Економија
Саркози смета дека договорот за долговите на Грција ќе се реши за неколку дена

Францускиот претседател Николас Саркози на самитот во Брисел изјави дека преговорите за реструктуирање на долгот на Грција од страна на приватните кредитори се движат во вистинската насока и оти наскоро ќе бидат завршени успешно, пренесува AFP.
Францускиот претседател Николас Саркози на самитот во Брисел изјави дека преговорите за реструктуирање на долгот на Грција од страна на приватните кредитори се движат во вистинската насока и оти наскоро ќе бидат завршени успешно, пренесува AFP. „Преговорите се движат во вистинската насока. Ние се надеваме дека конечниот договор ќе биде склучен во следните неколку дена“, изјавил претседателот на Франција на прес-конференција во понеделникот навечер по завршувањето на самитот на Европската унија во Брисел. Саркози, исто така, истакнал дека ЕУ нема намера да ја стави Атина под директен буџетски надзор, како што претходно викендов бараше Германија. „Не може да стане збор за тоа да се примени овој метод, Тоа не е рационално, не е демократски и не е ефикасно“, дополнил Саркози. Грција во обид да го избегн ехаотичниот банкрот води преговори со приватните кредитори за отпишување на долгот од околу 100 милијарди евра, како и со претставниците на ткн „тројка” на меѓународните кредитори (Европска комисија, Европската централна банка и ММФ) за нов пакет помош во обем од 130 милијарди евра во замена за строга фискална програма. ЕУ им препорача на приватните банки да отпишат 50 отсто од номиналната вредност на грчките државни обврзници што ги имаат во своите портфељи, а ефективниот износ на отпишаните долгови може да достигне достигне 70 отсто, имајќи го предвид намалувањето на новиот принос по обврзниците. Грција и ЕУ побараа од приватните кредитори умерен апетит, не само за номиналата на новите кредити во замена за старите, туку и приносот да биде намален под годишна стапка од 4 отсто. Имајќи го предвид намалувањето на процентот приносите на новите обврзници со пониската номинална вредност, реалниот износ на отпишаниот долг би можел да достигне 70 отсто, наместо првично планираните 50 проценти Претставници на Институтот за меѓународни финансии (IIF ), којшто ги претставува приватните кредитори, изјавија дека очекуваат договорот со Грција за преструктуирање на долгот на земјата да биде постигнат оваа седмица. Во меѓувреме, како што јави Reuters повикувајќи се на извор во грчката влада, Атина планира да им достави официјален предлог на приватните кредитори не подоцна од 13-ти февруари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Судот ги прогласи царините за незаконски, но Трамп тврди дека остануваат во сила

Американски апелациски суд во Вашингтон пресуди дека поголемиот дел од царините што претседателот Доналд Трамп ги воведе во текот на својот втор мандат се незаконски.
Судот се занимаваше со законитоста на т.н. „реципрочни“ царини кои Трамп ги воведе во февруари против Кина, Канада и Мексико, а во април и кон повеќето други земји ширум светот. Одлуката не се однесува на царините воведени врз основа на други законски овластувања, како што се царините за увоз на челик и алуминиум.
Трамп воведувањето на царините го оправда со Законот за меѓународни вонредни економски овластувања (ИЕЕПА), кој му дава овластувања за справување со „необични и вонредни“ закани за време на национални вонредни состојби. Во април, тој прогласи национална вонредна состојба поради долгогодишниот трговски дефицит, тврдејќи дека увозот надвишува извозот и дека тоа ја поткопува американската индустрија и воената подготвеност.
Апелацискиот суд пресуди во два случаи – еден што го покренаа пет мали американски компании и другиот што го поднесоа 12 американски сојузни држави предводени од демократите. Тие тврдат дека ИЕЕПА не овозможува воведување царини и дека спорното овластување му припаѓа на Конгресот, а не на претседателот.
Други судови, вклучувајќи го и Американскиот суд за меѓународна трговија во Њујорк, веќе пресудија дека Трамп ги надминал своите овластувања со воведувањето на царините. Најмалку осум тужби ја оспоруваат царинската политика на Трамп, вклучувајќи и една од Калифорнија.
По пресудата, Трамп преку социјалните мрежи порача дека царините остануваат во сила, и оцени дека Апелацискиот суд бил „високо пристрасен“ и неточен.
„Сите царини остануваат во сила! Денеска еден високо пристрасен Апелациски суд неточно рече дека нашите царини треба да бидат укинати, но тие знаат дека Соединетите Американски Држави на крајот ќе победат“, напиша Трамп.
Економија
Македонија ќе биде транзитен мост на Балканот и дел од европските коридори, велат од Вреди

Вреди соопшти дека изградбата на Железничкиот Коридор 8 претставува историски чекор, не само за инфраструктурниот развој, туку и за регионалната интеграција и зајакнувањето на позицијата на Албанците во регионот.
„Коридорот 8 не е само железничка линија, тоа е големата артерија што ги обединува Албанците и отвора нови хоризонти за развој на целата земја“, порачуваат од партијата.
Владата во која партиципира и Вреди ја донесе одлуката за спроведување на договорот за грант во износ од 3,7 милиони евра, обезбедени од Европската инвестициска банка. Средствата ќе се искористат за подготовка на нова проектна документација и постапки за тендерирање. Паралелно, Јавното претпријатие за железничка инфраструктура започнува избор на надзор за изградбата, со што се гарантира ефикасност и транспарентност во процесот.
Заменик-министерката за транспорт, Калтрина Зеколи Шаќири, нагласи дека железничките проекти се двигател на економскиот развој и интеграцијата во Европа.
„Нашето целосно залагање е насочено кон тоа железницата да стане мотор на поврзувањето – економски, регионално и национално. Со Коридорот 8 ја градиме иднината на сите граѓани“, изјави таа.
Од Вреди порачуваат дека со оваа динамика, железницата повеќе не е само план, туку реалност што ќе ги поврзе Скопје со Тирана и Драч, правејќи ја Македонија суштински дел од европските транспортни коридори и мост на соработка меѓу Албанците, каде и да живеат.
„Ова е визијата на Вреди, силна држава, економски конкурентна, модерна и неразделно поврзана со Албанија и Европа. Железничките коридори не се само линии на мапа, тие се артерии на развој кои ќе ја хранат иднината на Албанците и на сите граѓани со децении“, стои во соопштението.
Економија
ВМРО-ДПМНЕ: Со нас народот живее подобро, платите растат, инфлацијата се топи

Со ВМРО-ДПМНЕ на власт граѓаните имаат повеќе пари, платите растат, а инфлацијата е стабилизирана, пишува во денешното соопштение на партијата.
Од ВМРО-ДПМНЕ нагласуваат дека економските мерки кои се спроведуваат даваат конкретни резултати и носат подобар животен стандард за сите граѓани.
„Полека, но сигурно, економијата оживува. Производството расте, платите се зголемуваат, инфлацијата е ставена под контрола. Граѓаните денес имаат повеќе пари и со тоа купуваат повеќе. Тоа не се само бројки, тоа е реалност што ја чувствува секое семејство“, велат од ВМРО-ДПМНЕ.
Според партијата, во само една година власт на ВМРО-ДПМНЕ, реалната плата пораснала двојно повеќе отколку за седум години власт на СДСМ.
„Растот на реалната плата за периодот од јули 2024 до јули 2025 година е 6,7 проценти, додека за времето на СДС – од јули 2017 до јули 2024 – изнесуваше само 3,5 проценти. Тоа јасно покажува кој работи за граѓаните, а кој за својата политичка елита“, додаваат од партијата.
Во исто време, инфлацијата е намалена за цели 30 проценти. Просечната стапка во последната година е 3,6%, додека во времето на СДСМ таа изнесувала 4,8%.
„Ова се факти кои никој не може да ги оспори. Граѓаните денес имаат повисока куповна моќ, живеат подобро, а државата оди напред. За разлика од времето на СДСМ, кога добро живееја само тендерашите и нивната политичка елита, денес резултатите ги чувствува секој граѓанин“, порачуваат од ВМРО-ДПМНЕ.