Македонија
Цаноски одново ќе го гради „Космос“
Фирмата на пратеникот и лидер на ПЕИ, Фијат Цаноски, „Фине“ одново ќе го гради станбено – деловниот комплекс „Космос“, кој пред две недели почна да се руши
Фирмата на пратеникот и лидер на ПЕИ, Фијат Цаноски, „Фине“ одново ќе го гради станбено – деловниот комплекс „Космос“, кој пред две недели почна да се руши, поради, како што тврдат од општина Гази Баба, незаконска градба.
Ја повикуваат општината што побрзо да го сруши комплексот, односно она што сметаат дека е незаконско, за да може да продолжи изградбата на „Космос“, со тоа што фирмата ќе го запази претходно дадениот рок за градба до декември 2012 година.
Иако од општината најавија дека комплексот ќе биде цел срушен, од фирмата „Фине“ се подготвени да го изградат одново целиот објект.
Портпаролот на фирмата „Фине“, Катерина Цаневска – Арсовска за Макфакс вели дека никој од граѓаните кои уплатиле за станови во комплексот не сакал да ги земе парите и сакале да се изгради комплексот.
Денеска истекува последниот рок до кога пратеникот Цаноски, основач на „Фине“ треба да го исплати долгот за комуналии за објектот „Космос“.
Доколку тоа не се случи, од општината Гази Баба велат дека долгот од 370 илјади евра, ќе го наплати преку заплена на земјиштето на трите локации, кои Цаноски ги ставил како хипотека.
Но од „Фине“ велат дека ќе поднесат жалба на ова барања и тврдат дека овие пари се платени. Според нив фирмата има дадено 131 илјади евра повеќе од предвиденoто според динамиката на плаќање на 24 рати според договорот со општината.
Комплексот “Космос“ почна да се руши пред две недели бидејќи целиот објект, според општина Гази Баба бил надвор од рамките на проектот што го добил одобрението за градба што го издале службите на Општина Гази Баба.
Целата градба била повисока за метар и 43 сантиметри во однос на апсолутната кота којашто била измерена од геодетска фирма.Комплексот се градеше покрај Вардар кај мостот “Близнак“, во непосредна близина на Универзитетот ФОН, кој исто така е во сопственост на Цаноски. Предвиден беше како луксузен станбено-деловен комплекс со 562 стана.
Утре на иницијатива на Цаноски, чија партија е во коалиција со СДСМ, ќе се одржи средба во седиштето на партијата со другите политички партии што се во коалицијата./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК со први проекции за бројот на пратеници: ВМРО-ДПМНЕ 59, СДСМ 19, ДУИ 18
Државната изборна комисија ги објави првите проекции за бројот на пратенички мандати – ВМРО-ДПМНЕ има 59 пратеници, а зад нив е ДУИ до 19.
Трет по бројот на пратеници е СДСМ со 18 мандати.
Коалицијата Влен има 13 пратенички мандати, Левица 6 и ЗНАМ 5 мандати.
(Обновено)
Македонија
Касами слави во Тетово: Од утре почнуваат преговори за нова влада помеѓу ВМРО-ДПМНЕ и коалицијата Влен
Од утре почнуваат преговори за нова влада помеѓу ВМРО-ДПМНЕ и коалицијата Влен, кажа претседателот на БЕСА, дел од коалицијата Влен, Билал Касами.
Касами рече дека ВЛЕН е победник во сите општини со мнозинско албанско население, а резултатот го препиша и на доаѓањето на иселениците.
„Коалицијата Влен е апсолутен победник кај Албанците“, изјави Касами.
Тој очекува да имаат број на пратеници колку и ДУИ.
Според досега пребројаните гласови, коалицијата Влен има 92.091 гласа, односно 11,21 отсто, а Европскиот фронт на ДУИ, 117.503 гласа, или 14,30 отсто.
Македонија
Димитриевски: ЗНАМ вечерва испиша историја
Лидерот на ЗНАМ, Максим Димитриевски и посака успешен мандат на Гордана Силјановска Давкова.
„Да ја води Македонија во правилна насока, да биде тука за граѓаните, бидејќи нашата борба е и ќе биде за граѓаните. Воедно да честитам на ВМРО-ДПМНЕ за убедливата победа. Верувам дека овие избори ќе бидат дополнителна поука за сите останати политички субјекти кои гравитираа досега на политичката сцена. За нас од ЗНАМ гордо можам да потврдам дека ЗНАМ од вечерва ја започнува својата борба за достоинствена Македонија. ЗНАМ вечерва испиша историја. Ние потвдивме минимум пратеничка група и некаде околу 60 илјади гласови“, кажа Димитриевски и се заблагодари на граѓаните кои што излегоа на изборите.
„Од денеска продолжуваме како што ветувавме во предизборната кампања, согласно нашите определби, програмски и сето што беше ветено пред граѓаните. Ние сме партија формирана од граѓаните, ќе бидеме со граѓаните и ќе работиме за граѓаните“, додаде Димитриевски.
Прашан дали ќе остане градоначалник или размислува за Владата, тој кажа дека нема никакви размислувања, ќе остане доследен на неговите ветувања и секогаш со кумановчани.