Свет
Лагард влегува во битката за шеф на ММФ
Француската министерка за финансии Кристин Лагард во средата официјалнo преку прес-конференција ја објави својата намера да се кандидира за функцијата извршен директор на Меѓународниот монетарен фонд (ММФ)
Претходно, советник на претседателот на Франција, Анри Гено изјави дека во случај на учество на изборите за прв човек на ММФ, Кристин Лагард, официјален Париз ќе ја поддржи нејзината кандидатура. Битката за нов шеф на ММФ доаѓа откако на 14-ти мај во Њујорк под обвинение за сексуално насилство беше уапсен и обвинет досегашниот прв човек на Фондот, Французинот Доминик Строс-Кан. Лагард досега не се изјаснуваше официјално, иако имаше јавни поддршки од разни европски земји, но таа на прес-конференција во Париз дефинитивно во средата се изјасни дека сака да се кандидира.Педесет ипет-годишната Лагард изјави дека ја донела одлуката да се кандидира за извршен директор на ММФ по „зрело размислување“, и во согласност со францускиот претседател Николас Саркози и премиерот Франсоа Фијон за кои самата потврди дека целосно ја поддржувале.Лагард притоа изјави дека сака да добие што поголем консензус за нејзината кандидира. Повеќето европски држави меѓу кои и водечките Германија, Велика Британија и Италија ја поддржуваат кандидатурата на Лагард, сметајќи дека Европа и натаму треба да го задржи водечката позиција во ММФ и дека таа е кандидат кој ги исполнува условите.Досега немаше изјаснувања од САД и Јапонија, коишто традиционално досега ги поддржуваа европските кандидати, во врска со кандидатурата на Лагард.Во соопштението издадено во средата во Брисел, претседателот на Европската Комисија, Жозе Мануело Баросо наведе дека „во целост ја поддржува кандидатурата“ на Французинката Кристин Лагард да го преземе раководството на ММФ. ЕК смета дека „квалитетите на Лагард, како и нејзиното ангажирање за јакнење на контролата во светската економија се неопходни да се обезбеди спроведувањето на мисијата на ММФ и нејзиниот важен придонес во меѓународната економска стабилност“, се наведува уште во соопштението на Баросо. Како што наведуваат француските медиуми, кандидатурата на Лагард има пречка во француските судови, Имено, судот треба на 10-ти јуни да објави дали ќе отвори истрага против Кристин Лагард во врска со неговото контроверзно водење на случајот во врска со бизнисменот Бернар Тапи што би можело да и’ ги уништи шансите да биде избрана на челната функција во ММФ. На ова новинарско прашање Лагард одговори дека „има целосна доверба во истрагата која е во тек и дека нејзината совест е мирна“.Традиционално, ММФ е раководен од претставник на Западна Европа, но во пресрет на изборот за новиот шеф на организацијата, кој би требало да се одржи пред крајот на јуни, се’ повеќе се промовираше идејата дека следниот извршен директор на Фондот треба да биде неевропеец. Меѓу кандидатите за шеф на Фондот особено се фаворизираат поранешниот министер за финансии на Турција, Кемал Дервиш, администратор на програма за развој на ОН, шефот на Централната банка на Израел, Стенли Фишер и шефот на Централната банка на Мексико, Аугусто Карстенс. Исто така, и земјите од Заедницата на држави (од поранешниот СССР) истакнаа свој кандидат – претседателот на Народната банка на Казахстан, Григориј Марченко. Во вторникот, директорот на ММФ кој ги претставува земјите од групата БРИКС (Бразил, Русија, Кина, Индија, Јужна Африка), ги повика неговите колеги да изберат нов извршен директор на фондот – претставник на не европска држава. Во нивната заедничка изјава се вели дека „договорот за изборот на челник на ММФ „направен практично на основа на принципот на националноста, ја поткопува легитимноста на Фондот“. Според нив, последната финансиска криза нанесе значителни штети на економски развиените земји, што ја покажува потребата за реформирање на меѓународниот финансиски институции во услови на сè поголемата улога во светската економија на земјите во развој. Тие го осудија премолчното правило директор на ММФ да биде Европеец а на Светската банка – Американец, на што Легард во средата реплицираше дека „да се биде Европеец не треба да претставува хендикеп“.ММФ е една од двете светски водечките финансиски институции, а една од нејзинит енајважни функции е да обезбедува, доколку е потребно, кредити на земјите членки. Конкретно, Фондот е директно инволвиран во кредитирање на земјите од еврозоната кои страдаат од должничките проблеми. Генералниот директор на Фондот е извршен директор кој е избран од страна на извршниот одбор, со кој тој претседава и има петгодишен мандат, кој е обновлив. Извршниот совет се состои од 24 извршни директори. Петте најголеми акционери на ММФ се САД, Јапонија, Германија, Франција и Велика Британија, како и Кина, Русија и Саудиска Арабија кои имаат свои места на масата. Другите 16 директори се избираат со мандат од две години од релевантни групи на земји. Групите се формирани од држави со слични интереси и обично од истиот регион, како што е на пример со франкофонска Африка. Од основањето на ММФ досега се изменија десетина генерарални (изврешни) директори. Сите од нив беа Европејци, четири од нив беа Французи чиешто „владеење“ започна во втората половина на дваесеттиот век. Во последниве години, земјите во развој членки на ММФ почнаа да се одвојуваат повеќе средства за Фондот и го покренаа прашањето за неговиот прв човек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Авион на Боинг принудно слета на аеродромот во Истанбул, екипажот безбеден
Товарен Боинг 763 принудно слета на аеродромот во Истанбул, по дефект на опремата за слетување, јавија државните медиуми.
Екипажот е безбедно евакуиран, јави државната телевизија ТРТ, пренесува ДПА.
Авионот, во сопственост на американската компанија за испорака Федекс, бил на пат од Париз. Неговата опрема за слетување на носот претрпела дефект додека се приближувал кон Истанбул.
Teretni avion sletio na trup na Aerodromu u Istanbulu https://t.co/7GDTFSZtkY pic.twitter.com/lUD5URlsE0
— Anadolu BHSC (@aa_balkans) May 8, 2024
Контролната кула била информирана и биле преземени неопходните мерки на претпазливост пред авионот да слета во 08:17 часот по локално време, соопшти ТРТ, повикувајќи се на Министерството за транспорт.
Свет
Шолц: Мирот на Балканот не е нешто што се зема здраво за готово
Германија интензивно се залага за прием на земјите од Западен Балкан во Европската Унија бидејќи членството одамна е ветувано, изјави германскиот канцелар Олаф Шолц на средбата со Денис Беќировиќ, член на Претседателството на БиХ, пишува „Дојче веле“.
Германскиот канцелар потоа потсети дека членството во Европската Унија, пред сѐ, зависи од условите што земјата членка мора да ги исполни на патот кон таа цел. Можеби тоа беше мал одговор на сите оние од Западен Балкан што се чувствуваа заобиколени откако на крајот на минатата година им беше отворен патот на преговорите на Украина и Молдавија по скратена постапка. Сега Шолц уште еднаш јасно стави до знаење дека патот е долг, а за некои многу, многу долг.
Тој се осврна и на безбедносната ситуација во регионот и рече дека мирот на Западен Балкан „не е нешто што се зема здраво за готово“.
„Босна и Херцеговина игра важна улога овде и ќе се спротивставиме на секој обид за загрозување на територијалниот интегритет и суверенитет на Босна и Херцеговина“, рече Шолц и нагласи дека затоа Германија ќе истрае да учествува во воените мисии „Еуфор“ и „Алтеа“.
Свет
Популарноста на Америка опаѓа во светот, а на Русија и на Кина расте, покажува истражување
Популарноста на Америка како глобална сила опаѓа ширум светот, особено во земјите со мнозинско муслиманско население, додека на Русија и Кина расте, според Индексот за перцепција на демократијата за 2024 година.
Анализирајќи околу 63.000 испитаници од 53 земји, индексот ги сумира ставовите кон демократијата, геополитиката и играчите на глобалната моќ.
Политико известува дека меѓународната репутација на Америка е нападната од почетокот на 2023 година, особено во муслиманските земји каде што непоколебливата поддршка на Вашингтон за Израел во неговата војна во Газа се покажа како интензивно раздор.
Сега кон трендот се приклучува и Европа, тврди политичкиот магазин.
„За прв пат од почетокот на мандатот на администрацијата на Бајден, многу западноевропски земји се вратија на нето негативната перцепција за САД. Овој пораст и пад, од негативни ставови кон позитивни [и] назад кон негативни ставови, е особено изразен во Германија, Австрија, Ирска, Белгија и Швајцарија“, рече Фредерик ДеВо, постар истражувач за истражувачката компанија Латана, која го состави индексот.
Во меѓувреме, позитивните перцепции за Кина во Азија, Северна Африка, Блискиот Исток и Латинска Америка продолжуваат да растат, доведувајќи ја глобалната перцепција на Пекинг до нето позитивна, и покрај континуираниот европски скептицизам.