Свет
Младеновска своеволно зголемила плати
Мери Младеновска-Ѓорѓиевска, министерка за правда, во заминување се обидела да унапреди триесетина нејзини соработници од ресорот со кој раководи, а на тој начин и да им ги зголеми платите, дознава „Време“.
ДОЦНАТ ПЛАТИТЕ ВО МИНИСТЕРСТВОТО ЗА ПРАВДА Мирче Котевски Мери Јордановска
Мери Младеновска-Ѓорѓиевска, министерка за правда, во заминување се обидела да унапреди триесетина нејзини соработници од ресорот со кој раководи, а на тој начин и да им ги зголеми платите, дознава „Време“. Овој потег доаѓа веднаш по изборите, а коригираните плати, унапредените началници на сектори требало да ги земат веќе во почетокот на овој месец, кога вообичаено се делат примањата на вработените во администрацијата.
Според информациите, новите пресметки по илинденските празници не ги одобрил министерот за финансии во заминување Никола Поповски кој забележал дека на „правда“ треба да му одобри значително поголема сума за јулските плати споредено со сумите од претходните месеци. Извори од Владата во заминување кажуваат дека Поповски веднаш ги вратил пресметките на Министерството за правда и на тамошните служби им кажал да направат нов есап, ако сакаат да ја добијат платата за јули.
Вработените во подрачните единици на министерството кажуваат дека досега не паметат кога им доцнеле платите.
– Обично примањата ни ги делат во првата декада од месецот, но еве измина речиси цел август, а уште нема абер кога ќе ја земеме платата за јули – коментираат вработени во Министерството за правда.
Во Министерството за финансии велат дека откако пред две недели пресметките на Министерството за правда биле вратени, нови не добиле. Така, според процедурата, Поповски не може да го потпише налогот за да се исплати платата. Во ресорот финансии потврдија дека „новата систематизација за Министерството за правда не била прифатена“.
Во Министерството за правда вчера никој не можеше да ја потврди или демантира информацијата. Во Синдикатот на вработените во Управата (УПОЗ) во кој членуваат и вработените во „правда“ велат дека до вчера никој не ги известил дека платите за јули доцнат безмалку еден месец.
Според економските експерти, во случајов, Поповски забележал диспропорција во износот на масата предвидена за плати. Тие коментираат дека е крајно неморално и неетички да се дозволуваат унапредувања во државната администрација, особено кога е познато дека нив ги одобрува министер во заминување од таа функција.
Слична ситуација како во Министерството за правда, како што веќе објавивме, се случи и во Министерството за образование пред три месеци. Априлските плати на универзитетските професори доцнеа повеќе од еден месец затоа што министерот за образование Азиз Положани на платниот список вметнал 16 нови професори од Државниот универзитет во Тетово и им ги „напумпал“ платите. Како што пишуваше „Време“, ако платите на другите универзитетски професори биле 25.000 денари, платите на новите професори од тетовскиот универзитет, според пресметките на Положани, требале да бидат околу 40.000 денари.
Министерот за финансии Поповски одбил да го потпише решението, а Положани не се откажувал од намерата да ги вработи новите професори на универзитетот. Проблемот кон крајот на мај се нашол на седница на Владата на која двајцата министри се договориле новите професори од ДУТ да почнат да ги добиваат парите од мај, наместо од април.
Државната каса целосно испразнета, се очекува ребаланс
Неофицијално, речиси сите ставки од државната каса се веќе потрошени. Како што дознаваме, поради беспарица, новата Влада уште на стартот ќе се соочи со проблеми нормално да ја одржува тековната работа на државните институции.
Затоа, кажуваат експертите, пратениците веќе во септември веднаш ќе треба да седнат и да донесат ребаланс на буџетот за годинава.
Министерството за правда – затворено!
Голем број вработени во Министерството за правда си ги спакувале куферите, а на работа доаѓаат само формално. Сите тие, како што дознаваме, претпоставуваат дека со доаѓањето на новата власт ќе бидат тргнати од функцијата, па веќе ги планираат новите работни активности, а на работа се појавуваат ретко.
Кога вчера се обидовме да добиеме одговор на прашањето зошто доцнат платите на вработените, патешествието изгледаше вака: министерката за правда Мери Младеновска-Ѓорѓиевска имаше проблеми со телефонската линија, па не можеше да слушне што ја прашуваме. Портпаролката Убавка Матевска заминала на одмор. Портпаролката на управата за извршување санкции Марина Говорко-Саздовска не работи повеќе во Министерството. На телефонот во Министерството речиси цел ден не се јавуваше никој, а на крај секретарката не упати кај државниот секретар Виктор Цветковски. Тој не беше на работа, а како што дознаваме, веќе почнал да се подготвува за да работи како адвокат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Њујорк тајмс“: Трамп сака да се сретне со Путин и Зеленски и да ја заврши војната во Украина
Американскиот претседател, Доналд Трамп, веќе месеци наназад се обидува да посредува во мировен договор помеѓу Русија и Украина, повеќе од три години по почетокот на војната.
Трамп планира следната недела лично да се сретне со рускиот претседател Владимир Путин, а потоа да организира троен состанок со украинскиот претседател Володимир Зеленски, изјавиле за „Њујорк тајмс“ два извори запознаени со планот.
Според истите извори, Трамп за оваа намера зборувал за време на телефонски разговор со европските лидери денес. Состанокот би бил само со него, Путин и Зеленски – без учество на европските челници.
Европските лидери, кои веќе месеци се обидуваат да координираат напори за прекин на војната и го поддржуваат Киев, „изгледаа како да го прифаќаат она што Трамп го кажа“, изјавил еден од учесниците на повикот.
Сè уште не е познато дали Путин и Зеленски прифатиле да учествуваат во планот што го најавил Трамп. Зеленски беше дел од истиот повик со Трамп и европските лидери и подоцна објави соопштение дека имал „разговор со претседателот Трамп, додавајќи дека заедничкиот став на Украина и европските партнери е дека војната мора да заврши – но тоа мора да биде фер крај“.
На повикот, покрај Трамп и Зеленски, учествуваа и британскиот премиер Кир Стармер, германскиот канцелар Олаф Шолц, генералниот секретар на НАТО, Јенс Столтенберг, како и потпретседателот на САД Џ.Д. Венс, шефот на дипломатијата Марко Рубио и посебниот пратеник на Трамп, Стив Виткоф.
„Сите се согласуваме дека оваа војна мора да заврши“
Трамп на својата социјална мрежа „Тру соушал“ откри некои детали од повикот, наведувајќи дека Виткоф неколку часа се состанал со Путин во Русија. Сепак, не ги спомена своите планови за одржување самит.
„Потоа ги известив некои од нашите европски сојузници“, напиша Трамп. „Сите се согласуваме дека оваа војна мора да заврши и ќе работиме на тоа во наредните денови и недели. Ви благодарам на вниманието!“
Трамп претходно годинава се сретна насамо со Зеленски на погребот на папата Лав XIV во Рим. Францускиот претседател Емануел Макрон се обиде да се приклучи на состанокот во базиликата Свети Петар, но Трамп го одби, бидејќи претпочита билатерални средби.
Трамп месеци наназад неуспешно се обидува да најде решение за мир
Портпаролот на Белата куќа не одговори веднаш на прашања за изјавите. Ниту портпаролите на Виткоф, Рубио и Венс одговорија. Ниту портпаролот на Кремљ, Дмитриј Песков, не се огласи.
Трамп веќе месеци се обидува да најде начин за постигнување мир меѓу Русија и Украина. Познат е како скептик кон американската воена помош за Украина, а порано годинава жестоко го нападна Зеленски пред камерите за време на средбата во Овалната соба.
Меѓутоа, разочаран од бавниот напредок во преговорите, неодамна одобри дополнителна испорака на оружје за земјите членки на НАТО наменето за Украина.
Трамп подолго време се обидуваше да остави простор на Путин да се врати на преговарачката маса, но неодамна јавно го критикуваше, сугерирајќи дека рускиот претседател само го заобиколува, и покрај повторените разговори со Виткоф.
Последната посета на Виткоф на Москва се случи додека Трамп се заканува со воведување секундарни санкции кон Русија поради отсуство на напредок во мировните преговори.
Свет
(Видео) Трамп излезе на кровот на Белата куќа и се довикуваше со новинарите
Вчерашниот ден на американскиот претседател Доналд Трамп започна прилично типично, со телевизиско интервју и разговор со украинскиот претседател Володимир Зеленски. Меѓутоа, Трамп потоа направи нешто неочекувано. Се појави на кровот од западното крило на Белата куќа.
Трамп излезе преку врата поврзана со трпезаријата и застана на кровот над просторијата за новинари. Помина речиси 20 минути набљудувајќи го кровот и околината под него, вклучувајќи ги и ново поставените плочи.
Новинарите му довикуваа од долу. Еден од нив го праша: „Господине, зошто сте на кровот?“
„Малку шетам. Добро е за здравјето“, одговори Трамп.
Spotted: President Trump atop the White House.
Q: "Sir, why are you are on the roof?"
Q: "Mr. President, what are you doing up there?" pic.twitter.com/MQlA6TUnEb
— CSPAN (@cspan) August 5, 2025
Во друштво на Трамп беше и Џејмс Меккри, архитект на новопланираниот проект за танцовата сала вредна 200 милиони долари. Тие се движеа бавно, а Трамп често гестикулираше и покажуваше кон кровот и околината.
Во еден момент довикна дека бара уште еден начин да ги потроши своите пари за оваа земја. Новинарите подоцна го прашаа што планира да гради, а тој се пошегува: „Нуклеарни проектили.“
Трамп значително го преуреди Овалниот кабинет додавајќи златни украси, претседателски портрети и други предмети, а постави и масивни столбови за знамиња на северниот и јужниот тревник.
Минатата недела, неговата администрација најави дека изградбата на огромната танцова сала ќе почне во септември. Проектот треба да биде готов пред крајот на трамповиот мандат во почетокот на 2029 година.
Иако ретко, во текот на годините имало моменти кога претседателите се осмелиле да излезат на кровот на Белата куќа, па дури и да спијат таму. Во 1910 година, претседателот Вилијам Ховард Тафт побарал да се изгради објект за спиење на кровот за да избега од топлите летни ноќи во Вашингтон.
За промовирање на обновливите извори на енергија, претседателот Џими Картер во 1970-тите поставил 32 соларни панели на кровот на Западното крило. Панелите биле отстранети за време на администрацијата на Реган.
Свет
Трамп: Постигнат е голем напредок со Путин
Американскиот претседател Доналд Трамп изјави дека неговиот специјален пратеник, Стив Виткоф, на средбата со рускиот претседател Владимир Путин постигнал значаен напредок, и најави дека во наредните денови и недели ќе се работи на завршување на конфликтот во Украина.
„Виткоф, штотуку имаше многу продуктивна средба со претседателот на Русија, Владимир Путин. Постигнат е голем напредок! Потоа ги известив некои од нашите европски сојузници. Сите се согласуваме дека оваа војна мора да заврши и ќе работиме на тоа во деновите и неделите што доаѓаат. Ви благодарам на вниманието“, напиша Трамп.
Иако и официјален претставник на Белата куќа, цитиран од Ројтерс, потврдил дека средбата поминала добро и дека Русите се заинтересирани да ја продолжат соработката со САД, сепак се очекува во петок да стапат во сила секундарните санкции.
Во меѓувреме, Трамп и украинскиот претседател Зеленски, наводно, го завршиле својот телефонски разговор.
Виткоф, денес ја оствари својата петта посета на Русија оваа година, при што утрово се сретна со директорот на Рускиот фонд за директни инвестиции, Кирил Дмитриев, а потоа беше примен и во Кремљ од претседателот Путин.
Сиљановска-Давкова по новиот инцидент на трибините: Селективната осуда е лицемерие
По новите националистички скандирања на спортските трибини, претседателката Гордана Сиљановска-Давкова со јавна реакција на социјалните мрежи. Таа порача дека сцените...
(Видео) Спасен параглајдеристот кој висеше закачен на дрво високо над 30 метри
Во лоши услови со силен ветар и во ноќ, тимот за спасување на планина на Дирекцијата за заштита и спасување...
Лихварска шема во Гостивар: Заем од 35.000 евра со камата од 15.000 за една година, па по 3.000 евра месечно
Против две лица, меѓу кои еден нотар од Гостивар и една фирма, тетовската полиција поднесе кривични пријави поради сомнение за...
Свадба во струмичкиот затвор – осуденик го кажа судбоносното „да“
Во струмичкиот затвор денес се одржа невообичаен, но длабоко хуман чин – законска регистрација на брак на осудено лице кое...
Тешко злосторство во Кавадарци – го убил својот брат, па го закопал во дворот
Четириесет и тригодишен маж е осомничен дека по расправија го убил својот една година помлад брат, а потоа неколку дена...
Децата на подолго болничко лекување нема да губат настава, на Детската клиника се воведува формално образование
За да нема прекин на воспитно-образовниот процес на учениците што имаат посериозни здравствени предизвици и се на болничко лекување повеќе...
Хелсиншкиот комитет го осудува националистичкото скандирање на фудбалскиот натпревар меѓу „Шкендија“ и „Карабах“
Хелсиншкиот комитет за човекови права изразува сериозна загриженост и го осудува националистичкото и политизирано скандирање за време на фудбалскиот натпревар...
Девет години од катастрофалните поплави во Гази Баба, во кои загинаа 22 лица
Денеска се навршуваат девет години од катастрофалните поплави во Стајковци и околните села и Сингелиќ во кои загинаа 22 лица....
Над 360 лица ќе ја искористат мерката на Владата за пожарникари
Точно 364 лица, од кои 34 во Скопје, ќе ја искористат мерката на Владата предводена од ВМРО-ДПМНЕ, на која ќе...
ОН предупреди на катастрофални последици ако Израел ги прошири своите воени операции во Газа
Висок функционер на Обединетите нации предупреди дека може да има „катастрофални последици“ ако Израел ги прошири своите воени операции во...
Хирошима: 80 години од првата атомска бомба во светот, која уби над 100.000 луѓе
Јапонскиот град Хирошима одбележува 80 години од американскиот нуклеарен напад што го уништи градот и одзеде десетици илјади животи. Хирошима...
Трамп именува наследник
Претседателот на Соединетите Американски Држави, Доналд Трамп, денес посочи дека потпретседателот Џ. Д. Венс би можел да биде неговиот најверојатен...
Српскиот министер, кој доживеа мозочен удар во емисија, е свесен, но сè уште во критична состојба
Министерот за јавни инвестиции на Србија, Дарко Глишиќ, се разбуди по операцијата поради мозочен удар и е свесен, но има...
Извршил обљуба врз деветгодишно девојче: уапсен скопјанец
Вчера полициски службеници од СВР Скопје го лишиле од слобода Л.О.(32) од скопско село. Полицијата постапила по претходна пријава дека...
Семејството го барало неколку дена, во куќа во Кавадарци пронајден починат маж покриен со земја
Полицијата пронајде починат 42-годишен маж во Кавадарци, постојат сомненија за убиство. Дежурен јавен обвинител од Основното јавно обвинителство Кавадарци изврши...
Скопјанец преку веб-страница продавал билети за непостоен концерт
Полицијата поднесе кривична пријава за скопјанец кој преку веб-страница продавал билети за непостоен концерт. Денеска, Секторот за компјутерски криминал поднесе...
Клиниката за детски болести доби нов дигитален мобилен рендген-апарат, донација од Јапонија
На Клиниката за детски болести денеска беше промовиран дигитален мобилен рендген-апарат, обезбеден со поддршка од Амбасадата на Јапонија. „Станува збор за...
Разоткриена мрежа на шверцери – купувале цигари на фришоп во Грција и ги пренесувале со цистерна со нафта
Царинска управа преку Секторот за контрола и истраги, откри и спречи криминална шема поврзана со шверц на цигари. Против пет...
Гром го предизвикал пожарот во велешката фабрика, велат од „Мирана“
Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат...
(Видео) Еден качен на хауба, друг вози без дозвола – поднесени пријави за скопјаните што дивееја на улиците
Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и...
