Двајца цивили се убиени, а 10 се ранети изминатата ноќ во бомбардирањето од страна на владините сили врз позициите на милитантите во градот Таиз во јужниот дел на Јемен, јавува во неделата AFP повикувајќи се на очевидци.

Двајца цивили се убиени, а 10 се ранети изминатата ноќ во бомбардирањето од страна на владините сили врз позициите на милитантите во градот Таиз во јужниот дел на Јемен, јавува во неделата AFP повикувајќи се на очевидци.Училишна зграда и две куќи биле уништени во бомбардирањето на населбата Ар-Рауда северно од вториот по големина град во Јемен, 270 километри од главниот град Сана.Според локалните жители, била погодена куќата на лидерот на локалниот племенски совет, шеикот Хамуд Саид ал-Мехлафи. Самиот ал-Мехлафи изјавил за агенцијата дека е „изненаден од изборот на целите за бомбардирање“.  Агенцијата, исто така, јавува дека ноќта кон неделата армијата ги бомбардирала позицијата на бунтовниците на 40 километри од главниот град Сана. Засега нема информации за бројот на жртвите.На југ од Јемен, во градот Мудија, за време на вооружените судири со милитантите за кои се претпоставува дека се припадници на Ал Каеда, биле ранети четири лица кои биле хоспитализирани.Јеменската ќелија на Ал-Каеда, исто така познат како Ал Каеда на Арабискиот полуостров, во моментов е една од најактивните терористички групи во регионот и во светот. Во ноември 2010 година, нејзините лидери да преземат одговорност за падот на карго авион во Обединетите Арапски Емирати и експлзивните направи најдени во пакети на аеродром во близина на Лондон и во магацин во Дубаи кои беа адресирани на еврејски центри во САД.Последните неколку месеци, борбата против милитантите во Јемен е усложнета со политичката нестабилност во земјата, каде што од февруари продолжуваат анти-владините демонстрации со кои се бара оставка од претседателот Али Абдула Салех. Според западните медиуми, во текот на немири во земјата загинале неколку стотици луѓе. Претседателот Салех кој во почетокот на јуни беше тешко ранет од шрапнели во напад на џамијата во претседателскиот комплекс, се уште се наоѓа на медицинска нега и тетмани во Ријад, главниот град на соседна Саудиска Арабија./крај/афп/мф/сн