Македонија
Владата да помогне во борбата со дискриминацијата

Владата да работи на подигнување на јавната свест во државата и да придонесе за намалување на стигмата и дискриминацијата кон лицата кои живеат со ХИВ, мажите кои имаат секс со мажи, сексуалните работници и корисниците на дроги
Ова го порачаа дванаесетте македонски граѓански организации кои работат на полето на ХИВ/СИДА кои денеска донесоа заедничка изјава за интензивирање на националниот одговор во постигнувањето на универзалниот пристап за ХИВ превенција, грижа и третман согласно моменталните состојби и дефинираните приоритети во рамки на Националната стратегија за ХИВ/СИДА на Македонија.Невладините истакнаа дека во моментот во Македонија постојат од шест до осум илјади проблематични зависници од дрога и предупредија дека мора да се продолжи да се работи за обезбедување на помош и третман на овие луѓе.„Ги повикуваме Владата на Р.Македонија и сите релевантни чинители во државата да работат на ефикасна имплементација на постојната регулатива што ги штити човековите права на сите, без разлика на социјалниот и здравствениот статус, родовиот идентитет и сексуалната ориентација,“ рече Елизабета Божиноска, од НВО Х.Е.Р.А.Овие организации ги признаа придобивките од долгогодишното финансирање на Глобалниот Фонд за ХИВ/СИДА, Туберколоза и Маларија и поддршката од страна на Министерството за Здравство но сепак изразија незадоволство од државата која не ја остварува обврската за преземање на националните трошоци за справување со ХИВ. Според граѓанските организации кои ја потпишаа изјавата, средствата наменети за ХИВ превенција остануваат и понатаму непроменети а оваа 2010 се намалени со што може да се загрози одржливоста на воспоставените програми и активности како и третманот и грижата за лицата кои живеат со ХИВ.„Владата за 2010 година ги скрати буџетските средства наменети за превентивната програма во однос на ХИВ СИДА за околу два милиони денари,“ истакнаа граѓанските организации.Самиот потпишан документ од ХОПС, ХЕРА, ЕГАЛ, Доверба, Зона Кавадарци, Избор Струмица, Младински клуб Штип, Опција Охрид, ЦРУЈЖ Тетово и Хелп Гостивар, е дел од пошироката кампања која се одвива во голем број земји во Европа, под името „Vienna Express 2010: Тowards Universal Access“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Не сакам да бидам маша во сценарио за изборен пораз – Костадинов нема да се кандидира како независен за Струмица

Актуелниот градоначалник на Струмица, Костадин Костадинов нема да се кандидира како независен кандидат за Струмица. Ова тој го објави и на социјалните мрежи.
Некогаш, за да си ги видиш луѓето околу себе, не треба повеќе од една реченица. Толку е доволно да го прочиташ пулсот. Да видиш кој што мисли, кој мисли како тебе, кој не мисли воопшто.
Да видиш која е вистинската состојба на партијата – има ли таму уште искрени луѓе или само спакувани кариери со фолија за замрзнување.
Кога споменав можност за независна кандидатура, без воопшто да одлучам, мислев дека ќе треба барем две недели за да се охрабрат и најголемите глумци да го покажат лицето.
Не. Не им требаа две недели. Им требаа помалку од 24 часа“, вели тој.
Секоја чест на исклучоците, додава Костадинов.
„На вистинските другари, чесните, лојалните, тие што навистина сакаат СДСМ да си го врати достоинството. А раководството? Раководството си донесе одлука и покрај мое убедливо водство на сите анкети. Но, во обид да го убијат разумот, почнаа да пуштаат анкети на фејсбук, со лајкови по групи, затоа што веќе не веруваат ни во анкетите што самите ги платиле.
Епа, жално.
Со такво раководство, многу е и една општина да се победи. Не, јас не одам како кандидат.
Јас се повлекувам во тишина, за да создадам нова визија за СДСМ – партија со авторитет, со план, со луѓе кои разбираат стратегија и знаат дека партијата е жив организам, а не штаб за оговарање.
И да не се лажеме не сум политички наивен.
Не сакам да бидам маша во сценарио за изборен пораз.
Брзо го загризаа тој наратив, но уште побрзо ќе го голтнат поразот.
Мојата стратегија ќе биде јасна – и ќе биде поделена во два дела:
Првиот – во септември. Вториот – по завршување на локалните избори.
До тогаш, правете си анкети по Фејсбук групи.
Дури и тоа нека помогне да се победи барем во една општина.
Јас ќе останам член со замрзнат статус – додека не ги видам резултатите.
После – ќе биде друга песна.
На првиот тест – паднавте.
Во октомври – играјте повнимателно.
Народот не е повеќе глупав.
Политиката е игра на мудрите, изгледа и мудрост и фали на партијата.
Со почит,
Костадин Костадинов
Политичар кој нема изгубено избори и знае кога е време да се повлече еден чекор, за да се врати достоинството на СДСМ“, порачува во напишаното Костадинов.
Македонија
Наместо политика за развој на културата, Љутков води партиска пропаганда, велат од СДСМ

Според СДСМ, денешната прес-конференција на министерот за култура Зоран Љутков е уште еден обид да се замаскира годишното фијаско на ВМРО-ДПМНЕ во културата. Наместо отчет, јавноста доби низа лаги, манипулации и самопофалби без основа.
„Нема „успешна година“ кога институциите немаат средства, проектите стојат, а вработените во Министерството за култура се сегрегирани по партиска припадност и без законски исплатената плата согласно со колективните договори.
Министерот премолчи и дека не се почитува Колективниот договор и се манипулира со културните работници, кои се под постојана закана и притисок.
Љутков не кажа ништо за запирањето на сите активности во заштитата на културното наследство, за нефункционалните конкурси, за партиските поставувања и за скандалите во кабинетот – кои не се „успех“, туку пораз на институцијата“, велат од СДСМ.
Додаваат дека на денешниот прес министерот за култура Љутков ја излажал јавноста дека за првпат по 8 години е распишан конкурс за креативни индустрии.
„СДСМ го потсетува Љутков дека во 2024 година беше распишан и спроведен Конкурс за креативни индустрии, кој ги содржеше во винстинска смисла на зборот креативните индустрии, а не како годинешниот конкурс на Љутков скроен по мерка за лукративни и корумптивни проекти што би требало на ВМРО-ДПМНЕ да му донесат повеќе гласови на претстојните локални избори.
Наместо културна дипломатија – само патувања без ефект и без отчет. Еве сега прашуваме што конкретно донесе за културата неговото последно патување во Америка и во крајна линија за туризмот? Наместо инвестиции – кратења од буџетот. Наместо визија – политичка пропаганда“.
Остро реагираат како што велат на обидите да се прикаже неработата како резултат.
Македонија
Онлајн закажување термин за сликање за лични документи и за македонската дијаспора, соопшти МВР

Министерството за внатрешни работи овозможи онлајн закажување термин за сликање за лични документи во државата и за македонската дијаспора, односно сите оние кои не поседуваат македонски телефонски број преку можност да извршат резервација преку електронската пошта, https://termin.mvr.gov.mk/Call_Request.
Од моментот на воведување на електронското закажување преку Веб страницата на МВР во текот на 2024 имало во просек по 7000 закажани термини месечно, а во текот на 2025 има над 4000 термини месечно или во просек речиси по 200 закажани термини на ден преку овој сервис.
МВР информира дека закажувањето термин преку редовните телефонски линии функционира беспрекорно и термин за редовна постапка се добива за еден ден.