Македонија
Македонија за прв пат на Самит на неврзаните
Македонска државна делегација ќе учествува на Самитот на неврзаните земји, што в понеделник започнува во Египет, дознава Макфакс
Македонска државна делегација ќе учествува на Самитот на неврзаните земји, што в понеделник започнува во Египет, дознава Макфакс.
Ова е прво учество на македонска државна делегација на Самит на Движењето на неврзаните кое со своите 118 членки и голем број земји-набљудувачи претставува најголем мултилатерален форум од овој вид во светот.
Македонската делегација ќе ја предводи висок претставник на Министерството за надворешни работи (МНР).
Самитот на неврзаните, 15 по ред, ќе се одржи од 13 до 16 јули во Шарм Ел Шеик, а Македонија ќе учествува во својство на гостин.
Според извори во МНР, учеството на Самитот е резултат на определбата на Република Македонија за политика на активен мултилатерализам, кој во меѓународната арена може особено да биде искористен од страна на помалите држави како инструмент за обезбедување широка меѓународна поддршка за решавање на важни прашања.
Од земјите во регионот, Хрватска, Србија, Црна Гора и Босна и Херцеговина на Самитот во Шарм Ел Шеик ќе учествуваат со статус на набљудувачи.
Учеството на Самитот го потврдија претседателите на Србија, Хрватска, Црна Гора, како и претседателот на босанското Претседателство.
Во својство на гости поканети се Албанија и Грција./крај/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Битиќи: Патриотски ќе одиме кон повисоки плати и пензии, кон „Едно општество за сите“
„Ова зад мене е Спомен-костурницата, симбол на прогресивното и мултикултурно Куманово, темелот на АСНОМ-ска Македонија. Градот кој во 2015 година го потресе трагедија која беше одраз на еден режим кој сакаше да ја скрши Македонија. Сеќавањата сè уште остро нè потсетуваат и опоменуваат на тие мрачни времиња кога ВМРО-ДПМНЕ ја држеше заробена државата во мрак исполнет со стравови“, вели во видео обраќање од Куманово, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Тој нагласува дека СДСМ седум години градеше општество на соживот, меѓусебно разбирање и почитување на различностите, притоа предупредувајќи дека „наследниците на режимот бараат повторно да се издигнат од пепелта, нивната шовинистичка политика повторно надвиснува над Македонија“.
Битиќи предупредува дека со ВМРО-ДПМНЕ и неговиот национализам постои опасност државата да се врати во периодот кога имаше поделби на етничка и религиозна основа.
„Со ВМРО-ДПМНЕ и нивниот национализам може само да се вратиме во времето кога вештачки се обидуваа да креираат поделби и раздори на етничка и религиозна основа. На овие парламентарни избори, секој глас за нив, е глас за времињата налик на тие од 11 години режим. Но наспроти нив, стоиме ние, СДСМ и Коалицијата за европска Македонија, со кои, патриотски, а не националистички, ќе одиме кон повисоки плати, повисоки пензии и пред сè, кон Едно општество за сите“, вели Битиќи.
Македонија
ДУИ: Вокабуларот како оној на Мицкоски е агенда на Москва и Путин
Мицкоски и ВМРО почнаа со лажни вести да измислуваат, дезинформираат и оцрнуваат се што е албанско. Ни помалку ни повеќе, денес, Мицкоски во стилот на лажни вести и заслепен од желбата за власт ја обвинува ДУИ и Али Ахмети дека организирале вооружена група некаде во Чаир и Бутел, велат од ДУИ.
ДУИ и Европскиот фронт изразуваат длабока загриженост за подбуцнувачкиот вокабулар на меѓуетничка омраза на Мицкоски една недела пред 8 мај, денот кога Европскиот фронт ќе ја одбележи својата длабока победа.
„Свесен и исплашен дека нивните слуги од албанската опозиција ќе претрпат длабок пораз, Мицкоски намерно ги загрозува меѓуетничките односи предизвикувајќи страв од дестабилизација на ситуацијата, која е желба и главна цел на проруските центри во Северна Македонија. Во оваа прилика, ДУИ и Европскиот фронт ги повикуваат граѓаните, без разлика на етничката припадност, да не станат плен на измислици и поттикнување меѓуетничка омраза, бидејќи вокабуларот како оној на Мицкоски е агенда на Москва и Путин, кои сакаат да ја дестабилизираат Северна Македонија посебно, а и регионот во целина“, дополнуваат од ДУИ.
Потсетувааат на мислењето дека кога ДУИ организирало избори во последните години, тие секогаш биле слободни, демократски и меѓународно прифатени.
Македонија
Мисајловски: Треба да се пофали градоначалникот на Гази Баба Бобан Стефковски и неговиот тим бидејќи има многу проекти
Потпретседателот на ВМРО-ДПМНЕ и носител на листа во ИЕ 2, Владо Мисајловски, денес беше во посета на општина Гази Баба.
-Нови, позитивни работи во Гази Баба. Треба да се пофали градоначалникот Бобан Стефковски и неговиот тим бидејќи многу проекти има. Еве во последниве две години откако е тој градоначалник, можеме да бидеме сведоци на преку 30-тина игралишта, спортски и училишни сали. Многу реконструкции на патишта, водоводи, канализации. Вака навистина се сака Гази Баба и Македонија, рече тој.
Мисајловски потенцира дека е горд на тоа што ветувањата се реализираат.
-Сакам да ги повикам сите граѓани да ни ја дадат поддршката на 8-ми мај за ваквите проекти да продолжат. На 8-ми мај да ставиме печат на една голема историска победа, за да има повеќе средства за сите општини. 250 милиони евра годишно да се даваат на сите општини, вклучително и Гази Баба каде ќе можеме да видиме и други проекти, директно со помош од централната власт, истакна Мисајловски.
Тој потенцира дека промените се во рацете на народот.
-Примените се во твои раце, народе и Македонија останува твоја. Промените треба да ги започне секој еден од нас, порача тој.