Свет
Наместо во „Бунарџик“ 15.000 евра за Елена Ристеска
Ревизорите сметаат дека незаконски од буџетот на Дирекцијата се потрошени и 300.000 евра за рекламата за промовирање на Македонија на Си-ен-ен
Ревизорите сметаат дека незаконски од буџетот на Дирекцијата се потрошени и 300.000 евра за рекламата за промовирање на Македонија на Си-ен-ен
Евровизискиот настап на Елена Ристеска во Атина лани бил поважен за тогашната владина гарнитура од подготовката на слободната економска зона „Бунарџик“ за изградбата на фабриката на „Џонсон контролс“. Дирекцијата за слободни економски зони незаконски потрошила 15.000 евра за поддршка на нашата претставничка на Евровизија, иако парите биле предвидени за „Бунарџик“, утврди Државниот завод за ревизија.
Во ревизорскиот извештај, објавен вчера, се посочува дека настапот на Ристеска требало да биде поддржан од Министерството за култура, а не од Дирекцијата, на чие чело тогаш беше Ракип Дочи. Ревизорите сметаат дека лани незаконски и ненаменски од буџетот на Дирекцијата се потрошени и 300.000 евра за рекламата за промовирање на Македонија на Си-ен-ен. Заводот за ревизија се сомнева на незаконско трошење на државни пари за мобилни телефони и нафтени деривати за службените возила.
„Дирекцијата склучила Договор со фирмата ‘29 Мај’ за градежни работи на ‘Бунарџик’ за објектот на ‘Џонсон контролс’ во вредност од 283.000 евра, без претходна согласност од Бирото за јавни набавки. Немало ни потврда дека се обезбедени пари. Фирмата, поради извршени дополнителни работи, со анекс-договор побарала доплата од уште 247.000 евра. Тој договор не е потпишан од новиот директор на Дирекцијата за слободни зони бидејќи вредноста се зголемува за 90 отсто, што е спротивно на Законот за јавни набавки“, пишува во ревизорскиот извештај.
Ревизијата во октомври лани ги потврдила обврските кон „29 Мај“, кои според најновите пресметки изнесуваат 670.000 евра. Според ревизорите, неплаќањето на овој долг создава можност за судски спор со неизвесен исход. Тие укажуваат дека пред четири години Управниот одбор на Дирекцијата без тендер ја ангажирал консултантската куќа „Грант Тортон“ за изработка на физибилити-студија и информативен меморандум за „Бунарџик“, што е спротивно на Законот за јавните набавки.
Ревизијата во Дирекцијата за слободни економски зони откри и неправилности при делење откази.
„Во 2003 година, за време на подолготрајно отсуство на директорот, тогашниот заменик-директор без овластување на пет вработени им поделил откази поради технолошки вишок. За решенијата за отказ се поведени повеќе судски спорови, кои можат да резултираат со враќање на вработените на работа, а со тоа и со исплата на буџетски пари за направените судски трошоци и заостанатите плати“, оценуваат ревизорите.
Против Дирекцијата за слободни економски зони во тек се и судски процеси за неисплатени обврски со вкупна вредност од околу 450.000 евра, чија наплата со камата може да предизвика непредвидени расходи во Буџетот. Дирекцијата ја тужат фирмите „Слимко“, „Пелагонија“ и „Бетон“.
Ниту еден од претходните директори на Дирекцијата вчера не беше достапен за да ги коментира наводите од ревизорскиот извештај.
Државно земјиште незаконски продадено на „Фени“
Државата во 2004 година му продала на „Фени индустри“ над 890.000 квадратни метри градежно изградено земјиште во рамките на Слободната економска зона „Долина на никелот“ во Кавадарци, по цена од 36 денари за квадрат. „Фени“ платил вкупно околу 500.000 евра за земјиштето што државата, согласно со Законот за слободните економски зони, не смее да го продава.
Ревизорите ја доведуваат во прашање законитоста на целиот процес на стекнување право на сопственост врз земјиштето и стопанисувањето со него. Тие констатираа дека Дирекцијата нема добиено никакви приходи од „Фени индустри“, што и’ следуваат согласно со Договорот за основање и започнување со работа на слободната зона во Кавадарци. Не е подготвен ниту ценовник за трошоците според кој би се наплаќале услугите што ги врши организационата единица на Дирекцијата, „Фени индустри“.
„Во зоната ‘Фени индустри’ не се спроведуваат во целост одредбите за 24-часовно обезбедување контрола на влез на физички лица и транспортни средства од лице ангажирано од Дирекцијата за слободни економски зони. Контрола има само осум часа“, укажуваат ревизорите.
Според ревизорскиот извештај, пресметките и плаќањата за истражување и експлоатација на никел во рудникот „‘Ржаново“, каде што се копа руда за „Фени“, не се прават согласно со владината одлука со која се определени критериумите и висината на надоместокот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Познат британски новинар и водител исчезна во Грција
Доктор Мајкл Мозли (67), британски телевизиски новинар, продуцент и водител на БиБиСи од 1985 година, исчезна на грчките острови, јавуваат локалните медиуми.
Новинарот е познат по тоа што се појавува во телевизиски програми како „This Morning“ и „The One Show“, а води и емисија за здравство на БиБиСи.
Неговото исчезнување беше објавено на локална група на Фејсбук, пренесува „Скај њуз“.
„Тимот за пребарување и спасување доаѓа од Атина со беспилотни летала и друга пософистицирана опрема за да помогне во пребарувањето. Се очекува да пристигн“, се додава.
Регион
Силен земјотрес ја погоди Турција
Земјотрес од 4,3 степени според Рихтеровата скала ја погоди источната Турција денес, јавува Европскиот медитерански сеизмолошки институт (ЕМСЦ).
Земјотресот се случи на длабочина од осум километри.
Епицентарот на земјотресот бил 32 километра југоисточно од градот Малатија, во кој живеат повеќе од 400.000 жители.
Засега нема податоци за можна материјална штета.
Свет
Орбан: Унгарија нема да учествува во никакви операции на НАТО во Украина
Унгарскиот премиер Виктор Орбан изјави дека Будимпешта нема да ги испрати своите војници во случај на потенцијално вклучување на НАТО во војната во Украина.
„Украинците мислат дека колку повеќе земји ќе се вклучат во војната против Русите, имаат поголема шанса да победат, па затоа бараат мешање на Европската Унија, дури и целиот свет, во војна. Од гледна точка на Украинците, ескалацијата на војната е логична. Сепак, ние Унгарците знаеме дека мора да останеме надвор од војната затоа што влегувањето во војна е спротивно на унгарските национални интереси “, изјави Орбан пред новинарите.
Тој додаде дека Унгарија не може да го поддржи Холанѓанецот Марк Руте за нов секретар на алијансата на местото на Јенс Столтенберг затоа што, како што рече, го застапува ставот дека сите членки на НАТО мора да се посветат да учествуваат во воени активности надвор од териториите на алијансата.