Свет
Уште еден кинески sид во Градски парк
Уште еден кинески sид ќе никне во Градски парк ако итно не се промени Деталниот урбанистички план за овој дел од Скопје, предупреди на вчерашната прес конференција советничката група во Советот на Општина Центар од СДСМ.
НА МЕСТОТО НА РЕСТОРАНОТ "ОПАТИЈА" ВЦРТАНА МАРКИЧКА ЗА ПОВЕЌЕКАТНИЦА
Уште еден кинески sид ќе никне во Градски парк ако итно не се промени Деталниот урбанистички план за овој дел од Скопје, предупреди на вчерашната прес конференција советничката група во Советот на Општина Центар од СДСМ. Новиот кинески sид според советниците од СДСМ ќе се гради на местото на ресторанот "Опатија". Објектот за кој има вцртано маркица во ДУП-от, велат советниците треба да има габарит од над 600 квадратни метри и да е висок пет плус два ката.
Минатата недела советничката група од СДСМ писмено побарала од градоначалничката Виолета Аларова да отпочне постапка за изменување на ДУП-от за Градски парк. Во него според нив освен маркичката на местото на "Опатија" се спорни уште неколку маркички кои целосно ќе го уништат и обезличат единствениот парк во Скопје.
"Лани не беше донесена ниту една измена за детални урбанистички планови за повеќе делови од општина Центар, иако беа предвидени во програмата за работа на Советот. Апсурдот да биде поголем 60 милиони денари планирани за промена на ДУП-овите беа пренаменети и потрошени за зелени површини за урбана опрема и бекатон плочки", рече на вчерашната прес конференција Благородна Крстевска Мојсовска, советничка од СДСМ во Центар.
Лидија Неделковска, портпарол во Општина Центар вчера изјави дека градоначалничката Аларова не може да дава мислења, оти Советот е тој што ги гласа деталните урбанистички планови. Но според Неделковска на некоја од следните седници градоначалничката ќе предложи да се прекине реализација на сите објекти во Градски парк, освен на градскиот стадион.
"Барањето до Советничката група на СДСМ градоначалничката го доби минатиот четврток и ќе го препрати на разгледување во Комисијата за урбанизам на Советот на општината која ќе треба да одлучи што ќе се прави понатаму", вели Неделковска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.