Руски бизнисмен успеал да го одбрани домот и семејството од четворица вооружени разбојници, кои во текот на ноќта упаднале во нивниот дом со цел да ги ограбат.

Како што јавија руските медиуми, бизнисменот Гегам Саркисјам (52) убил тројца од четворицата напаѓачи во инцидентот кој се случил во местото Богородицк, во Тулскиот регион.Разбојниците, кои биле вооружени со ножеви, пиштол и безбол палка, упаднале во неделата навечер во домот на Саркисјам, при што веднаш започнале да го тепаат и да му бараат пари. Домаќинот успеал некако да одолее на ударите, по што за момент се оттргнал и дофатил голем кујнски нож со кој го возвратил нападот усмртувајќи тројца од напаѓачите, додека четвртиот побегнал.Саркисјам по инцидентот бил префрлен во болница каде што е утврдено дека се здобил со потврди на главата, а во пресметката којашто траела повеќе минути, повредени биле и неговата жена и деца.Руската јавност е окупирана со прашањето дали Саркисјам ќе одговара за убиство во сопствениот дом, но повеќе угледни адвокати предвидуваат дека тој ќе биде ослободен од одговорноста, бидејќи убиствата ги извршил во нужна самоодбрана.Јавното обвинителство по службена должност поднесе обвинение за убиство против Саркисјам и побара да се истражат сите околности на настанот.Во одбрана на Саркисјам застанаа здруженијата за борба на човековите права, како и гувернерот на Тулскиот регион, но истражните органи укажуваат дека е потребно да се испитаат сите детали и  да се провери дали е прекршена нужната самоодбрана.Полицијата, која сé уште трага по четвртиот напаѓач, му понуди целосна заштита на семејството на Саркисјам, при што изрази сомневање дека нападот бил организиран од нивни блиски роднини. /крај/по/ап/