Свет
Посебните истражни мерки не се докази против цариниците

Основниот суд во Куманово, во кој се водат постапките против обвинетите
цариници од Деве Баир и од Табановце, не ги прифаќа посебните истражни мерки
како доказ за кривичното дело примање поткуп на кои се заснова обвинението
против нив.
Основниот суд во Куманово, во кој се водат постапките против обвинетите
цариници од Деве Баир и од Табановце, не ги прифаќа посебните истражни мерки
како доказ за кривичното дело примање поткуп на кои се заснова обвинението
против нив. Судот го донел решението по донесување на одлуката на цариниците да
им се суди за поединечни случаи, а не за организиран криминал, на кој се
однесуваат овие мерки.
– Кумановскиот суд ги издвои посебните истражни мерки од обвинителниот акт и
тие не можат да се употребат како докази, бидејќи се недозволиви и
противзаконито е да се изведуваат во судски постапки за поединечни случаи. Тие
се користат само при процесите за организирана група или за дела за кои е
предвидена казна затвор од најмалку 4 години – вели адвокатот Веселин Колевски,
бранител на тројца цариници од Крива Паланка.
Според решението на кумановскиот суд, видеозаписите, записниците од
сослушувањето на заштитениот сведок и барањето за негово сослушување ќе бидат
издвоени од предметот и нема да се употребат како доказ за примањето поткуп. за
што се обвинети цариниците.
– Ова се единствените докази на кои се заснова обвинението, поради што
очекуваме ослободителни пресуди за нашите клиенти – вели Колевски.
Јавното обвинителство поднело жалба до Апелацискиот суд на решението на
кумановскиот суд за отфрлање на посебните истражни мерки како докази. Поради
тоа, повеќе закажани рочишта биле одложени, а досега искази дале тројца
цариници од Деве Баир.
Одбраната очекува, доколку Апелацискиот суд ја отфрли жалбата на Јавното
обвинителство, во текот на наредната недела да биде завршено судењето на
цариниците и тие да бидат пуштени од притвор, каде што се веќе речиси цели 4
месеци. (Ж.Ц.)
Уште еден цариник негира дека зел поткуп
Цариникот Момчило Георгиевски (43) од Крива Паланка, обвинет за кривично
дело организиран криминал и примање поткуп, вчера во Основниот суд во Куманово
ги негираше обвинувањата. И тој, како и неговите двајца претходно сослушани
колеги, останува на својот исказ од истрагата и негира дека од некого некогаш
земал поткуп.
Според обвинението, Георгиевски во декември лани, во ноќна смена на граничниот
премин Деве Баир, од водичот на еден од автобусите на „Алпар-турс“ во патна
исправа примил поткуп од 100 евра за нецаринење на стока донесена од Турција.
Георгиевски како цариник во царинската управа на РМ работел 15 години, до сега
не бил осудуван и против него не се води друга судска постапка. (С.А.Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Јапонија ќе гради високоавтоматизирани воени бродови за Австралија

Јапонија денеска потпиша договор вреден 10 милијарди австралиски долари за изградба на воени бродови од следната генерација за Австралија, што претставува најзначајна продажба на јапонска одбранбена технологија од укинувањето на забраната за извоз на воена опрема во 2014 година – чекор што го оддалечува Токио од поствоениот пацифизам.
Според договорот, компанијата Mitsubishi Heavy Industries од 2029 година ќе ѝ испорачува на Кралската австралиска морнарица надградени повеќенаменски фрегати од класата Mogami.
Овие високоавтоматизирани воени бродови, дизајнирани за лов на подморници, напад на бродови и противвоздушна одбрана, ќе може да се управуваат со само 90 морнари – помалку од половина од екипажот потребен за сегашните бродови.
Австралија планира да ги распореди новите бродови за одбрана на клучните поморски трговски рути и северните морски подрачја кон Индискиот и Тихиот Океан, каде што Кина сè повеќе ги зголемува својата присутност и активностите.
Регион
(Видео) Српски министер доживеа мозочен удар во емисија во живо

На српскиот министер за јавни инвестиции Дарко Глишиќ утрово му се слоши за време на гостувањето во утринската програма на телевизијата „Пинк“. Емисијата беше нагло прекината, а неофицијално се знае дека станува збор за тежок мозочен удар.
Глишиќ беше гостин во утринската програма на телевизијата „Пинк“, но одеднаш почна да пелтечи и не можеше да изговори ниеден цел збор. Водителите го прашаа неколкупати дали се чувствува добро, но тој не можеше да одговори, па програмата беше прекината.
UDARNO: Hitno prekinut program na Pinku! Glišić se šlogirao u sred emisije?!
Ministru za javna ulaganja Darku Glišiću naglo je pozlilo uživo u jutarnjem programu na Pinku. pic.twitter.com/otIuN977tP
— Mario ZNA (@MarioBojic) August 5, 2025
Министерот за здравство Златибор Лончар изјави дека состојбата на Глишиќ е сериозна и дека тој бил донесен во Ургентниот центар во несвесна состојба.
Глишиќ беше итно префрлен во болница, каде што набргу пристигна српскиот претседател Александар Вучиќ. Глишиќ се смета за еден од неговите најблиски соработници.
Дарко Глишиќ е министер во владата на Србија од мај 2024 година. Тој е член на Српската напредна партија од нејзиното основање, а од 2016 година е претседател на Извршниот одбор на СНС.
Српскиот претседател Александар Вучиќ објави заедничка фотографија на својот инстаграм-профил со министерот и напиша: „Даре, држи се! Нема предавање“.
View this post on Instagram
Фото: Принтскрин
Свет
Ердоган доаѓа во Киев на покана од Зеленски – набргу нова рунда преговори?

Претседателот на Турција, Реџеп Таип Ердоган, во наредните денови ќе ја посети украинската престолнина Киев на покана на украинскиот претседател Володимир Зеленски, пренесува агенцијата Turkiye Gazetesi повикувајќи се на украинскиот амбасадор во Анкара, Нариман Џелјал.
Амбасадорот Џелјал најави дека еден од главните фокуси на средбата ќе биде ратификацијата на договорот за слободна трговија помеѓу Турција и Украина.
Очекувањата се дека разговорите ќе го опфатат и ангажманот на Анкара за мирно решавање на војната во Украина.
По трите претходни рунди преговори што се одржаа во Истанбул, Ердоган изрази оптимизам дека набргу може да се случи нова рунда преговори меѓу Украина и Русија насочена кон ставање крај на конфликтот.
Третата рунда разговори беше одржана на 23 јули во Истанбул. Беше договорена размена на затвореници, но не беше постигнат значаен напредок кон прекин на огнот.
Ердоган неколкупати изјави дека Турција е подготвена да организира средба на високо ниво штом бидат создадени потребните услови. Потенцијалната средба меѓу рускиот претседател Владимир Путин и украинскиот претседател Володимир Зеленски би била прва директна средба по 2019 година кога дискутираа за прекин на борбите во источниот регион Донбас.
Претседателот на САД, Доналд Трамп, исто така потврдил дека би присуствувал на таков состанок доколку до него дојде.
Путин неодамна изрази подготвеност да се сретне со Зеленски, веднаш штом двете делегации ги завршат неопходните подготовки.