Премиерот Никола Груевски доцна попладнево во Владата го прими Џон Битов, истакнатиот македонски стопанственик од Канада, при што беа разгледувани поволностите што ги нуди Македонија за водење бизнис и потребата од поголема вклученост на дијаспората во оваа сфера.

Премиерот Никола Груевски доцна попладнево во Владата го прими Џон Битов, истакнатиот македонски стопанственик од Канада, при што беа разгледувани поволностите што ги нуди Македонија за водење бизнис и потребата од поголема вклученост на дијаспората во оваа сфера.Како што информираат од службата за односи со јавноста на Владата на РМ, премиерот Груевски на Џон Битов како извршен директор на реномираната во Канада „Битов корпорација“, кој беше придружуван од неговите синови кои исто така се вклучени во работата на Корпорацијата, му ја истакнал благодарноста за неговото залагање и за долгогодишната промоција на интересите на Република Македонија во Канада, како и за неговата поддршка на активностите на нашата дијаспора на американскиот континент.

Битов е главен акционер и претседател на „Scott’s Real Estate Investment Trust“ и на „Sirius XM Canada“. Исто така, контролира неколку државни и приватни бизниси. Од неодамна е и во бизнисот со телекомуникации преку компанијата „Mobilicity“ која ја раководи.

Двајцата соговорници ги разгледаа можностите и олеснувањата што се нудат во земјава во доменот на отворањето и водењето бизнис, и начините за привлекување странски инвестиции. Исто така, Груевски и Битов се согласија дека е потребен и посилен ангажман на македонската дијаспора на ова поле.Притоа беше разговарано и за политиките што Владата ги презема за поголема вклученост на нашите иселеници во целокупниот живот на Македонија, при што гостинот од Канада изрази поддршка на политиките што се преземаат за привлекување на странскиот капитал, истакнувајќи ги притоа даночните ослободувања и поддршката која им се дава на странските компании кои сакаат да инвестираат во Македонија.Беше дискутирано, исто така, и за активирањето на македонската дијаспора во насока на поддршка на спортот, особено во делот на пренесувањето на искуства за развој и промоција на хокеарскиот спорт во земјава.Премиерот Груевски и Битов, во разговорот го истакнале и значењето и потребата од натамошен ангажман на македонската дијаспора за промоција на државните интереси, развојот на економијата, и градењето мостови на пријателство и соработка меѓу Република Македонија и земјите каде што живеат иселениците./крај/со