бејл во 1996 година кој падна на паркингот пред редакцијата на локален весник во калифорнискиот град Оровил. Тогаш загинаа пилотот и жена којашто штотуку ја обновила претплатата на весникот.

Претходно властите објавија дека и двајцата пилоти безбедно биле катапултирани. Воени претставници не ги објавија имињата на пилотите, ниту дадоа какава и да е информација за состојбата на преживеаниот пилот.

Авионот од составот на 1-от Извидувачки ескадрон, се урнал кај Сатер Батс, планински венец на околу 97 километри северно од Сакраменто.

Авионот од типот „U-2“, или наречен уште „Жената змеј“, е летало за извидување и разузнавање со способност да лета на височини од 70.000 стапки, или 21.336 метри. Тоа е извонредно голема надморска височина, речиси двојно повисока од онаа на којашто летаат обичните комерцијални уреди. За овој тип авиони е познато дека му е најтешко да лета на мали височини, токму поради карактеристиките коишто му овозможуваат да се искачи речиси до работ на космосот.

Во базата „Бел ер“ во Северна Калифорнија се стационирани ескадрони на моделите „U-2s“ со еден пилот, како и варијантата со двајца пилоти, кои се користат за обука на пилотите за летање на специфични типови авиони. Во истата база се стационирани и авиони од типовите „Т-38 Talon“, тренажни авиони, и „ RQ-4 Global Hawk“ беспилотни летала за надзор. Базата ја опслужува персонал од 4.500 луѓе.

Леталата од типот „U-2“ ги користи американското воено разузнавање во целиот свет од 1955 година, а за овој таен проект светот дозна кога во 1960 година пилотот Френсис Гери Пауерс, кој управувајќи ваков авион бил соборен над Урал од противвоздушната одбрана на тогашниот СССР. Пауерс признал дека правел снимки на советскиот воено-индустриски комплекс, а по две години е разменет за полковникот во советското разузнавање, Рудолф Абел (вистинското име му беше Вилијам Фишер), осуден во САД за „нуклеарна шпионажа“.

Остатоците од соборениот американски „U-2“ денес се наоѓаат во Централниот музеј на вооружените сили во руската престолнина Москва.

Авионите од типот „U-2“ во моментов се користат на Блискиот исток за извидување и следење на позициите на екстремната сунитска организација Исламска држава.

Целосното приземјување на „U-2“, според најавите, ќе се случи на 2019 година, имајќи предвид дека американското воено воздухопловство сé повеќе се потпира на летала без екипаж за собирање разузнавачки информации. Влијателни законодавци од Калифорнија, сепак, вршат притисоци врз воздухопловните сили да го одложат „пензионирањето“ на овој вид авиони.

Американската компанија „Lockheed Martin“ за воздухопловните сили на САД го произведува високо летачки разузнавачки авион од следната генерација, кој најверојатно ќе го замени легендарниот „U-2“. Најавувајќи го пред неколку години новиот проект,шефот на оваа програма Скот Винстед рече дека главната одлика на новиот авион ќе биде користењето на технологијата „стелс“, која ги прави леталата невидливи за противничките радари./крај/мф/сн

Извор: Макфакс