Македонија
Десет кривични пријави за фалсификувани сини картони и специјалистички упати
Фондот за здравство поднесе кривични пријави против 10 лица до Основното јавно обвинителство поради фалсификување на сини картони, упати за специјалистички прегледи и здравствени услуги, соопшти денеска Бранко Аџигогов портпаролот на ФЗОМ
Десетте фалсификувани докази за платено здравствено осигурување (сини картони) , Фондот ги открил при проверка на пресметките за извршени здравствени услуги во Подрачната служба – Скопје.„При проверката за исправноста на сините картони е констатирано дека истите визуелно не се компатибилни со тие што ги издава ФЗОМ и лицата немале платено здравствено осигурување за периодот кога се лекувале т.е. здравствената услуга требале да ја платат приватно“, рече Аџигогов.Покрај тоа фалсификувани се и упати за специјалистички прегледи кои чинат 400 денари но и за здравствени услуги од 301.500 денари а вкупната штета која му е нанесена на Фондот изнесува околу 7.000 евра.Казната за фалсификување на сини картони изнесува до три години затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.