Свет
Повеќе од 400 загинати во поплавите во Пакистан
Во поплавите и лизгањето на земјишта настанати по големите монсунски дождови во последните три дена, во Пакистан загинале повеќе од 400 лица а загрозени се повеќе од 600 илјади луѓе, објавија во петок тамошните власти
Како што пренесува AFP, стотици живеалишта и илјадници хектари обработливо земјиште се поплавени во северозападните провинции и во покраината Кашмир, а заради невремето и поплавите целосно е затворена за сообраќај главната автострада која води за Кина. Незабележано досега количество дожд наврнало во последните 36 часа во северозападниот дел од Пакистан, соопшти националната метеоролошка служба, од каде најавуваат смирување на временските прилики во следните неколку денови. Најпогодена била покраината Кајбер Пактунква, односно порано позната по админситративното име Покраина на северозападната граница, во чии планински предели живеат многубројните сиромашни племенски заедници. Покраинскиот министер за информации за пакистанските медиуми на прес-конференција во Пешавар изјавил дека овие се најтешките поплави кои кога и да е го погодиле ова подрачје. Покрај големата бројка загинати, уште околу 150 лица се водат како исчезнати, а министерот додал и дека во оваа покраина се поплавени најмалку 200 километри сообраќајници. Во пакистансито дел од Кашмир чиј дел исто така е поплава, забележани се 22 жртви, а во покраината Балучистан има 25 пријавени загините лица.Агенцијата прави споредба дека во трите дена од обилните дождови загинаа трипати повеќе луше отколку во авионската несреќа во близина на Исламабад во коај живтотите ги загубија 152 лица. Иако директната причина за падот на авионот се уште не е позната, пакистанските медиуми пишуваа дека тој подолго време кружел над главниот град чекајќи да се расчисти гужвата на аеродромската писта и да се подобрат условите за слетување влошени исто така од силниот дожд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Амбасадорите на ЕУ и САД во Москва нема да присуствуваат на инаугурацијата на Путин
Амбасадорите на Европската Унија и Соединетите Американски Држави во Москва нема да присуствуваат на церемонијата на инаугурација на рускиот претседател Владимир Путин.
Портпаролот на ЕУ Петер Стано рече дека оваа одлука е во согласност со ставот на мнозинството земји-членки на блокот.
„Нашиот амбасадор нема да присуствува, повеќето земји-членки нема да присуствуваат“, рече Стано, а пренесе Ројтерс.
Портпаролот на Стејт департментот Метју Милер изјави дека американскиот амбасадор во Москва нема да присуствува на инаугурацијата на рускиот претседател.
Ројтерс вчера објави дека францускиот амбасадор во Русија ќе присуствува на инаугурацијата, за разлика од Германија која нема да испрати свој претставник.
Неименуван извор за агенцијата изјавил дека Париз претходно го осудил „контекстот на репресијата во кој се одржаа изборите, лишувајќи ги гласачите од вистински избор“, како и организирањето избори на украинските територии „окупирани“ од Русија, за кои Франција смета дека има прекршување на меѓународното право и повелбата на Обединетите нации.
Германија најави дека нема да испрати свој претставник на инаугурацијата на Путин.
Балтичките земји, кои веќе немаат дипломатски претставници во Москва, исто така категорично ја отфрлија можноста да присуствуваат на инаугурацијата на Путин.
Денеска ќе се одржи инаугурацијата на рускиот претседател Владимир Путин, со што и официјално ќе започне неговиот петти шестгодишен мандат.
Путин на претседателските избори во март освои 87,28 отсто од гласовите.
Свет
Автобус излета од патот и се преврте во Перу: најмалку 10 загинати меѓу нив и шестмесечно бебе
Најмалку 10 лица загинаа кога патнички автобус излетал од патот и се превртел во областа Пуно во јужниот дел на Перу, јавија локалните медиуми.
Меѓуградскиот автобус се движел на релација Пуно-Куско кога се случила несреќата, јави државната новинска агенција Андина.
Во автобусот имало 24 патници, а меѓу жртвите има и шестмесечно бебе, соопшти полицијата.
Државната телевизија Перу Нотицијас објави дека повредените, од кои некои се со сериозни повреди, биле пренесени во блиските болници.
Причината за несреќата ќе биде позната по истрагата.
Свет
Израел: Ја презедовме контролата на преминот Рафа, специјалните сили на терен
Израелската армија утринава соопшти дека ја презела оперативната контрола на палестинската страна на јужниот граничен премин Рафа во Газа, кој се граничи со Египет, и дека специјалните сили ја проверуваат областа.
Армијата соопшти дека од синоќа силите „оперираат“ во источниот дел на Рафа, каде што повеќето луѓе и некои меѓународни организации се евакуирани.
Во раниот утрински брифинг со новинарите беше речено и дека преминот Керем Шалом утрово е затворен од безбедносни причини и ќе биде отворен кога ќе дозволи безбедносната ситуација. Портпаролот на граничната служба во Газа изјави дека израелски тенкови се распоредени долж преминот Рафа.
Тројца хуманитарни извори за Ројтерс изјавија дека протокот на хуманитарна помош преку преминот е запрен.