Исламската верска заедница (ИВЗ) ги повика Владата и партиите на Албанците, државните институции и сите странски дипломати во Република Македонија да и помогнат да се справи со радикалните верски групи чија основна цел е да го разрушат имиџот на исламот

Според Сулејман Реџепи поглаварот на ИВЗ, целта на овие радикални групи е и да го нарушат имиџот на државата и на народот, како и да ја спречат неговата интеграција во Европската Унија и во НАТО.„Денеска имав средба со сите верски службеници кои беа испратени во европските држави и во САД, и тие ме известија за активностите во тамошните исламски центри. Меѓу другото, ме известија дека верниците кои живеат надвор од нашата земја се загрижени за против-законското и неконтролирано делување на радикалните вахабистички индивидуи, па поради тоа ги повикувам Владата, партиите на Албанците во Република Македонија, странските дипломати а посебно амбасадите на САД и на ЕУ да ја поддржат ИВЗ и да преземат потреби мерки против овие радикални структури“, рече Реџепи.Поглаварот Реџепи дури во јули потврди дека вехабитите се инволвираа во неколку скопски џамии, велејќи дека претходно ИВЗ сметала дека тие ќе се повлечатСо ова, Реџепи ги потврди пишувањата на Форум дека вахабитското движење зема замав меѓу муслиманските верници во Македонија, Меѓутоа, од ИВЗ дотогаш остануваа без реакции кога беше посочувано дека корупцијата во нивните редови е една од причините што ова движење зема се поголем замав меѓу верниците.Форум во јануари пишуваше дека како центар на овој верски фанатизам се посочува вахабистичката заедница во Македонија, особено нејзината заедница во струшкото село Лабуништа. Во Скопје, пак, како центри на овие радикални секти во исламот уште тогаш ги набројавме Јаја-паша и Тутун-џамија.Македонските разузнавачки служби засега регистрирале голема претпазливост на лидерите на вахабитите во Македонија, кога станува збор за влијанието меѓу муслиманите во државата. Според нашите соговорници, на зголемувањето на вахабистичкото движење најмногу му погодува корумпираноста во редовите на Исламската верска заедница во Македонија.Сиромаштијата исто така е момент кој се користи од страна на радикалите, кои нудат помош од 50 евра месечно по член на сиромашните семејства, а младите Албанци од Македонија ги стипендираат, пред сè, на изучување на исламската теологија во арапските држави.